Cinema
"വ​ഴ​ക്ക് പ​റ​യ​ല്ലേ വാ​പ്പാ എ​ന്ന് സാ​പ്പി പ​റ​ഞ്ഞു, ഇ​ല്ലെ​ന്ന് സി​ദ്ദീ​ഖ് ഇ​ക്ക​യും; സാ​പ്പി​യു​ടെ ഓ​ർ​മ​യി​ൽ അ​നൂ​പ് സ​ത്യ​ൻ
Saturday, June 29, 2024 9:22 AM IST
ന​ട​ൻ സി​ദ്ദീ​ഖി​ന്‍റെ മ​ക​ന്‍ റാ​ഷി​ന്‍ എ​ന്ന സാ​പ്പി​യെ​ക്കു​റി​പ്പ് നൊ​ന്പ​ര​പ്പെ​ടു​ത്തു​ന്ന കു​റി​പ്പു​മാ​യി സം​വി​ധാ​യ​ക​ൻ അ​നൂ​പ് സ​ത്യ​ന്‍. റാ​ഷി​ന്‍റെ വേ​ര്‍​പാ​ടി​ന് പി​ന്നാ​ലെ​യാ​ണ് റാ​ഷി​നെ​യും സി​ദ്ദീ​ഖി​നെ​യും കു​റി​ച്ച് അ​നൂ​പി​ന്‍റെ ഫെ​യ്സ്ബു​ക്ക് കു​റി​പ്പ്.

മ​ക​ന്‍റെ അ​ന്ത്യ​ക​ർ​മ​ങ്ങ​ളെ​ല്ലാം ക​ഴി​ഞ്ഞ് അ​വ​ന്‍റെ മു​റി​യോ​ട് ചേ​ർ​ന്നി​രു​ന്ന് സി​ദ്ദീ​ഖ് പ​റ​ഞ്ഞ കാ​ര്യ​ങ്ങ​ളാ​ണ് അ​നൂ​പ് കു​റി​പ്പി​ൽ പ​റ​ഞ്ഞി​രി​ക്കു​ന്ന​ത്. സാ​പ്പി​ക്ക് ഏ​റ്റ​വും ഇ​ഷ്ട​മു​ള്ള ലോ​കം ലൈ​ബ്ര​റി ആ​യി​രു​ന്നു​വെ​ന്നും അ​വി​ടെ എ​ല്ലാ​വ​രും എ​ടു​ത്തും മ​റ്റും അ​ല​ക്ഷ്യ​മാ​ക്കി വെ​ച്ചി​രി​ക്കു​ന്ന പു​സ്ത​ക​ങ്ങ​ൾ അ​ടു​ക്കി​പ്പെ​റു​ക്കി വെ​യ്ക്കാ​നാ​യി​രു​ന്നു അ​വ​ന് ഏ​റെ ഇ​ഷ്ട​മെ​ന്നും കു​റി​പ്പി​ൽ പ​റ‌​യു​ന്നു.

അ​നൂ​പ് സ​ത്യ​ൻ എ​ഴു​തി​യ കു​റി​പ്പി​ന്‍റെ പൂ​ർ​ണ​രൂ​പം

ഒ​ര​ച്ഛ​നി​ൽ മ​ക​നെ ക​ണ്ട​പ്പോ​ൾ

ന​ട​ൻ സി​ദ്ദീ​ഖ് ഇ​ക്ക​യു​ടെ മ​ക​ൻ റാ​ഷി​ൻ ഇ​ന്ന​ലെ രാ​വി​ലെ മു​ത​ൽ ഉ​റ​ക്ക​മെ​ഴു​ന്നേ​റ്റി​ട്ടി​ല്ല. ഇ​നി​യ​ങ്ങോ​ട്ട് ഉ​റ​ങ്ങാ​മെ​ന്നാ​ണ് സാ​പ്പി​യു​ടെ തീ​രു​മാ​നം. 37 വ​യ​സു​ള്ള ഒ​രു കു​ട്ടി​യാ​യി​രു​ന്നു സാ​പ്പി. ച​ട​ങ്ങു​ക​ളെ​ല്ലാം ക​ഴി​ഞ്ഞു, രാ​ത്രി ആ​ളൊ​ഴി​ഞ്ഞ സ​മ​യ​ത്താ​ണ് സി​ദ്ദീ​ഖ് ഇ​ക്ക സാ​പ്പി​യെ പ​റ്റി പ​റ​യു​ന്ന​ത് അ​ച്ഛ​ന​രി​കി​ൽ ഇ​രു​ന്ന് ഞാ​ൻ കേ​ൾ​ക്കു​ന്ന​ത്. അ​വ​ൻ ഉ​റ​ങ്ങി​ക്കി​ട​ന്നി​രു​ന്ന മു​റി​യു​ടെ തൊ​ട്ട​ടു​ത്തു​ള്ള വ​രാ​ന്ത​യി​ൽ ഇ​രു​ന്ന്.

