നിർത്തിയിട്ട ഓട്ടോയ്ക്കു പിന്നിൽ കാർ ഇടിച്ചു ; ഓട്ടോ ഡ്രൈവർക്ക് ദാരുണാന്ത്യം
Friday, August 23, 2024 6:08 PM IST
തിരുവനന്തപുരം: നിർത്തിയിട്ടിരുന്ന ഓട്ടോയ്ക്കു പിന്നിൽ കാർ ഇടിച്ച് ഒരാൾ മരിച്ചു. തിരുവനന്തപുരം പൂവച്ചലിലുണ്ടായ അപകടത്തിൽ ഓട്ടോ ഡ്രൈവർ ഉണ്ടപ്പാറ സ്വദേശി റഫീഖ് (49) ആണ് മരിച്ചത്.
പൂവച്ചൽ ഇന്ത്യൻ ഓവർസീസ് ബാങ്കിന് സമീപം നിർത്തിയിട്ടിരുന്ന ഓട്ടോറിക്ഷയ്ക്ക് പിന്നിൽ കാർ ഇടിക്കുകയായിരുന്നു. അപകടത്തിൽ ഗുരുതരമായി പരിക്കേറ്റ റഫീക്കിനെ ആശുപത്രിയിൽ പ്രവേശിപ്പിച്ചെങ്കിലും മരിച്ചിരുന്നു.
അപകടമുണ്ടാക്കിയ കാറിൽ നിന്നും മദ്യക്കുപ്പികൾ കണ്ടെത്തിയെന്ന് പോലീസ് പറഞ്ഞു. മൃതദേഹം നെയ്യാർ മെഡിസിറ്റി ആശുപത്രിയിൽ സൂക്ഷിച്ചിരിക്കുകയാണ്. പോലീസും ഫയർഫോഴ്സും സ്ഥലത്തെത്തി മേൽ നടപടികൾ സ്വീകരിച്ചു.