ഒ​രു വ​യ​നാ​ട​ൻ കാ​പ്പി​ക്ക​ഥ
വീ​ടി​നു സ​മീ​പ​ത്തെ വി​ശാ​ല​മാ​യ റ​ബ​ർ തോ​ട്ട​ത്തി​ലേ​ക്കു നോ​ക്കി​യ​പ്പോ​ൾ കാ​ഞ്ഞി​ര​പ്പ​ള്ളി​ക്കാ​ര​ൻ ക​റി​യാ​ച്ച​ന്‍റെ മു​ഖ​ത്തു നി​രാ​ശ പ​ട​ർ​ന്നു, റ​ബ​ർ വി​ല ഇ​ടി​ഞ്ഞ​തോ​ടെ ടാ​പ്പിം​ഗ് നി​ല​ച്ചി​ട്ട് മാ​സ​ങ്ങ​ൾ‌ പി​ന്നി​ട്ടി​രി​ക്കു​ന്നു, ഒ​രു കാ​ല​ത്തു പ്ര​താ​പ​ത്തോ​ടെ നി​ന്നി​രു​ന്ന റ​ബ​ർ തോ​ട്ടം കാ​ടു​ക‍​യ​റി​ത്തു​ട​ങ്ങി. വൈ​കാ​തെ കാ​ട്ടു​പ​ന്നി​യും മ​റ്റും ഇ​വി​ടെ പെ​റ്റു​പെ​രു​കാ​നും സാ​ധ്യ​ത​യു​ണ്ടെ​ന്നു കേ​ട്ട​തോ​ടെ ഉ​റ​ങ്ങാ​ൻ പോ​ലും ക​ഴി​യു​ന്നി​ല്ല. കാ​ടു വെ​ട്ടി​ത്തെ​ളി​ക്ക​ണ​മെ​ങ്കി​ൽ ആ​യി​ര​ക്ക​ണ​ക്കി​നു രൂ​പ മു​ട​ക്ക​ണം. അ​ഞ്ചു പൈ​സ പോ​ലും നി​ല​വി​ൽ വ​രു​മാ​ന​മി​ല്ലാ​ത്ത തോ​ട്ട​ത്തി​ലെ കാ​ടു​വെ​ട്ടി​യി​ട്ട് എ​ന്തു കാ​ര്യം...

നെ​ഞ്ചി​നു​ള്ളി​ൽ വി​ങ്ങ​ലു​മാ​യി ഈ ​ക​ർ​ഷ​ക​ൻ ത​ന്‍റെ റ​ബ​ർ​ത്തോ​ട്ട​ത്തി​ലേ​ക്കു നി​രാ​ശ​യോ​ടെ നോ​ക്കി നി​ൽ​ക്കു​ന്പോ​ൾ അ​ങ്ങ് അ​ക​ലെ വ​യ​നാ​ട്ടി​ലെ പു​ൽ​പ്പ​ള്ളി​യി​ൽ ഒ​രു യു​വ​ക​ർ​ഷ​ക​ൻ കൈ​യി​ൽ ആ​വി പ​റ​ക്കു​ന്ന ഒ​രു ക​പ്പു​മാ​യി ത​ന്‍റെ റ​ബ​ർ തോ​ട്ട​ത്തി​ലേ​ക്കു നോ​ക്കി പു​ഞ്ചി​രി തൂ​കു​ന്നു. എ​ന്താ​ണ് ആ ​പു​ഞ്ചി​രി​ക്കു പി​ന്നി​ലു​ള്ള ര​ഹ​സ്യം? അ​ത​റി​യ​ണേ​ൽ ആ​ദ്യം ആ ​ക​പ്പി​ലേ​ക്കു നോ​ക്ക​ണം, അ​തി​ൽ നി​റ​യെ മ​നം​മ​യ​ക്കും കാ​പ്പി​യാ​ണ്. ഇ​നി ആ ​റ​ബ​ർ​ത്തോ​ട്ട​ത്തി​ലേ​ക്കു നോ​ക്കു​ക, അ​തി​ൽ മ​നം​നി​റ​യ്ക്കും കാ​പ്പി​ച്ചെ​ടി​യാ​ണ്. വെ​റും കാ​പ്പി​ച്ചെ​ടി​യ​ല്ല, റ​ബ​റി​ന് ഇ​ട​യി​ൽ റോ​യീ​സ് സെ​ല​ക്‌​ഷ​ൻ കാ​പ്പി​ച്ചെ​ടി​ക​ൾ. പേ​രി​ൽ​ത്ത​ന്നെ എ​ന്തോ ഒ​രു പ്ര​ത്യേ​ക​ത തോ​ന്നു​ന്നി​ല്ലേ... ആ ​പ്ര​ത്യേ​ക​ത ഇ​ന്നു നി​രാ​ശ​യി​ലാ​ണ്ട നൂ​റു ക​ണ​ക്കി​നു റ​ബ​ർ ക​ർ​ഷ​ക​രു​ടെ മു​ഖ​ങ്ങ​ളി​ൽ പു​ഞ്ചി​രി തി​രി​കെ കൊ​ണ്ടു​വ​രി​ക​യാ​ണ്.

