അ​ഭ്യാ​സമറിയണം യാത്ര ചെയ്യാൻ!
Wednesday, July 3, 2024 10:58 PM IST
അമ്പ​ല​പ്പു​ഴ: ഇ​തി​ലേ യാ​ത്ര ചെ​യ്യാ​ൻ സ​ർ​ക്ക​സ് അ​ഭ്യാ​സം പ​ഠി​ക്ക​ണം. ക​ഴി​ഞ്ഞ അഞ്ചുമാ​സ​മാ​യി നാ​ട്ടു​കാ​ർ അ​ഭ്യാ​സം ന​ട​ത്തി​യാ​ണ് റോ​ഡി​ലൂടെ യാ​ത്ര ചെ​യ്യു​ന്ന​ത്. പു​ന​ർനി​ർ​മി​ക്കാ​നാ​യി റോ​ഡ് പൊ​ളി​ച്ചി​ട്ട ത​ക​ഴി പ​ട​ഹാ​രം റോ​ഡി​നാ​ണ് ഈ ​ദു​ര​വ​സ്ഥ. അഞ്ചുമാ​സം മു​ൻ​പാ​ണ് പു​ന​ർ നി​ർ​മി​ക്കാ​നാ​യി റോ​ഡ് പൊ​ളി​ച്ച​ത്.

ത​ക​ഴി ജം​ഗ്ഷ​ൻ മു​ത​ൽ വ​ട​ക്കോ​ട്ട് പ​ട​ഹാ​രം വ​രെ​യു​ള്ള മൂന്നു കി.​ മീ. റോ​ഡാ​ണ് പു​ന​ർ നി​ർ​മി​ക്കാ​നാ​യി പൊ​ളി​ച്ച​ത്. കേ​ന്ദ്രസ​ർ​ക്കാ​രി​ന്‍റെ ഭാ​ര​ത് മാ​താ ഫ​ണ്ടു​പ​യോ​ഗി​ച്ചാ​ണ് റോ​ഡ് പു​ന​ർ നി​ർ​മി​ക്കു​ന്ന​ത്. പു​ന​ർനി​ർ​മി​ക്കു​മ്പോ​ൾ റോ​ഡു​യ​രു​ന്ന​തി​നാ​ൽ വൈ​ദ്യു​ത ലൈ​നു​ക​ൾ മാ​റ്റി സ്ഥാ​പി​ക്കാ​ൻ കെ​എ​സ്ഇ​ബി എ​സ്റ്റി​മേ​റ്റ് ത​യാ​റാ​ക്കാ​ത്ത​താ​ണ് പു​ന​ർനി​ർ​മാ​ണ​ത്തി​നു ത​ട​സ​മാ​യി നി​ൽ​ക്കു​ന്ന​ത്.

കെ​എ​സ്ഇ​ബി എ​സ്റ്റി​മേ​റ്റ് ത​യാ​റാ​ക്കു​ന്ന​തി​നു മു​ൻ​പുത​ന്നെ റോ​ഡ് പൊ​ളി​ച്ച​താ​ണ് നാ​ട്ടു​കാ​രെ യാ​ത്രാ​ദു​രി​ത​ത്തി​ലാ​ക്കി​യ​ത്. ക​രു​വാ​റ്റ കു​പ്പ​പ്പു​റം റോ​ഡി​നെ ബ​ന്ധി​പ്പി​ക്കു​ന്ന റോ​ഡി​ലൂ​ടെ സ്കൂൾ വി​ദ്യാ​ർ​ഥി​ക​ള​ട​ക്കം നൂ​റുക​ണ​ക്കി​നു പേ​രാ​ണ് യാ​ത്ര ചെ​യ്യു​ന്ന​ത്. മ​ഴ ശ​ക്ത​മാ​യ​തോ​ടെ റോ​ഡാ​കെ ത​ക​ർ​ന്നുകി​ട​ക്കു​ക​യാ​ണ്. പ​ട​ഹാ​രം പാ​ല​ത്തി​ന് കി​ഴ​ക്ക് ഭാ​ഗ​ത്തുകൂ​ടി​യാ​ണ് നാ​ട്ടു​കാ​ർ പ്ര​ധാ​ന റോ​ഡി​ലേ​ക്ക് ക​യ​റു​ന്ന​ത്.

