എറണാകുളത്ത് വീട്ടില് കയറി ആക്രമണം നടത്തിയ യുവാക്കള് അറസ്റ്റില്
Monday, August 26, 2024 4:53 AM IST
മഞ്ഞപ്ര: എറണാകുളം ആനപ്പാറയില് യുവതിയും മകനും മാത്രമുള്ള വീട്ടില് കയറി ആക്രമണം നടത്തിയ സംഭവത്തില് യുവാക്കള് പിടിയില്. മഞ്ഞപ്ര ചന്ദ്രപ്പുര തോട്ടുങ്ങ അലന് ലിന്സണ് (24), ചിറമേല് സോജന് ഷാജു (20), തുറവുര് കൂരന് ഡോണ് ബേസില് വര്ഗീസ് (19) എന്നിവരാണ് അറസ്റ്റിലായത്.
കാലടി പൊലീസാണ് ഇവരെ് അറസ്റ്റ് ചെയ്തത്. കഴിഞ്ഞ ശനിയാഴ്ച വൈകുന്നേരമായിരുന്നു സംഭവം. യുവതിയും മകനും മാത്രമാണ് വീട്ടിലുണ്ടായിരുന്നത്. ബൈക്കിലെത്തിയ സംഘം കത്തി വീശി യുവതിയുടെ ഭര്ത്താവിനെ വധിക്കുമെന്ന് ഭീഷണിപ്പെടുത്തി. ഈ സമയം ഭയന്ന യുവതി കുട്ടിയേയും കൊണ്ട് മുറിയില് ഒളിച്ചു.
തുടര്ന്ന് അക്രമിസംഘം വാതില് ചവിട്ടിപ്പൊളിക്കാന് ശ്രമിച്ചു. മുറ്റത്ത് കിടന്ന കാര് തകര്ത്തു. സോജനും അലനും മയക്കുമരുന്ന് ഉള്പ്പടെയുള്ള കേസുകളില് പ്രതിയാണ്.