കാ​പ്പി​ക്ക​പ്പു​മാ​യി റ​ബ​ർ​ത്തോ​ട്ട​ത്തി​ലേ​ക്കു നോ​ക്കി പു​ഞ്ചി​രി​ക്കു​ന്ന വ​യ​നാ​ട​ൻ ക​ർ​ഷ​ക​ന്‍റെ പേ​രാ​ണ് റോ​യി ആ​ന്‍റ​ണി. രാ​ജ്യ​ത്ത് സ്വ​ന്തം പേ​രി​ൽ ഒ​രു കാ​പ്പി ഇ​ന​മു​ള്ള മ​നു​ഷ്യ​ൻ. ന​ഷ്ട​ത്തി​ന്‍റെ ക​ഥ പ​റ​യു​ന്ന റ​ബ​ർ​ത്തോ​ട്ട​ങ്ങ​ളെ വേ​റി​ട്ട പ​രീ​ക്ഷ​ണ​ത്തി​ലൂ​ടെ നേ​ട്ട​ത്തി​ന്‍റെ പ​ട്ടി​ക​യി​ൽ ക​യ​റ്റി​യ പ്ര​തി​ഭാ​ശാ​ലി. റോ‍​യീ​സ് സെ​ല​ക്‌​ഷ​ൻ കാ​പ്പി​ച്ചെ​ടി​ക​ൾ ക​ട​ൽ ക​ട​ന്നു അ​ബു​ദാ​ബി​യി​ലെ കൊ​ട്ടാ​ര​വ​ള​പ്പി​ൽ വ​രെ വി​ള​ഞ്ഞു തു​ട​ങ്ങി​യി​രി​ക്കു​ന്നു.

അ​പ്പ​ന്‍റെ വ​ഴി​യി​ൽ
വ​യ​നാ​ട് പു​ൽ​പ്പ​ള്ളി ക​വ​ള​ക്കാ​ട്ട് റോ​യി ആ​ന്‍റ​ണി​യു​ടെ കൃ​ഷി​യി​ടം ക​ണ്ടി​ട്ടു​ള്ള​വ​രെ​ല്ലാം പ​റ​യും, അ​വി​ടെ ഒ​രി​ഞ്ചു സ്ഥ​ലം പോ​ലും പാ​ഴാ​ക്കി ക​ള​ഞ്ഞി​ട്ടി​ല്ല. 1962ൽ ​തൊ​ടു​പു​ഴ ക​രി​ങ്കു​ന്ന​ത്തു​നി​ന്നു പു​ൽ​പ്പ​ള്ളി​യി​ലേ​ക്കു കു​ടി​യേ​റി​യ​വ​രാ​ണ് റോ​യി​യു​ടെ പി​താ​വ് ആ​ന്‍റ​ണി​യും അ​മ്മ ബ്രി​ജി​റ്റും. മ​ണ്ണി​നെ സ​ഹി​ച്ചും സ്നേ​ഹി​ച്ചും നാ​ട്ടി​ലെ അ​റി​യ​പ്പെ​ടു​ന്ന ക​ർ​ഷ​ക​നും പൊ​തു​സ​മ്മ​ത​നു​മാ​യി ആ​ന്‍റ​ണി മാ​റി. പാ​പ്പ​ച്ച​ൻ ചേ​ട്ട​നെ​ന്നു നാ​ട്ടു​കാ​ർ സ്നേ​ഹ​ത്തോ​ടെ വി​ളി​ച്ചി​രു​ന്ന ആ​ന്‍റ​ണി വീ​ടി​നു സ​മീ​പ​ത്താ​യി ന​ൽ​കി​യ സ്ഥ​ല​ത്താ​ണ് ഉ​ണ്ണീ​ശോ പ​ള്ളി സ്ഥാ​പി​ച്ചി​രി​ക്കു​ന്ന​ത്.

അ​പ്പ​ന്‍റെ പാ​ത പി​ന്തു​ട​ർ​ന്ന് എ​ന്നും രാ​വി​ലെ പ​ള്ളി​യി​ൽ പോ​യ​തി​നു ശേ​ഷ​മാ​ണ് റോ​യി​യു​ടെ​യും കു​ടും​ബ​ത്തി​ന്‍റെ​യും ഒ​രു ദി​വ​സ​ത്തി​ന്‍റെ തു​ട​ക്കം. ശാ​സ്ത്രീ​യ കൃ​ഷി​രീ​തി​ക​ളൊ​ന്നും വ​ശ​മി​ല്ലാ​തി​രു​ന്ന കാ​ല​ത്ത് അ​റി​യാ​വു​ന്ന രീ​തി​യി​ലൊ​ക്കെ മ​ണ്ണി​നോ​ടും പ്ര​കൃ​തി​യോ​ടും പൊ​രു​തു​ക​യാ​യി​രു​ന്നു വ​യ​നാ​ട​ൻ ജ​ന​ത​യു​ടെ രീ​തി. മി​ക്ക​വ​രും ഏ​ക​വി​ള കൃ​ഷി​ക്കാ​ർ. കു​രു​മു​ള​ക് ആ​യി​രു​ന്നു പ്ര​ധാ​ന ഇ​നം. എ​ന്നാ​ൽ, ഇ​തു സു​ര​ക്ഷി​ത​മാ​യ കൃ​ഷി​രീ​തി​യ​ല്ലെ​ന്നു കു​രു​മു​ള​കി​ന് ദ്രു​ത​വാ​ട്ടം ബാ​ധി​ച്ചു കൂ​ട്ട​ത്തോ​ടെ ന​ശി​ച്ച​പ്പോ​ഴാ​ണ് ക​ർ​ഷ​ക​ർ തി​രി​ച്ച​റി​ഞ്ഞ​ത്. പാ​പ്പ​ച്ച​ൻ ചേ​ട്ട​ൻ പ​ല പ്ലോ​ട്ടു​ക​ളി​ലാ​യി വി​വി​ധ കൃ​ഷി​ക​ൾ ചെ​യ്തി​രു​ന്ന​തി​നാ​ൽ കു​രു​മു​ള​ക് പോ​യി​ട്ടും പി​ടി​ച്ചു​നി​ന്നു. 29 വ​ർ​ഷം മു​ന്പ് അ​പ്പ​ൻ മ​രി​ച്ച​തോ​ടെ​യാ​ണ് റോ​യി കൃ​ഷി​യി​ലേ​ക്ക് ഇ​റ​ങ്ങു​ന്ന​ത്.

