സിനിമ ഇല്ലാതെ പറ്റില്ല; അതിന്റെ പേരിൽ മന്ത്രി സ്ഥാനത്ത് നിന്ന് മാറ്റിയാൽ രക്ഷപ്പെട്ടുവെന്ന് സുരേഷ് ഗോപി
Wednesday, August 21, 2024 7:19 PM IST
തിരുവനന്തപുരം: സിനിമ ചെയ്യുന്നതിന്റെ പേരിൽ മന്ത്രി സ്ഥാനത്ത് നിന്ന് തന്നെ മാറ്റുന്നുണ്ടെങ്കില് രക്ഷപ്പെട്ടുവെന്ന് കേന്ദ്ര സഹമന്ത്രി സുരേഷ് ഗോപി. മന്ത്രി സ്ഥാനത്തെ ബാധിക്കാത്ത രീതിയില് സിനിമ ഷൂട്ടിംഗ് സെറ്റില് അതിനുള്ള സൗകര്യം ഉണ്ടാകണം എന്നാണ് ആഗ്രഹമെന്നും അദ്ദേഹം പറഞ്ഞു.
സിനിമ ഇല്ലാതെ പറ്റില്ല. അത് എന്റെ പാഷണാണ്. അതില്ലെങ്കില് ശരിക്കും ചത്തു പോകും. സിനിമ ചെയ്യുമെന്നും അദ്ദേഹം വ്യക്തമാക്കി.
ഞാൻ അനുവാദം ചോദിച്ചിട്ടുണ്ട്. പക്ഷേ കിട്ടിയില്ല. സെപ്റ്റംബര് ആറിന് ഒറ്റക്കൊമ്പൻ തുടങ്ങുകയാണ്. മന്ത്രി സ്ഥാനത്ത് നിന്ന് മാറ്റുന്നുണ്ടെങ്കില് താരൻ രക്ഷപ്പെട്ടു. ചരിത്രം എഴുതിയ തൃശൂര്ക്കാര്ക്ക് താൻ എന്തായാലും നന്ദി അര്പ്പിക്കണം എന്ന് നേതാക്കള് പറഞ്ഞതുകൊണ്ടാണ് വഴങ്ങിയതെന്നും സുരേഷ് ഗോപി പറഞ്ഞു.