തിരുവനന്തപുരം: അർജന്‍റീന ദേശീയ ഫുട്ബോൾ ടീം കേരളത്തിലേക്ക് എത്തുന്നു. ഇതു സംബന്ധിച്ചുള്ള നിർണായക പ്രഖ്യാപനം ബുധനാഴ്ച നടത്തും. അടുത്ത വർഷം എത്തുന്ന ടീമിൽ മെസി ഉണ്ടാകുമോ എന്ന കാര്യത്തിൽ തീരുമാനമായിട്ടില്ല.
മെസിയുടെ കാര്യത്തിൽ എഎഫ്എ അന്തിമ തീരുമാനമെടുക്കും. കേരളത്തിൽ എത്തുന്ന അർജന്‍റീന ഏഷ്യയിലെ പ്രമുഖ ടീമുമായി രണ്ടു മത്സരങ്ങൾ കളിക്കുമെന്നും സൂചനയുണ്ട്. ടീം എത്തുമ്പോൾ ഉണ്ടാവുന്ന ചെലവ് സ്പോൺസർമാർ വഴി കണ്ടെത്തുമെന്നും റിപ്പോർട്ടുകളുണ്ട്.