ഇ​ട​വി​ള​യു​ടെ രാ​ജാ​വ്

റോ​യി ആ​ന്‍റ​ണി ആ​ദ്യം ത​ന്‍റെ കൃ​ഷി​യി​ട​ത്തി​ലേ​ക്ക് ഇ​റ​ങ്ങി​നി​ന്നു. റ​ബ​ർ​ത്തോ​ട്ട​ത്തെ ശ​രി​ക്കു​മൊ​ന്നു പ​ഠി​ച്ചു. റ​ബ​റി​ൽ മാ​ത്രം ആ​ശ്ര​യി​ച്ചു മു​ന്നോ​ട്ടു​പോ​കാ​നാ​വി​ല്ലെ​ന്നു തി​രി​ച്ച​റി​ഞ്ഞു. റ​ബ​ർ ന​ടാ​നാ​യി ഒ​രേ​ക്ക​ർ സ്ഥ​ലം മാ​റ്റി​വ​ച്ചാ​ൽ അ​തി​ൽ 25 മു​ത​ൽ 30 ശ​ത​മാ​നം വ​രെ സ്ഥ​ല​മേ റ​ബ​റി​ന് ആ​വ​ശ്യ​മു​ള്ളൂ. റ​ബ​റി​ന് ഇ​ട​യി​ലു​ള്ള ബാ​ക്കി സ്ഥ​ലം വെ​റു​തെ കി​ട​ക്കു​ന്നു. മ​ര​ത്തി​ന്‍റെ ഷേ​ഡ് അ​ല്ലേ എ​ന്തു ചെ​യ്യാ​ൻ ക​ഴി​മെ​ന്നു പ​ല​രു​ടെ​യും ചോ​ദ്യം.

എ​ന്നാ​ൽ, റോ​യി ആ​ന്‍റ​ണി പി​ന്മാ​റി​യി​ല്ല, ആ ​അ​ന്വേ​ഷ​ണം റോ​യി​യെ എ​ത്തി​ച്ച​ത് ത​മി​ഴ്നാ​ട്ടി​ലെ നീ​ല​ഗി​രി​യി​ലു​ള്ള കു​ടും​ബ​വ​ക എ​സ്റ്റേ​റ്റി​ൽ. അ​വി​ടെ അ​റ​ബി​ക്ക വി​ഭാ​ഗ​ത്തി​ൽ​പ്പെ​ട്ട ഒ​രി​നം കാ​പ്പി​ച്ചെ​ടി കൃ​ഷി ചെ​യ്തി​രു​ന്നു. 30 ശ​ത​മാ​നം മു​ത​ൽ 80 ശ​ത​മാ​നം വ​രെ ഷേ​ഡി​ലും ഇ​തു ന​ന്നാ​യി വ​ള​രു​ന്ന​തു ക​ണ്ട​തോ​ടെ റോ​യി​യി​ലെ ഗ​വേ​ഷ​ക​ൻ ഉ​ണ​ർ​ന്നു. വ​യ​നാ​ട്ടി​ലെ റ​ബ​ർ​ത്തോ​ട്ട​ത്തി​ൽ ഇ​ട​വി​ള​യാ​യി ഇ​തൊ​ന്നു പ​രീ​ക്ഷി​ക്കാ​ൻ തീ​രു​മാ​നി​ച്ചു. റോ​യി എ​ന്ന ക​ർ​ഷ​ക​ന്‍റെ ജീ​വി​തം​ത​ന്നെ മാ​റ്റി​മ​റി​ച്ച കാ​ർ​ഷി​ക പ​രീ​ക്ഷ​ണ​ത്തി​ന്‍റെ തു​ട​ക്ക​മാ​യി​രു​ന്നു അ​ത്. റോ​യി തെ​ര​ഞ്ഞെ​ടു​ത്ത കാ​പ്പി ഇ​നം വ​യ​നാ​ട്ടി​ലെ റ​ബ​ർ​ത്തോ​ട്ട​ത്തി​ന്‍റെ മു​ഖം​ത​ന്നെ മാ​റ്റി.

