വയനാട് ഉരുൾപൊട്ടൽ; ഇന്നും തെരച്ചിൽ തുടരും
Monday, August 26, 2024 6:55 AM IST
കൽപ്പറ്റ: വയനാട് ഉരുൾപൊട്ടലിൽ കാണാതായവർക്കായി ഇന്നും തെരച്ചിൽ തുടരും. എൻഡിആർഎഫ്, സ്പെഷ്യല് ഓപ്പറേഷൻ ഗ്രൂപ്പ്, ഫയർഫോഴ്സ്, സന്നദ്ധപ്രവർത്തകർ തുടങ്ങിയവരാണ് തെരച്ചിലിൽ പങ്കെടുക്കുന്നത്.
ഞായറാഴ്ച നടത്തിയ തെരച്ചിലിൽ ആറ് ശരീരഭാഗങ്ങള് കണ്ടെത്തിയിരുന്നു. ആനടിക്കാപ്പ് മുതല് സൂചിപ്പാറ വരെ നടത്തിയ തെരച്ചിലിലാണ് ശരീരഭാഗങ്ങള് കണ്ടെത്തിയത്.
കാണാതായവരുടെ ബന്ധുകള് ആവശ്യപ്പെട്ടത് പ്രകാരമായിരുന്ന പ്രത്യേക സംഘത്തെ നിയോഗിച്ചുള്ള തെരച്ചില്. കണ്ടെത്തിയ ആറ് ശരീരഭാഗങ്ങള് തിരിച്ചറിയാനായി മേപ്പാടിയിൽ സൂക്ഷിച്ചിരിക്കുകയാണ്. 14 അംഗ ടീമിന് ഉപകരണങ്ങള് എത്തിച്ച് നല്കാൻ പ്രത്യേക സംഘത്തെയും നിയോഗിച്ചിരുന്നു.
ദുർഘട മേഖലയിലെ തെരച്ചില് ആയതിനാല് സാറ്റ്ലൈറ്റ് കമ്യൂണിക്കേഷനും ഒരുക്കിയിരുന്നു. ആവശ്യമെങ്കില് എയർലിഫ്റ്റും സജ്ജമാക്കിയാണ് തെരച്ചില് നടത്തിയത്.