മോ​ന്‍​സ​നെ ചോ​ദ്യം ചെ​യ്തു തു​ട​ങ്ങി, പുറത്തുവരുന്നത് ഞെട്ടിക്കുന്ന വിവരങ്ങൾ
Wednesday, September 29, 2021 3:21 PM IST
കൊ​ച്ചി: പു​രാ​വ​സ്തു ത​ട്ടി​പ്പു കേ​സി​ല്‍ ക്രൈം​ബ്രാ​ഞ്ച് ക​സ്റ്റ​ഡി​യി​ലു​ള്ള മോ​ന്‍​സ​ന്‍ മാ​വു​ങ്ക​ലി​നെ ക്രൈം​ബ്രാ​ഞ്ച് ഉ​ദ്യോ​ഗ​സ്ഥ​ര്‍ കൊ​ച്ചി​യി​ല്‍ ചോ​ദ്യം ചെ​യ്തുതു​ട​ങ്ങി. ചോ​ദ്യം ചെ​യ്യ​ലി​ല്‍ ഞെ​ട്ടി​ക്കു​ന്ന വി​വ​ര​ങ്ങ​ളാ​ണ് പു​റ​ത്തു വ​രു​ന്ന​തെ​ന്നാ​ണ് അ​റി​യാ​ന്‍ ക​ഴി​യു​ന്ന​ത്.

മോ​ന്‍​സ​നെ അ​റ​സ്റ്റു ചെ​യ്ത ദി​വ​സം ക​ലൂ​രി​ലെ വീ​ട് ഉ​ള്‍​പ്പെ​ടെ​യു​ള്ള സ്ഥ​ല​ങ്ങ​ളി​ല്‍ തെ​ളി​വെ​ടു​പ്പ് ന​ട​ത്തി​യി​രു​ന്ന​താ​യി ക്രൈം​ബ്രാ​ഞ്ച് എ​സ്പി എം.​ജെ. സോ​ജ​ന്‍ പ​റ​ഞ്ഞു. മോ​ന്‍​സ​നെ​തി​രേ മൊ​ഴി ന​ല്‍​കാ​ന്‍ ഇ​ന്നു കൂ​ടു​ത​ല്‍ പേ​രെ​ത്തു​മെ​ന്ന് എ​സ്പി സോ​ജ​ന്‍ പ​റ​ഞ്ഞു.

പ​രാ​തി​ക്കാ​രാ​യ അ​ഞ്ചു​പേ​രു​ടെ​യും മൊ​ഴി ഇ​ന്നു രേ​ഖ​പ്പെ​ടു​ത്തും.​ മോ​ന്‍​സ​ന്‍റെ ബാ​ങ്ക് അ​ക്കൗ​ണ്ടി​ലെ വി​വ​ര​ങ്ങ​ളും ക്രൈം​ബ്രാ​ഞ്ച് സം​ഘം ശേ​ഖ​രി​ക്കു​ന്നു​ണ്ട്. ഇ​യാ​ളു​മാ​യി ബ​ന്ധ​പ്പെ​ട്ട​വ​രു​ടെ ബാ​ങ്ക് അ​ക്കൗ​ണ്ട് വി​വ​ര​ങ്ങ​ളും അ​ന്വേ​ഷ​ണ​പ​രി​ധി​യി​ല്‍ ഉ​ള്‍​പ്പെ​ടും.

മൂന്നു ദിവസം

മോ​ന്‍​സ​ന്‍ മാ​വു​ങ്ക​ലി​നെ മൂ​ന്ന് ദി​വ​സ​ത്തേ​ക്കാ​ണ് ക്രൈം​ബ്രാ​ഞ്ചി​ന്‍റെ ക​സ്റ്റ​ഡി​യി​ല്‍ വി​ട്ടി​ട്ടുള്ള​ത്. മോ​ന്‍​സ​ന്‍റെ സാ​മ്പ​ത്തി​ക സ്രോ​ത​സ് ക​ണ്ടെ​ത്തേ​ണ്ട​തു​ണ്ടെ​ന്നും വ്യാ​ജ​രേ​ഖ നി​ര്‍​മി​ച്ച​തി​ന്‍റെ ഡി​ജി​റ്റ​ല്‍ തെ​ളി​വു​ക​ള്‍ ശേ​ഖ​രി​ക്കേ​ണ്ട​തു​ണ്ടെ​ന്നു​മു​ള്ള ക്രൈം​ബ്രാ​ഞ്ചി​ന്‍റെ വാ​ദം കേ​ട്ടാ​ണ് കോ​ട​തി ന​ട​പ​ടി.