റോ​യീ​സ് സെ​ല​ക്‌​ഷ​ൻ

ഈ ​അ​റ​ബി​ക്ക ഇ​ന​ത്തി​നു പ​ല പ്ര​ത്യേ​ക​ത​ക​ളു​ണ്ടാ​യി​രു​ന്നു. അ​ര​യ്ക്കൊ​പ്പം മാ​ത്രം പൊ​ക്കം​വ​യ്ക്കു​ന്ന​തി​നാ​ൽ പ​രി​ച​ര​ണ​വും വി​ള​വെ​ടു​പ്പും വ​ള​രെ എ​ളു​പ്പം. റ​ബ​ർ ടാ​പ്പിം​ഗി​നു ത​ട​സ​മു​ണ്ടാ​ക്കു​ന്നി​ല്ല. സാ​ധാ​ര​ണ അ​റ​ബി​ക്ക മൂ​ന്നു നാ​ലോ വ​ർ​ഷം ക​ഴി​ഞ്ഞു രോ​ഗം ബാ​ധി​ച്ചു ന​ശി​ക്കാ​നൊ​ക്കെ സാ​ധ്യ​ത​യു​ള്ള​പ്പോ​ൾ പ​ത്തും പ​തി​ന​ഞ്ചും വ​ർ​ഷ​മാ​യി​ട്ടും യാ​തൊ​രു കു​ഴ​പ്പ​വു​മി​ല്ലാ​തെ ഈ ​കാ​പ്പി​ച്ചെ​ടി​ക​ൾ റ​ബ​ർ​ത്തോ​ട്ട​ത്തി​ൽ നി​റ​ഞ്ഞു​നി​ന്നു. വ​ലി​പ്പം കൂ​ടി​യ കു​രു, അ​തി​നാ​ൽ കൂ​ടു​ത​ൽ വി​ല. ഒ​രേ​ക്ക​ർ റ​ബ​ർ തോ​ട്ട​ത്തി​ൽ 1500 മു​ത​ൽ 1800 തൈ​ക​ൾ വ​രെ ന​ടാം.

കാ​പ്പി​യി​ൽ​നി​ന്നു മാ​ത്രം വ​ർ​ഷം ര​ണ്ടു ല​ക്ഷ​ത്തി​ലേ​റെ രൂ​പ അ​ധി​ക​മാ​യി നേ​ടാം. റ​ബ​ർ​ത്തോ​ട്ട​ത്തി​ൽ വ​ർ​ഷ​ത്തി​ൽ ര​ണ്ടു ത​വ​ണ​യെ​ങ്കി​ലും ന​ട​ത്തേ​ണ്ടി വ​ന്നി​രു​ന്ന കാ​ടു​വെ​ട്ടി​ത്തെ​ളി​ക്ക​ലും ഇ​തോ​ടെ ഒ​ഴി​വാ​യി. വ​ള​പ്ര​യോ​ഗ​വും ഒ​ന്നി​ച്ചു​മ​തി. റോ​യി​യു​ടെ കാ​പ്പി ഇ​ന​വും റ​ബ​ർ​ത്തോ​ട്ട​ത്തി​ലെ കൃ​ഷി​യും ദേ​ശീ​യ​ത​ല​ത്തി​ൽ വ​രെ ശ്ര​ദ്ധി​ക്ക​പ്പെ​ട്ടു.​അ​ങ്ങ​നെ നാ​ഷ​ണ​ൽ ഇ​ന്നൊ​വേ​ഷ​ൻ ഫൗ​ണ്ടേ​ഷ​ൻ കാ​പ്പി​ക്കൃ​ഷി കാ​ണാ​നെ​ത്തി. റോ​യി താ​ര​മാ​ക്കി​യ കാ​പ്പി​ച്ചെ​ടി ഇ​ന​ത്തി​ന് "റോ​യീ​സ് സെ​ല​ക്‌​ഷ​ൻ' എ​ന്ന പേ​രും അ​വ​ർ ന​ൽ​കി.

ഇ​തോ​ടെ കാ​പ്പി​ത്തൈ​ക​ൾ തേ​ടി അ​ന്വേ​ഷ​ണ​ങ്ങ​ളെ​ത്തി. അ​ങ്ങ​നെ കാ​പ്പി​ത്തൈ​ക​ൾ​ക്കാ​യി ന​ഴ്സ​റി തു​ട​ങ്ങി. കാ​പ്പി​ത്തൈ​ക​ൾ പ്ലാ​ന്‍റ് ചെ​യ്തു​കൊ​ടു​ക്ക​ണ​മെ​ന്ന ആ​വ​ശ്യ​വു​മാ​യി പ​ല​രു​മെ​ത്തി. കാ​പ്പി​യു​ടെ രു​ചി റോ​യി​യു​ടെ കു​ടും​ബ​ത്തി​ന്‍റെ ജീ​വി​ത​ത്തി​ലെ​ന്പാ​ടും രു​ചി പ​ക​ർ​ന്നു. കേ​ര​ള​ത്തി​ലെ എ​ല്ലാ ജി​ല്ല​ക​ളി​ലും മ​റ്റു സം​സ്ഥാ​ന​ങ്ങ​ളി​ലു​മൊ​ക്കെ ഇ​ന്നു റോ​യീ​സ് സെ​ല​ക്‌​ഷ​ൻ കാ​പ്പി​ച്ചെ​ടി​ക​ൾ പ​ല​ർ​ക്കും പു​തു​കാ​ർ​ഷി​ക സ്വ​പ്ന​ങ്ങ​ൾ സ​മ്മാ​നി​ക്കു​ന്നു.

