ജ​പ്പാ​നി​ൽ ആ​ർ​ക്കും വേ​ണ്ടാ​തെ 90 ല​ക്ഷം വീ​ടു​ക​ള്‍! കാരണം...
Tuesday, May 14, 2024 12:50 PM IST
ആ​രും താ​മ​സി​ക്കാ​നി​ല്ലാ​തെ ഉ​പേ​ക്ഷി​ക്ക​പ്പെ​ടു​ന്ന വീ​ടു​ക​ളു​ടെ എ​ണ്ണം ജ​പ്പാ​നി​ൽ കു​തി​ച്ചു​യ​രു​ന്നു. നി​ല​വി​ൽ ഇ​ത്ത​രം 90 ല​ക്ഷം വീ​ടു​ക​ളു​ണ്ടെ​ന്നാ​ണു ജ​പ്പാ​നി​ലെ ആ​ഭ്യ​ന്ത​ര മ​ന്ത്രാ​ല​യ​ത്തി​ന്‍റെ ക​ണ​ക്കു​ക​ളി​ലു​ള്ള​ത്.

രാ​ജ്യ​ത്ത് ആ​കെ​യു​ള്ള വീ​ടു​ക​ളി​ൽ 14 ശ​ത​മാ​നം വ​രു​മി​ത്. ഇ​തി​നു കാ​ര​ണം മ​റ്റൊ​ന്നു​മ​ല്ല, ജ​പ്പാ​നി​ലെ ജ​ന​ന​നി​ര​ക്ക് ക്ര​മാ​തീ​ത​മാ​യി കു​റ​യു​ന്നു. ഇ​ങ്ങ​നെ പോ​യാ​ൽ അ​ധി​കം വൈ​കാ​തെ ജ​പ്പാ​നി​ലെ പ​ല മേ​ഖ​ല​ക​ളും മ​നു​ഷ്യ​സാ​ന്നി​ധ്യ​മി​ല്ലാ​തെ വി​ജ​ന​മാ​യേ​ക്കു​മെ​ന്നും റി​പ്പോ​ർ​ട്ടു​ക​ളി​ൽ പ​റ​യു​ന്നു.

ജ​പ്പാ​ന്‍റെ ഗ്രാ​മ​പ്ര​ദേ​ശ​ങ്ങ​ളി​ലാ​ണ് ആ​ളൊ​ഴി​ഞ്ഞ വീ​ടു​ക​ള്‍ കൂ​ടു​ത​ലു​ണ്ടാ​യി​രു​ന്ന​തെ​ങ്കി​ൽ ഇ​പ്പോ​ള്‍ ടോ​ക്കി​യോ, ക്യോ​ട്ടോ തു​ട​ങ്ങി​യ വ​ലി​യ ജാ​പ്പ​നീ​സ് ന​ഗ​ര​ങ്ങ​ളി​ലും ഇ​ത്ത​രം വീ​ടു​ക​ൾ അ​ന​വ​ധി​യാ​ണ്. പു​തു​താ​യി വീ​ടു​ക​ൾ നി​ർ​മി​ക്കു​ന്ന​തു​കൊ​ണ്ടു​ള്ള പ്ര​ശ്ന​മ​ല്ലി​തെ​ന്നും റി​പ്പോ​ർ​ട്ടു​ക​ളി​ലു​ണ്ട്.

താ​മ​സ​മി​ല്ലാ​ത്ത വീ​ടു​ക​ൾ വി​ൽ​ക്കാ​ൻ ഉ​ട​മ​ക​ൾ ത​യാ​റാ​ണെ​ങ്കി​ലും വാ​ങ്ങാ​ൻ ആ​ളി​ല്ലാ​ത്ത സ്ഥി​തി​യാ​ണ്. വി​ദേ​ശി​ക​ൾ​ക്കു വീ​ടു​ക​ള്‍ വാ​ങ്ങാ​ൻ ജ​പ്പാ​നി​ൽ നി​യ​മ​ക്കു​രു​ക്കു​ക​ള്‍ ഏ​റെ​യാ​ണെ​ന്നും പ​റ​യു​ന്നു.

ജ​ന​ന​നി​ര​ക്ക് കു​റ​യു​ന്ന​തി​നൊ​പ്പം ജ​പ്പാ​നി​ൽ പ്രാ​യ​മാ​കു​ന്ന​വ​രു​ടെ എ​ണ്ണം കൂ​ടു​ക​യാ​ണ്. അ​തേ​സ​മ​യം, 15 വ​യ​സി​ന് താ​ഴെ​യു​ള്ള കു​ട്ടി​ക​ളു​ടെ എ​ണ്ണം തു​ട​ർ​ച്ച​യാ​യ 43ാം വ​ർ​ഷ​വും കു​റ​ഞ്ഞു​ത​ന്നെ തു​ട​രു​ന്നു.

പു​തി​യ ക​ണ​ക്ക​നു​സ​രി​ച്ച് 14 ദ​ശ​ല​ക്ഷം മാ​ത്ര​മാ​ണു 15 വ​യ​സി​നു താ​ഴെ​യു​ള്ള​വ​ർ. സു​സ്ഥി​ര ജ​ന​സം​ഖ്യ​യ്ക്ക് ജ​ന​ന​നി​ര​ക്ക് 2.1 ശ​ത​മാ​നം വേ​ണ​മെ​ന്നി​രി​ക്കേ 1.3 ശ​ത​മാ​നം മാ​ത്ര​മാ​ണു ജ​പ്പാ​നി​ൽ നി​ല​വി​ലെ നി​ര​ക്ക്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.

Copyright @ 2018 , Rashtra Deepika Ltd.