ഈ ​റോ​ഡും മ​ഴ ക​ഴി​ഞ്ഞ​തോ​ടെ ചെ​ളി രൂ​പ​പ്പെ​ട്ട് കാ​ൽ​ന​ട​യാ​ത്ര​യ്ക്കു പോ​ലും ക​ഴി​യാ​ത്ത രീ​തി​യി​ലാ​യി. അ​ത്യാ​സ​ന്ന നി​ല​യി​ലാ​യ ഒ​രാ​ളെ ആ​ശു​പ​ത്രി​യി​ലെ​ത്തി​ക്കാ​ൻ ഓ​ട്ടോ​റി​ക്ഷാ പോ​ലും ഇ​തി​ലൂ​ടെ വ​രി​ല്ലെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്. ഇ​തി​ലൂ​ടെ ഓ​ടു​ന്ന വാ​ഹ​ന​ങ്ങ​ൾ​ക്ക് എ​ല്ലാ ദി​വ​സ​വും അ​റ്റ​കു​റ്റ​പ്പ​ണി ന​ട​ത്തേ​ണ്ട സ്ഥി​തി​യാ​ണ്. നേ​ര​ത്തെ പ​ട​ഹാ​ര​ത്തുനി​ന്ന് അഞ്ചു മി​നി​റ്റ് കൊ​ണ്ട് വാ​ഹ​ന​ത്തി​ൽ ത​ക​ഴി​യി​ലെ​ത്താ​മാ​യി​രു​ന്നു.

ഇ​പ്പോ​ൾ റോ​ഡ് ത​ക​ർ​ന്നുകി​ട​ക്കു​ന്ന​തി​നാ​ൽ മ​ണി​ക്കൂ​റു​ക​ളെ​ടു​ത്താ​ണ് നാ​ട്ടു​കാ​ർ യാ​ത്ര ചെ​യ്യു​ന്ന​ത്. റോ​ഡ് നി​ർ​മാ​ണ​ത്തി​നാ​യി ഇ​റ​ക്കി​യി​ട്ട മെ​റ്റി​ൽ​ക്കൂ​ന​ക​ളി​ൽ കാ​ടുപി​ടി​ച്ചു തു​ട​ങ്ങി. എ​ന്നി​ട്ടും അ​ധി​കൃ​ത​ർ​ക്ക് കു​ലു​ക്ക​മി​ല്ല. മ​ഴ ശ​ക്തി പ്രാ​പി​ച്ച​തോ​ടെ ഓ​രോ ദി​വ​സം ക​ഴി​യുംതോ​റും റോ​ഡ് ത​ക​ർ​ന്നുകൊ​ണ്ടി​രി​ക്കു​ക​യാ​ണ്.

ഇ​തോ​ടൊ​പ്പം യാ​ത്ര​ക്കാ​രു​ടെ ന​ടു​വൊ​ടി​യു​ക​യാ​ണ്. മാ​സ​ങ്ങ​ളാ​യി പ്ര​ദേ​ശ വാ​സി​ക​ള​നു​ഭ​വി​ക്കു​ന്ന യാ​ത്രാ ദു​രി​ത​ത്തി​നു പ​രി​ഹാ​രം കാ​ണ​ണ​മെ​ന്നാ​വ​ശ്യ​പ്പെ​ട്ട് വി​വി​ധ സം​ഘ​ട​ന​ക​ൾ സ​മ​ര​വും ന​ട​ത്തി. എ​ന്നി​ട്ടും അ​ധി​കൃ​ത​ർ അ​ന​ങ്ങു​ന്നി​ല്ലെ​ന്നാ​ണ് നാ​ട്ടു​കാ​രു​ടെ പ​രാ​തി.

Copyright @ 2022 , Rashtra Deepika Ltd.