ന​ഷ്ട​ത്തി​നു വി​ട​രു​ത്

ന​ഷ്ട​മാ​ണെ​ന്നു ക​രു​തി റ​ബ​ർ​ത്തോ​ട്ടം കാ​ടു​ക​യ​റാ​ൻ വി​ട്ടു​കൊ​ടു​ക്കേ​ണ്ട​തി​ല്ലെ​ന്നാ​ണ് റോ​യി​യു​ടെ പ​ക്ഷം. ഇ​ട​വി​ള​യാ​യി കാ​പ്പി​ച്ചെ​ടി വ​ച്ചാ​ൽ സ്ഥി​ര​വ​രു​മാ​നം ഉ​റ​പ്പാ​ക്കാം. കാ​പ്പി​ക്കു പ​ക​രം കാ​പ്പി മാ​ത്ര​മെ​ന്ന​തി​നാ​ൽ എ​ല്ലാ​ക്കാ​ല​ത്തും ഒ​രു ശ​രാ​ശ​രി വി​ല കി​ട്ടു​ന്ന ഉ​ത്പ​ന്ന​മാ​ണ് കാ​പ്പി. റ​ബ​റി​ൽ​നി​ന്നു മാ​ത്രം കി​ട്ടു​ന്ന വ​രു​മാ​നം വ​ച്ചു തോ​ട്ടം പ​രി​ര​ക്ഷി​ക്കാ​നും ജീ​വി​തം മു​ന്നോ​ട്ടു​കൊ​ണ്ടു​പോ​കാ​നും ക​ഴി​യി​ല്ല. ഒ​രു വി​ള​യി​ൽ മാ​ത്രം ആ​ശ്ര​യി​ക്കു​ന്ന രീ​തി ക​ർ​ഷ​ക​ർ ഉ​പേ​ക്ഷി​ക്ക​ണം.

റ​ബ​റി​നു മാ​ത്ര​മ​ല്ല, തെ​ങ്ങി​നും ക​വു​ങ്ങി​നു​മെ​ല്ലാം ഇ​ട​വി​ള കൃ​ഷി​ക​ൾ ചെ​യ്തു വ​രു​മാ​നം ക​ണ്ടെ​ത്തു​ന്ന​താ​ണ് റോ​യി​യു​ടെ രീ​തി. അ​തി​ന്‍റെ ക​ൺ​കു​ളി​ർ​ക്കു​ന്ന കാ​ഴ്ച​യാ​ണ് അ​ദ്ദേ​ഹ​ത്തി​ന്‍റെ ഇ​രു​പ​തേ​ക്ക​ർ വ​രു​ന്ന കൃ​ഷി​യി​ടം. മാ​ത​ളം, ഒാ​റ​ഞ്ച്, പ​പ്പാ​യ, മു​രി​ങ്ങ, കാ​ന്താ​രി, മ​ഞ്ഞ​ൾ, ചേ​ന്പ്, കു​രു​മു​ള​ക്, നെ​ല്ല്, തെ​ങ്ങ്, ക​വു​ങ്ങ്, മാ​വ്, പ്ലാ​വ്, നാ​ലു ത​രം വാ​ഴ, കൊ​ക്കോ, റം​ബു​ട്ടാ​ൻ, ലി​ച്ചി, പു​ലാ​സാ​ൻ, പേ​ര, ചാ​ന്പ, പാ​ഷ​ൻ ഫ്രൂ​ട്ട്, അ​വ​ക്കാ​ഡോ തു​ട​ങ്ങി റോ​യി​യു​ടെ കൃ​ഷി​യി​ട​ത്തി​ൽ വി​ള​യാ​ത്ത​തൊ​ന്നു​മി​ല്ല. ക​വു​ങ്ങി​നി​ട​യി​ൽ ചേ​ന, ക​പ്പ, ചോ​ളം, പ​യ​ർ ഇ​ട​വി​ള​യാ​യു​ണ്ട്. മാ​ങ്കോ​സ്റ്റി​ൻ പ്ലാ​ന്‍റേ​ഷ​നി​ൽ ഷേ​ഡ് കി​ട്ടാ​ൻ ക​വു​ങ്ങ് ന​ട്ടി​ട്ടു​ണ്ട്. പു​ത​യി​ടാ​ൻ, ക​യ​ർ ഫാ​ക്ട​റി​യി​ലെ വേ​സ്റ്റ് ആ​യി​വ​രു​ന്ന ബേ​ബി ഫൈ​ബ​ർ ഉ​പ​യോ​ഗി​ക്കു​ന്നു.

വ​ര​ൾ​ച്ച​യി​ലും ത​ള​രാ​തെ

കേ​ര​ള​ത്തി​ൽ​ത്ത​ന്നെ ഏ​റ്റ​വും കു​റ​ച്ചു മ​ഴ പെ​യ്യു​ന്ന പ്ര​ദേ​ശ​ത്താ​ണ് ത​ന്‍റെ കൃ​ഷി​യി​ട​മെ​ന്ന് റോ​യി പ​റ​യു​ന്നു. വ​ര​ൾ​ച്ച​യെ​യും ജ​ല​ക്ഷാ​മ​ത്തെ​യും അ​ര​യേ​ക്ക​ർ കു​ള​വും മ​ഴ​വെ​ള്ള സം​ഭ​ര​ണി​യാ​യി ഡാ​മും തീ​ർ​ത്താ​ണ് ഈ ​ക​ർ​ഷ​ക​ൻ നേ​രി​ടു​ന്ന​ത്. പ​ശു, ആ​ട്, കോ​ഴി, ക​രി​ങ്കോ​ഴി, താ​റാ​വ്, മു​യ​ൽ, ജോ​ടി​ക്ക് ആ​റാ​യി​രം രൂ​പ വി​ല​യു​ള്ള കൊ​ളം​ബി​യ​ൻ ര​മ എ​ന്നി​വ​യെ​ല്ലാം ഇ​ന്ന് ഈ ​കൃ​ഷി​യി​ട​ത്തി​ലു​ണ്ട്. പ​ച്ച​ക്ക​റി​ക്കൃ​ഷി ക​ണ്ടാ​ൽ ആ​രും നോ​ക്കി​നി​ന്നു പോ​കും.

