മിഷൻ അർജുൻ; കേരള നേതാക്കൾ സിദ്ധരാമയ്യയെ കാണും
Sunday, August 25, 2024 5:27 PM IST
ബംഗളൂരു: ഷിരൂരിൽ മണ്ണിടിഞ്ഞു കാണാതായ ട്രക്ക് ഡ്രൈവർ അർജുനെ കണ്ടെത്തുന്നതിനായി ഡ്രെഡ്ജിംഗ് തുടങ്ങണമെന്ന ആവശ്യവുമായി കേരള നേതാക്കൾ കർണാടക മുഖ്യമന്ത്രി സിദ്ധരാമയ്യയെ കാണും.
എം.കെ.രാഘവൻ എംപി, എ.കെ.എം.അഷ്റഫ് എംഎൽഎ, കാർവാർ എംഎൽഎ സതീശ് സെയ്ൽ, അർജുന്റെ ബന്ധുക്കൾ എന്നിവരാണ് 28 ന് കർണാടക മുഖ്യമന്ത്രിയെ കാണുക. തുടർന്ന് സംഘം ഡി.കെ.ശിവകുമാറിനയും കണ്ട് ചർച്ച നടത്തും.
ഡ്രെഡ്ജർ കൊണ്ടുവരാൻ 96 ലക്ഷം രൂപ ചെലവാകുമെന്ന് കാണിച്ച് ഉത്തര കന്നഡ ജില്ലാ കളക്ടർ പ്രിൻസിപ്പൽ സെക്രട്ടറിക്ക് കത്തയച്ചിരുന്നു. ഡ്രെഡ്ജിംഗ് മെഷീൻ എത്തിക്കാതെ തെരച്ചിൽ ആരംഭിക്കാൻ കഴിയില്ലെന്ന് രക്ഷാപ്രവർത്തകർ അറിയിച്ചിരുന്നു.