ന​ട​നാ​യ​ത് കൊ​ണ്ടാ​ണോ എ​ന്ന​റി​യി​ല്ല. മ​ക​നെ​പ്പ​റ്റി പ​റ​യു​മ്പോ​ൾ മു​ന്നി​ലി​രി​ക്കു​ന്ന സി​ദ്ദീ​ഖ് ഇ​ക്ക സാ​പ്പി​യാ​യി മാ​റും. ന​ട​ക്കു​ന്ന വ​ഴി​യി​ലു​ള്ള​തെ​ല്ലാം അ​ടു​ക്കി പെ​റു​ക്കി വ​ക്കു​ന്ന, ചി​ക്ക​ൻ ക​ണ്ടാ​ൽ കൊ​തി വ​രു​ന്ന, ഇ​രു​ട്ട് ക​ണ്ടാ​ൽ പേ​ടി​ക്കു​ന്ന, ഓ​ർ​ക്കാ​പ്പു​റ​ത്ത് വീ​ശു​ന്ന കാ​റ്റു പോ​ലെ വ​രു​ന്ന അ​പ​സ്മാ​ര​ത്തി​ൽ വി​റ​യ്ക്കു​ന്ന സാ​പ്പി. ക​ണ്ണ് നി​റ​ഞ്ഞു തു​ളു​മ്പു​മ്പോ​ൾ മ​ക​ൻ വീ​ണ്ടും അ​ച്ഛ​നാ​യി മാ​റും.

സാ​പ്പി​ക്ക് ഏ​റ്റ​വും ഇ​ഷ്ട​മു​ള്ള സ്ഥ​ലം ലൈ​ബ്ര​റി​യാ​യി​രു​ന്നു. World books ആ​യി​രു​ന്നു ഏ​റ്റ​വും ഇ​ഷ്ടം. ഒ​രു ഗ്യാ​പ്പ് വ​രു​മ്പോ​ൾ സാ​പ്പി​യു​ടെ മു​ഖം ചെ​റു​താ​യൊ​ന്നു വാ​ടും. ഉ​ട​നെ ലൈ​ബ്ര​റി​യി​ൽ കൊ​ണ്ട് പോ​യാ​ൽ സാ​പ്പി ഹാ​പ്പി.

മ​റ്റു​ള്ള​വ​ർ അ​ല​ക്ഷ്യ​മാ​യി മ​റി​ച്ചു നോ​ക്കി വ​ലി​ച്ചി​ടു​ന്ന പു​സ്ത​ക​ങ്ങ​ൾ തി​രി​കെ യ​ഥാ​സ്ഥാ​ന​ത്ത് സാ​പ്പി കൊ​ണ്ട് വെ​ക്കും. അ​ത് കൊ​ണ്ട് ലൈ​ബ്രെ​റി​യ​ന് ഇ​ഷ്ട​മാ​ണ് സാ​പ്പി വ​രു​ന്ന​ത്. ഇ​ന്ന് മു​ത​ൽ അ​യാ​ൾ അ​ത് ഒ​റ്റ​ക്ക് ചെ​യ്യ​ണം.

സ​മാ​ധാ​നി​പ്പി​ക്കാ​ൻ ശ്ര​മി​പ്പി​ക്കു​ന്ന​തി​നി​ട​യി​ൽ അ​ച്ഛ​ൻ സി​ദ്ദീ​ഖ് ഇ​ക്ക​യോ​ട് പ​റ​ഞ്ഞ​തി​ൽ ഒ​ന്നി​ങ്ങ​നെ​യാ​യി​രു​ന്നു, "അ​വ​ൻ സ​ന്തോ​ഷ​വാ​നാ​യി​രു​ന്നു സി​ദ്ദീ​ക്കേ. അ​വ​ന്‍റെ ലോ​കം ഒ​ന്നാ​ലോ​ചി​ച്ചു നോ​ക്കി​യേ. ന​മു​ക്കെ​ല്ലാ​വ​ർ​ക്കും ഉ​ള്ള കാ​പ​ട്യ​മോ, മു​ഖം മൂ​ടി​യോ ഇ​ല്ലാ​തെ, ഇ​ങ്ങ​നൊ​രു വീ​ട്ടി​ൽ സ്നേ​ഹം മാ​ത്രം അ​നു​ഭ​വി​ച്ച് അ​വ​നു ജീ​വി​ക്കാ​ൻ പ​റ്റി​യി​ല്ലേ". ശ​രി​യാ​ണ് എ​ന്തൊ​രു സ​മാ​ധാ​ന​മു​ള്ള ജീ​വി​ത​മാ​യി​രി​ക്കും അ​ത്.