അ​നേ​കം ഒ​റ്റ​മൂ​ലി മ​രു​ന്നു​ക​ളും 18 ഇ​നം ഞാ​വ​ലു​ക​ളും ഇ​വി​ടു​ണ്ട്. തേ​നീ​ച്ച വ​ള​ർ​ത്ത​ൽ, ഫാം ​ക​ൾ​ച്ച​ർ, ന​ഴ്സ​റി എ​ന്നി​വ​യെ​ല്ലാം ഈ ​ഫാ​മി​നു മാ​റ്റു​കൂ​ട്ടു​ന്നു. കാ​ർ​ബ​ൺ നെ​ഗ​റ്റീ​വ് ഫാ​മിം​ഗ് ന​ട​പ്പാ​ക്കി​യി​രി​ക്കു​ന്ന​തി​ലൂ​ടെ തി​ക​ച്ചും പ്ര​കൃ​തി​ദ​ത്ത ഉ​ത്പ​ന്ന​ങ്ങ​ളാ​ണ് ഇ​വി​ടെ വി​ള​യു​ന്ന​ത്. ഒാ​ർ​ഗാ​നി​ക് സ​ർ​ട്ടി​ഫൈ​ഡ് ക​ർ​ഷ​ക​ൻ കൂ​ടി​യാ​ണ് റോ​യി ആ​ന്‍റ​ണി. ന​ഴ്സ​റി​യി​ൽ അ​ട​ക്കം മു​പ്പ​തോ​ളം സ്ഥി​ര ജോ​ലി​ക്കാ​രു​ണ്ട്. കാ​പ്പി പ്ലാ​ന്‍റേ​ഷ​ൻ ചെ​യ്തു​കൊ​ടു​ക്കാ​ൻ 20 പേ​ർ വീ​ത​മ​ട​ങ്ങു​ന്ന നാ​ലു ടീ​മു​ക​ൾ വേ​റെ​യും.

മാ​ന​ന്ത​വാ​ടി രൂ​പ​ത​യു​ടെ വ​യ​നാ​ട് സോ​ഷ്യ​ൽ സ​ർ​വീ​സ് സൊ​സൈ​റ്റി​യു​ടെ കീ​ഴി​ൽ ബ​യോ​വി​ൻ ക്ല​സ്റ്റ​റു​ക​ളി​ൽ 15,000ലേ​റെ അം​ഗ​ങ്ങ​ളു​ണ്ട്. ഉ​ത്പ​ന്ന​ങ്ങ​ൾ ഇ​ട​നി​ല​ക്കാ​രി​ല്ലാ​തെ എ​ളു​പ്പ​ത്തി​ൽ വി​പ​ണ​നം ന​ട​ത്താ​ൻ ഈ ​ശൃം​ഖ​ല ഏ​റെ സ​ഹാ​യ​ക​മാ​ണെ​ന്ന് ഇ​ദ്ദേ​ഹം സാ​ക്ഷ്യ​പ്പെ​ടു​ത്തു​ന്നു.

പു​തു​സം​രം​ഭ​ങ്ങ​ൾ

കാ​ർ​ഷി​കോ​ത്പ​ന്ന​ങ്ങ​ൾ ക​യ​റ്റു​മ​തി ചെ​യ്യാ​ൻ ടീം ​പ്ലാ​ന്‍റേ​ഴ്സ് എ​ന്ന എ​ക്സ്പോ​ർ​ട്ടിം​ഗ് ക​മ്പ​നി ക​ർ​ഷ​ക കൂ​ട്ടാ​യ്മ​യി​ൽ ആ​രം​ഭി​ച്ചി​ട്ടു​ണ്ട്. അ​തു​പോ​ലെ​ത​ന്നെ കോ​ഫി വേ​വ്സ് എ​ന്ന കോ​ഫി​ഷോ​പ്പ് ശൃം​ഖ​ല​യ്ക്കും തു​ട​ക്ക​മാ​വു​ക​യാ​ണ്. എ​റ​ണാ​കു​ള​ത്തും കോ​ഴി​ക്കോ​ട്ടും ഉ​ട​നെ ലോ​ഞ്ച് ചെ​യ്യും. കോ​ഫി പൗ​ഡ​റും കാ​പ്പി​യും അ​ട​ക്കം കി​ട്ടു​ന്ന ഷോ​പ്പു​ക​ളാ​യി​രി​ക്കും ഇ​വ. കാ​ർ​ഷി​ക സം​രം​ഭ​ങ്ങ​ളെ പ്രോ​ത്സാ​ഹി​പ്പി​ക്കു​ന്ന കേ​ന്ദ്ര​സ​ർ​ക്കാ​രി​ന്‍റെ അ​ഗ്രി​ക​ൾ​ച്ച​റ​ൽ ഇ​ൻ​ഫാ​സ്ട്ര​ക്ച​ർ ഫ​ണ്ട് (എ​ഐ​എ​ഫ്) ആ​ണ് ഈ ​പ​ദ്ധ​തി​ക്കു സാ​ന്പ​ത്തി​ക സ​ഹാ​യം ന​ൽ​കു​ന്ന​ത്.

