കാണാതായ അതിഥി തൊഴിലാളിയുടെ മകളെ കണ്ടെത്തിയതായി സൂചന
Tuesday, August 20, 2024 11:52 PM IST
തിരുവനന്തപുരം: കഴക്കൂട്ടത്ത് നിന്നും കാണാതായ അതിഥി തൊഴിലാളിയുടെ മകളെ കണ്ടെത്തിയതായി സൂചന. ആസാം സ്വദേശി അൻവർ ഹൂസൈന്റെ മകൾ തസ്മിദ് തംസുമിനെ (13)യാണ് കാണാതായത്.
കുട്ടി അരോണയ് എക്സ്പ്രസ് ട്രെയിനിൽ ഉണ്ടെന്നാണ് സൂചന. ആസാമിലെ താരാപുരിലെ സിൽചർ സ്റ്റേഷനിലേക്ക് ഉള്ളതാണ് ഈ ട്രെയിൻ. പുലർച്ചെ 12.19ന് ട്രെയിൻ പാലക്കാട് സ്റ്റേഷനിലെത്തും.
അമ്മ വഴക്കുപറഞ്ഞതിനെ തുടർന്ന് ചൊവ്വാഴ്ച രാവിലെയാണ് കുട്ടി വീടുവിട്ടിറങ്ങിയത്. ആസാം സ്വദേശികളായ ഇവർ നിലവിൽ കഴക്കൂട്ടത്തെ വാടക വീട്ടിലാണ് താമസിക്കുന്നത്. ഒരു മാസം മുമ്പാണ് ഇവർ കഴക്കൂട്ടത്ത് എത്തിയത്.