ഹേമ കമ്മിറ്റി റിപ്പോര്ട്ട്: നിര്ദേശിച്ചതിലും അധികം ഭാഗം സര്ക്കാര് വെട്ടി മാറ്റിയതില് വിവാദം
Friday, August 23, 2024 11:17 AM IST
തിരുവനന്തപുരം: ഹേമ കമ്മിറ്റി റിപ്പോര്ട്ടില്നിന്ന് വിവരാവകാശ കമ്മീഷന് നിര്ദേശിച്ചതിലും അധികംഭാഗം സര്ക്കാര് വെട്ടിമാറ്റിയതില് വിവാദം. റിപ്പോര്ട്ടിലെ 49 മുതൽ 53 വരെയുള്ള പേജുകൾ സര്ക്കാര് ഒഴിവാക്കിയെന്നാണ് ആക്ഷേപം.
ആകെ 129 പാരഗ്രാഫുകൾ ഒഴിവാക്കിയുള്ള റിപ്പോര്ട്ടാണ് സര്ക്കാര് പുറത്തുവിട്ടത്. 21 പാരഗ്രാഫുകൾ മാത്രം ഒഴിവാക്കാനായിരുന്നു വിവരാവകാശ കമ്മീഷൻ നിർദേശിച്ചിരുന്നത്. എന്നാൽ ഇതിന് വിരുദ്ധമായി കൂടുതൽ ഭാഗങ്ങൾ സർക്കാർ വെട്ടിനീക്കുകയായിരുന്നു.
റിപ്പോര്ട്ടിന്റെ പകര്പ്പിനായി അപേക്ഷകർക്ക് നൽകിയ അറിയിപ്പിലും ഈ ഭാഗം ഒഴിവാക്കുന്ന കാര്യം സൂചിപ്പിച്ചിരുന്നില്ല. അതേസമയം സ്വകാര്യ വിവരങ്ങൾ ഒഴിവാക്കാൻ വിവരവകാശ കമ്മീഷൻ നിർദ്ദേശിച്ചിരുന്നെന്നും ഇത് കണക്കിലെടുത്താണ് കൂടുതൽ പാരഗ്രാഫുകൾ ഒഴിവാക്കിയതെന്നുമാണ് സര്ക്കാരിന്റെ വിശദീകരണം.
അതേസമയം വിവരാവകാശ കമ്മീഷൻ ഒഴിവാക്കാൻ നിര്ദേശിച്ച 96-ാം പാരഗ്രാഫ് പുറത്തു വിട്ട റിപ്പോര്ട്ടില് ഉള്പ്പെടുത്തിയിട്ടുമുണ്ട്.