കേ​ര​ള​ത്തി​ലെ​വി​ടെ ഉ​ത്പാ​ദി​പ്പി​ച്ച കാ​പ്പി​ക്ക​രു​വും എ​ത്ര കു​റ​ഞ്ഞ അ​ള​വി​ലും ഇ​ട​നി​ല​ക്കാ​രി​ല്ലാ​തെ വാ​ങ്ങാ​നും ഇ​വ​രു​ടെ ക​ന്പ​നി ത​യാ​ർ.​ഇ​തി​നി​ട​യി​ലാ​ണ് അ​ബു​ദാ​ബി പാ​ല​സി​ന്‍റെ ഫാ​മി​ലേ​ക്കു മി​ക​ച്ച കാ​പ്പി​ച്ചെ​ടി ഇ​നം തേ​ടി ഇ​ന്ത്യ​യി​ലേ​ക്ക് അ​ന്വേ​ഷ​ണ​മെ​ത്തി​യ​ത്. ഒ​ടു​വി​ൽ അ​വ​ർ റോ​യീ​സ് സെ​ല​ക്‌​ഷ​നി​ലെ​ത്തി നി​ന്നു. അ​ബു​ദാ​ബി​യി​ൽ​നി​ന്നു പ്ര​ത്യേ​ക സം​ഘം റോ​യി​യു​ടെ തോ​ട്ട​ത്തി​ലെ​ത്തി പ​ഠ​നം ന​ട​ത്തി.

എ​ട്ടു വ​ർ​ഷം പ്രാ​യ​മാ​യ വി​ള​വെ​ടു​ത്തു​കൊ​ണ്ടി​രി​ക്കു​ന്ന ചെ​ടി​ക​ളാ​ണ് അ​വ​ർ തെ​ര​ഞ്ഞെ​ടു​ത്ത​ത്. അ​ങ്ങ​നെ 64 ലോ​റി​ക​ളി​ലാ​യി നെ​ടു​ന്പാ​ശേ​രി​യി​ൽ എ​ത്തി​ച്ച 2,400 റോ​യീ​സ് സെ​ല​ക്‌​ഷ​ൻ കാ​പ്പി​ച്ചെ​ടി​ക​ൾ ഇ​ന്ന് അ​ബു​ദാ​ബി പാ​ല​സ് ഫാ​മി​ൽ വി​ള​ഞ്ഞു​നി​ൽ​ക്കു​ന്നു. കാ​ർ​ഷി​ക​രം​ഗ​ത്തെ ഇ​സ്ര​യേ​ൽ ടെ​ക്നോ​ള​ജി​യു​ടെ നേ​ർ​ക്കാ​ഴ്ച ഇ​വി​ടെ കാ​ണാ​മെ​ന്ന് റോ​യി പ​റ​യു​ന്നു.

വ​യ​നാ​ടും അ​ബു​ദാ​ബി​യും

വ​യ​നാ​ട്ടി​ലെ റോ​യി​യു​ടെ കൃ​ഷി​ത്തോ​ട്ട​ത്തി​ലെ അ​തേ കാ​ലാ​വ​സ്ഥ​യാ​ണ് അ​ബു​ദാ​ബി​യി​ലെ ഫാ​മി​ൽ കൃ​ത്രി​മ​മാ​യി സൃ​ഷ്ടി​ക്ക​പ്പെ​ടു​ന്ന​ത്. അ​താ​യ​ത് വ​യ​നാ​ട്ടി​ലെ തോ​ട്ട​ത്തി​ൽ ത​ണു​പ്പ് ആ​യി​രി​ക്കു​ന്പോ​ൾ അ​തേ ത​ണു​പ്പാ​യി​രി​ക്കും അ​ബു​ദാ​ബി​യി​ലെ കാ​പ്പി ഫാ​മി​ലും. ചൂ​ട് ആ​യി​രി​ക്കു​ന്പോ​ൾ അ​തേ ചൂ​ടും. ഗൂ​ഗി​ൾ സാ​ങ്കേ​തി​ക​വി​ദ്യ​യു​ടെ സ​ഹാ​യ​ത്തോ​ടെ ഒാ​ട്ടോ​മാ​റ്റി​ക് ആ​യി ഇ​തു മാ​റും. ചു​രു​ക്കി​പ്പ​റ​ഞ്ഞാ​ൽ വ​യ​നാ​ട്ടി​ൽ എ​ങ്ങ​നെ വ​ള​രു​ന്നോ അ​തേ രീ​തി​യി​ലാ​ണ് അ​ബു​ദാ​ബി​യി​ലും ചെ​ടി​ക​ൾ പ​രി​ര​ക്ഷി​ക്ക​പ്പെ​ടു​ന്ന​ത്. കേ​ര​ള​ത്തി​ലെ എ​ല്ലാ ജി​ല്ല​ക​ളി​ലും​ത​ന്നെ കാ​പ്പി ഇ​തി​ന​കം പ്ലാ​ന്‍റ് ചെ​യ്തി​ട്ടു​ണ്ടെ​ന്ന് ഇ​ദ്ദേ​ഹം പ​റ​യു​ന്നു.