വീ​ടി​റ​ങ്ങി പോ​യ മ​ക​നെ​പ്പ​റ്റി പ​റ​യും പോ​ലെ സി​ദ്ദീ​ഖ് ഇ​ക്ക സാ​പ്പി​യെ​പ്പ​റ്റി സം​സാ​രി​ച്ചു കൊ​ണ്ടി​രു​ന്നു. "ഭ​യ​ങ്ക​ര മെ​മ്മ​റി ആ​ണ​വ​ന്. എ​ല്ലാ ഡീ​റ്റൈ​ൽ​സും ഓ​ർ​മ​യി​ൽ കാ​ണും. അ​ടു​ത്ത വ​ർ​ഷ​ത്തെ ഒ​രു ദി​വ​സ​ത്തെ​പ്പ​റ്റി ചോ​ദി​ച്ചാ​ൽ ആ ​തി​യ​തി​യും ആ​ഴ്ച​യും സെ​ക്ക​ന്‍റു​ക​ൾ​ക്കു​ള്ളി​ൽ പ​റ​യും.

ഒ​രു ദി​വ​സം ഞ​ങ്ങ​ളെ​ല്ലാ​വ​രെ​യും ഞെ​ട്ടി​ച്ച് മു​റ്റ​ത്താ​രോ വ​ച്ചി​രു​ന്ന ഒ​രു സൈ​ക്കി​ളു​മെ​ടു​ത്ത് അ​വ​ൻ പു​റ​ത്തു പോ​യി. പാ​നി​ക്കാ​യി ഞ​ങ്ങ​ൾ ഓ​രോ​രു​ത്ത​രും അ​വ​നെ ത​പ്പാ​ൻ ഓ​രോ വ​ഴി​ക്കി​റ​ങ്ങി. ഒ​രു മ​ണി​ക്കൂ​ർ ക​ഴി​ഞ്ഞു ത​നി​യെ സൈ​ക്കി​ളോ​ടി​ച്ച് അ​വ​ൻ തി​രി​ച്ചെ​ത്തി.

അ​വ​ൻ സൈ​ക്കി​ൾ ച​വി​ട്ടു​ന്ന​ത് അ​തി​നു മു​ൻ​പ് ഞ​ങ്ങ​ളാ​രും ക​ണ്ടി​ട്ടി​ല്ല. എ​ന്നെ ക​ണ്ട​പ്പോ​ൾ അ​വ​ൻ ആ​ദ്യം പ​റ​ഞ്ഞ​ത് "വ​ഴ​ക്ക് പ​റ​യ​ല്ലേ വാ​പ്പാ" ന്നാ​ണ്. ഇ​ല്ലാ​ന്ന് പ​റ​ഞ്ഞു അ​വ​ന്‍റെ കൈ ​ര​ണ്ടും ഞാ​ൻ മു​റു​ക്കി പി​ടി​ച്ചു.

ഒ​ന്ന് നി​ർ​ത്തി, വി​തു​മ്പി​ക്കൊ​ണ്ട് സി​ദ്ധി​ഖ് ഇ​ക്ക പ​റ​ഞ്ഞു, "അ​വ​ന്‍റെ കൈ ​ന​മ്മ​ളു​ടെ കൈ ​പോ​ലെ ഒ​ന്നു​മ​ല്ല... പൂ​വൊ​ക്കെ പോ​ലെ ഭ​യ​ങ്ക​ര സോ​ഫ്റ്റാ." ആ ​പ​റ​ഞ്ഞ​ത് പു​റ​കി​ലെ മു​റി​യി​ലെ ജ​ന​വാ​തി​ലി​ൽ ചാ​രി നി​ന്ന് സാ​പ്പി കേ​ട്ടി​ട്ടു​ണ്ടാ​കും. ഇ​രു​ട്ടാ​ണ് അ​വി​ടെ. ചെ​ല​പ്പോ സാ​പ്പി​ക്ക് ഇ​രു​ട്ടി​നോ​ടു​ള്ള പേ​ടി പോ​യി​ക്കാ​ണും.


Copyright @ 2018 , Rashtra Deepika Ltd.