ഫ്ര​ഞ്ച് ന​ഗ​ര​വീ​ഥി​യി​ലെ "ബ്ലാ​ക്ക് ഏ​ലി​യ​ന്‍'
Saturday, June 15, 2024 11:46 AM IST
ലോ​കം വി​ചി​ത്ര​മാ​ണെ​ന്ന് പ​ല​രും പ​റ​യാ​റു​ണ്ട​ല്ലൊ. വാ​സ്ത​വ​ത്തി​ല്‍ "വി​ചി​ത്ര​രാ​യ മ​നു​ഷ്യ​രു​ള്ള ലോ​കം' എ​ന്നാ​ണ് പ​റ​യേ​ണ്ട​ത്. വേ​റി​ട്ട ജീ​വി​തച​ര്യ​യു​ള്ള പ​ല​രും ന​മു​ക്ക് ചു​റ്റു​മു​ണ്ട്. ഇ​ത്ത​ര​ത്തി​ലു​ള്ള "അ​സാ​ധാ​ര​ണ​ക്കാ​ര്‍' ന​മ്മ​ളെ അ​മ്പ​രപ്പി​ക്കു​ക​യും ആ​ശ​യ​ക്കു​ഴ​പ്പ​ത്തി​ലാ​ക്കു​ക​യും ചെ​യ്യും.

ഇ​ത്ത​രം ആ​ളു​ക​ള്‍​ക്ക് സാ​ധാ​ര​ണ​ക്കാ​രു​ടെ യു​ക്തി​യി​ല്‍ നി​ര​ക്കാ​ത്ത അ​വ​ര​വ​രു​ടേ​താ​യ പ​ല ന്യാ​യ​ങ്ങ​ളു​മു​ണ്ട്. അ​ത്ത​ര​ത്തി​ല്‍ ലോ​ക​ശ്ര​ദ്ധ​യാ​ക​ര്‍​ഷി​ച്ച ഒ​രാ​ളാ​ണ് ഫ്രാ​ന്‍​സി​ല്‍ നി​ന്നു​ള്ള ആന്‍റ​ണി ലോ​ഫ്രെ​ഡോ. "ക​റു​ത്ത അ​ന്യ​ഗ്ര​ഹ​ജീ​വി' ആ​വു​ക എ​ന്ന​താ​ണ് അ​ദ്ദേ​ഹ​ത്തി​ന്‍റെ ല​ക്ഷ്യം.

അ​തി​നാ​യി ഈ ​മു​പ്പ​ത്തി​മൂ​ന്നു​കാ​ര​ന്‍ ശ​രീ​ര​ത്തി​ല്‍ വ​രു​ത്തി​യ മാ​റ്റം ആ​രെ​യും ഞെ​ട്ടി​ക്കു​ന്ന​താ​ണ്. നി​ല​വി​ല്‍ ഫ്ര​ഞ്ച് ന​ഗ​ര​ത്തി​ല്‍ കാ​ണ​പ്പെ​ടു​ന്ന ഇ​ദ്ദേ​ഹം ശ​രീ​രം മു​ഴു​വ​ന്‍ മാ​റ്റം വ​രു​ത്തി അ​ന്യ​ഗ്ര​ഹ ജീ​വി എ​ന്ന നി​ല​യി​ലാ​ണ് നടപ്പ്.

മു​ന്‍​പ് സാ​ധാ​ര​ണ വ്യ​ക്തി​യാ​യി​രു​ന്നു ആ​ന്‍റ​ണി. അ​യാളുടെ സ്വ​ന്തം ഭാ​ഷ​യി​ല്‍ പ​റ​ഞ്ഞാ​ല്‍ "സെ​ക്സി മാ​ന്‍'. എ​ന്നാ​ല്‍ ഒ​രു അ​ന്യ​ഗ്ര​ഹ ജീ​വി​യാ​ക​ണ​മെ​ന്ന അ​ദ​മ്യ​മാ​യ ആ​ഗ്ര​ഹം അ​ദ്ദേ​ഹ​ത്തി​ന്‍റെ ജീ​വി​ത​ത്തെ മാ​റ്റി​മ​റി​ച്ചു.

ചെ​വി പാ​തി മു​റി​ച്ചും നാ​വ് ര​ണ്ടാ​യി മു​റി​ച്ചും കൃ​ഷ്ണമ​ണി​യി​ല്‍ ടാ​റ്റൂ ചെ​യ്തു​മൊ​ക്കെ ഇ​യാ​ളാ​കെ മാ​റി. ശ​രീ​ര​ത്തി​ലെ ഒ​ട്ടു​മി​ക്ക​യി​ട​ങ്ങ​ളി​ലും രൂ​പ​മാ​റ്റം വ​രു​ത്തി. ഇ​തോ​ടെ സ​മൂ​ഹ മാ​ധ്യ​മ​ങ്ങ​ളി​ലും മാ​ധ്യ​മ​ങ്ങ​ളി​ലും ആ​ന്‍റ​ണി ലോ​ഫ്രെ​ഡോ വ​ലി​യ ച​ര്‍​ച്ച​യാ​യി. പി​ന്നാ​ലെ , "ദി ​ബ്ലാ​ക്ക് ഏ​ലി​യ​ന്‍ പ്രോ​ജ​ക്റ്റ്' എ​ന്നൊ​രു ഡോ​ക്യു​മെ​ന്‍റ​റി അ​ദ്ദേ​ഹ​​ത്തെക്കുറി​ച്ചു​ണ്ടാ​യി.

താ​നി​തു​വ​രെ 46 ശ​ത​മാ​നം മാ​ത്ര​മാ​ണ് രൂ​പ​മാ​റ്റം വ​രു​ത്തി​യ​തെ​ന്നും ഇ​നി​യും മാ​റ്റം അ​നി​വാ​ര്യ​മാ​ണെ​ന്നും ആ​ന്‍റണി പ​റ​യു​ന്നു. ഇ​യാ​ള്‍ ഒ​രു കാ​ലും മു​റി​ച്ചു​മാ​റ്റാ​ന്‍ പ​ദ്ധ​തി​യി​ടു​ന്നു എ​ന്നു​കേ​ട്ട​വ​രൊ​ക്കെ ഞെ​ട്ടി​യി​രി​ക്കു​ന്നു.

എ​ന്താ​യാ​ലും ഇ​ത്ത​രം ബ്ലാ​ക്ക് ഏ​ലി​യ​ന്‍ മാ​റ്റം ആ​ന്‍റ​ണി ലോ​ഫ്രെ​ഡോ​യ്ക്ക് പ്ര​സി​ദ്ധി മാ​ത്ര​മ​ല്ല ബു​ദ്ധ​മു​ട്ടും സ​മ്മാ​നി​ക്കു​ന്നു​ണ്ട​ത്രെ. "ആ​ന്‍റ​ണി ഒ​രു പ്ര​ഹേ​ളി​ക' എ​ന്നാ​ണൊ​രാ​ള്‍ ഇ​യാ​ളെ കു​റി​ച്ച് എ​ഴു​തി​യ​ത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2018 , Rashtra Deepika Ltd.