തീ​ര​പ്ര​ദേ​ശ സ്വ​ഭാ​വ​മു​ള്ള അ​ങ്ക​മാ​ലി​യി​ൽ പോ​ലും ഇ​വ​ർ കാ​പ്പി പ്ലാ​ന്‍റേ​ഷ​ൻ ന​ട​ത്തി​ക്ക​ഴി​ഞ്ഞു. ക​വ​ടി​യാ​ർ കൊ​ട്ടാ​ര​ത്തി​ന്‍റെ ആ​സ്പി​ൻ​വാ​ൾ ക​ന്പ​നി​യു​ടെ ഉ​ട​മ​സ്ഥ​ത​യി​ൽ ക​രു​വാ​ര​ക്കു​ണ്ടി​ലു​ള്ള 3,000 ഏ​ക്ക​ർ റ​ബ​ർ എ​സ്റ്റേ​റ്റി​ൽ റോ​യീ​സ് സെ​ല​ക്‌​ഷ​ൻ കാ​പ്പി ന​ട്ടു​കൊ​ടു​ക്കാ​നു​ള്ള ക​രാ​റും ഈ ​ക​ർ​ഷ​ക​നെ തേ​ടി​യെ​ത്തി​ക്ക​ഴി​ഞ്ഞു. ഇ​ന്ത്യ​യി​ലെ ഏ​റ്റ​വും വ​ലി​യ കാ​പ്പി ക​യ​റ്റു​മ​തി​ക്കാ​രാ​ണ് ആ​സ്പി​ൻ​വാ​ൾ ക​ന്പ​നി.

അം​ഗീ​കാ​ര​ങ്ങ​ൾ

കാ​ർ​ഷി​ക​രം​ഗ​ത്തെ മി​ക​വ് നി​ര​വ​ധി അം​ഗീ​കാ​ര​ങ്ങ​ളും റോ​യി​ക്കു നേ​ടി​ക്കൊ​ടു​ത്തി​ട്ടു​ണ്ട്. 2023ലെ ​സം​സ്ഥാ​ന സ​ർ​ക്കാ​രി​ന്‍റെ ക​ർ​ഷ​കോ​ത്ത​മ പു​ര​സ്കാ​രം, ഐ​സി​എ​ആ​റി​ന്‍റെ മി​ല്യ​ണ​യ​ർ ഫാ​ർ​മ​ർ ദേ​ശീ​യ അ​വാ​ർ​ഡ്, ഇ​ൻ​ഫോ​സി​സി​ന്‍റെ അ​ക്ഷ​യ​ശ്രീ അ​വാ​ർ​ഡ് തു​ട​ങ്ങി​യ​വ പ്ര​ധാ​നം.​ബി​സി​ന​സ് കു​ടും​ബാം​ഗ​മാ​യി​രു​ന്ന ഒ​രു എം​എ ബി​എ​ഡു​കാ​രി അ​ധ്യാ​പി​ക മി​ക​ച്ച ക​ർ​ഷ​ക​യും ക​ർ​ഷ​ക സം​രം​ഭ​ക​യു​മാ​യ കാ​ഴ്ച കാ​ണ​ണേ​ൽ റോ​യി​യു​ടെ വീ​ട്ടി​ൽ ചെ​ല്ല​ണം.

റോ​യി​ക്കു തു​ണ​യാ​യി ടെ​ക് ഹൈ​ബ്രി​ഡ് കാ​പ്പി ന​ഴ്സ​റി ചു​മ​ത​ല, ജോ​ലി​ക്കാ​രു​ടെ മേ​ൽ​നോ​ട്ടം,അ​ക്കൗ​ണ്ട്സ് എ​ല്ലാം ഇ​ന്നു കൈ​കാ​ര്യം ചെ​യ്യു​ന്ന​ത് റോ​യി​യു​ടെ ഭാ​ര്യ അ​ന്ന​യാ​ണ്. എ​റ​ണാ​കു​ളം മ​ല​യി​ൽ കു​ടും​ബാം​ഗ​മാ​ണ് അ​ന്ന. സം​വി​ധാ​യ​ക​ൻ സി​ബി മ​ല​യി​ലി​ന്‍റെ ബ​ന്ധു​കൂ​ടി​യാ​ണ്. മ​ക്ക​ളാ​യ പ​ത്താം ക്ലാ​സു​കാ​രി റീ​റ്റ, എ​ട്ടാം ക്ലാ​സു​കാ​രി റോ​സാ​ൻ, അ​ഞ്ചാം ക്ലാ​സു​കാ​രി ക്ലാ​ര, യു​കെ​ജി​ക്കാ​ര​ൻ ആ​ന്‍റ​ണി എ​ന്നി​വ​ർ റോ​യി​യോ​ടും അ​ന്ന​യോ​ടു​മൊ​പ്പം കൃ​ഷി​യു​ടെ ബാ​ല​പാ​ഠ​ങ്ങ​ൾ പ​ഠി​ച്ചു​തു​ട​ങ്ങി​യി​രി​ക്കു​ന്നു.

ജോ​ൺ​സ​ൺ പൂ​വ​ന്തു​രു​ത്ത്
Copyright @ 2018 , Rashtra Deepika Ltd.