തിരുവനന്തപുരം: സയ്യിദ് മുഷ്താഖ് അലി ട്രോഫിക്കുള്ള കേരള ടീമിനെ പ്രഖ്യാപിച്ചു. സഞ്ജു സാംസണ്‍ ക്യാപ്റ്റനായുള്ള 16 അംഗ ടീമിനെയാണ് പ്രഖ്യാപിച്ചത്. ദക്ഷിണാഫ്രിക്കൻ പര്യടനത്തിൽ രണ്ട് സെഞ്ചുറി നേടിയ സഞ്ജു മിന്നും പ്രകടനമാണ് കാഴ്‌ച്ചവച്ചത്.
നവംബർ 23 മുതൽ ഡിസംബർ മൂന്ന് വരെയാണ് മത്സരങ്ങൾ. 23ന് സർവീസസിന് എതിരെയാണ് കേരളത്തിന്‍റെ ആദ്യ മത്സരം. ഗ്രൂപ്പ് ഇയിൽ മഹാരാഷ്ട്ര, ഗോവ, ആന്ധ്രപ്രദേശ്, സർവീസസ്, നാഗാലാൻഡ് എന്നീ ടീമുകൾക്ക് ഒപ്പമാണ് കേരളത്തിന്‍റെ സ്ഥാനം.
കേരളാ ടീം: സഞ്ജു സാംസണ്‍ (ക്യാപ്റ്റന്‍), സച്ചിന്‍ ബേബി, രോഹന്‍ കുന്നുമ്മല്‍, ജലജ് സക്‌സേന, വിഷ്ണു വിനോദ്, മുഹമ്മദ് അസറുദ്ദീന്‍, ബേസില്‍ തമ്പി, അഖില്‍ സ്‌കറിയ, എം.അജ്‌നാസ്, സിജോമോന്‍ ജോസഫ്, എസ്. മിഥുന്‍, വൈശാഖ് ചന്ദ്രന്‍, സി.വി.വിനോദ് കുമാര്‍, എന്‍.പി. ബേസില്‍, ഷറഫുദീന്‍, എം.ഡി.നിതീഷ്. റിസർവ് താരങ്ങൾ: വരുണ്‍ നായനാര്‍, ഷോണ്‍ ജോര്‍ജ്, അഭിഷേക് നായര്‍.