പണം കടം നല്കാത്തതിന്റെ വൈരാഗ്യത്തില് യുവാവിനെ ആക്രമിച്ചു; പ്രതി അറസ്റ്റില്
Thursday, August 22, 2024 3:49 AM IST
തിരുവനന്തപുരം: തിരുവനന്തപുരത്ത് പണം കടം നല്കാത്തതിന്റെ വൈരാഗ്യത്തില് യുവാവിനെ ആക്രമിച്ച പ്രതി അറസ്റ്റില്. ആറ്റുകാല് സ്വദേശി ഷിബുവാണ് അറസ്റ്റിലായത്.
പണം കടം നല്കാത്തതിനെ വൈരാഗ്യത്തില് പ്രതി ഹാക്സോ ബ്ലേഡ് ഉപയോഗിച്ച് യുവാവിനെ മുറിവേല്പ്പിക്കുകയായിരുന്നു. എം.എസ്.കെ നഗര് സ്വദേശി സുധീഷ് കുമാറിനെയാണ് ഇയാള് ബ്ലേഡ് ഉപയോഗിച്ച് ചെവിയിലും തലയ്ക്കും കൈകളിലും പരിക്കേല്പ്പിച്ചത്.
കോടതിയില് ഹാജരാക്കിയ പ്രതിയെ റിമാന്ഡ് ചെയ്തു. പോലീസ് ഉദ്യോഗസ്ഥരെ ആക്രമിച്ച കേസിലും ഷിബു പ്രതിയാണ്.