മോ​ൻസന്‍റെ അ​ഭി​ഭാ​ഷ​ക​ന്‍ ന​ല്‍​കി​യ ജാ​മ്യ​പേ​ക്ഷ എ​റ​ണാ​കു​ളം എ​സി​ജെ​എം കോ​ട​തി ത​ള്ളി. ആ​രോ​ഗ്യ പ്ര​ശ്ന​ങ്ങ​ളു​ണ്ടെ​ന്നും നി​ര​പ​രാ​ധി​യാ​ണെ​ന്നും മോ​ന്‍​സ​ന്‍ കോ​ട​തി​യി​ല്‍ പ​റ​ഞ്ഞു. 15 മി​നി​റ്റ് അ​ഭി​ഭാ​ഷ​ക​നു​മാ​യി സം​സാ​രി​ക്കാ​ന്‍ കോ​ട​തി അ​നു​മ​തി ന​ല്‍​കി.

ചൊ​വ്വാ​ഴ്ച രാ​വി​ലെ 11ന് ​കോ​ട​തി​യി​ല്‍ ഹാ​ജ​രാ​ക്കി ക​സ്റ്റ​ഡി​യി​ല്‍ വാ​ങ്ങാ​നാ​യി​രു​ന്നു ക്രൈം​ബ്രാ​ഞ്ചി​ന്‍റെ തീ​രു​മാ​നം. കോ​ട​തി​യി​ല്‍ ഹാ​ജ​രാ​ക്കു​ന്ന​തി​ന് മു​ന്നോ​ടി​യാ​യി വൈ​ദ്യ പ​രി​ശോ​ധ​ന​ക്കാ​യി മോ​ന്‍​സ​നെ എ​റ​ണാ​കു​ളം ജ​ന​റ​ല്‍ ആ​ശു​പ​ത്രി​യി​ല്‍ പ്ര​വേ​ശി​പ്പി​ച്ച​പ്പോ​ള്‍ ര​ക്ത​സ​മ്മ​ര്‍​ദം ഉ​യ​ര്‍​ന്ന​തി​നെ തു​ട​ര്‍​ന്ന് ഏ​റെ നേ​രം ആ​ശു​പ​ത്രി​യി​ല്‍ നി​രീ​ക്ഷ​ണ​ത്തി​ല്‍ ക​ഴി​യേ​ണ്ടി വ​ന്നു.

തു​ട​ര്‍​ന്ന് ആ​രോ​ഗ്യ​നി​ല തൃ​പ്തി​ക​ര​മാ​യ​തി​ന് ശേ​ഷ​മാ​ണ് വൈ​കു​ന്നേ​രം നാ​ലോ​ടെ കോ​ട​തി​യി​ലേ​ക്ക് എ​ത്തി​ച്ച​ത്. ക്രൈം​ബ്രാ​ഞ്ച് ക​സ്റ്റ​ഡി​യി​ല്‍ ല​ഭി​ച്ച ഇ​യാ​ളെ ഇ​ന്ന​ലെ ചോ​ദ്യം ചെ​യ്തി​രു​ന്നി​ല്ല.

കാപ്പിത്തോട്ടത്തിൽ

അ​തേ​സ​മ​യം മ​ധ്യ​പ്ര​ദേ​ശ് സ​ര്‍​ക്കാ​രി​ന്‍റെ കീ​ഴി​ല്‍ വ​യ​നാ​ട്ടി​ലു​ള്ള 500 ഏ​ക്ക​ര്‍ കാ​പ്പി​ത്തോ​ട്ടം ലീ​സി​ന് വാ​ങ്ങി​ക്കൊ​ടു​ക്കാ​മെ​ന്നു വി​ശ്വ​സി​പ്പി​ച്ചും മോ​ന്‍​സ​ന്‍ വ​ന്‍ ത​ട്ടി​പ്പ് ന​ട​ത്തി​യ​താ​യി ക്രൈം​ബ്രാ​ഞ്ച് ക​ണ്ടെ​ത്തി. ഈ ​കേ​സി​ല്‍ തി​ങ്ക​ളാ​ഴ്ച രാ​ത്രി കാ​ക്ക​നാ​ടു​ള്ള ജ​യി​ലി​ലെ​ത്തി​യാ​ണ് അ​ന്വേ​ഷ​ണ ഉ​ദ്യോ​ഗ​സ്ഥ​ര്‍ അ​റ​സ്റ്റ് രേ​ഖ​പ്പെ​ടു​ത്തി​യ​ത്.പ​ത്ത​നം​തി​ട്ട സ്വ​ദേ​ശി രാ​ജീ​വി​ല്‍ നി​ന്ന് 1.62 കോ​ടി രൂ​പ ത​ട്ടി​യെ​ടു​ത്ത​താ​യു​ള്ള പ​രാ​തി​യി​ലാ​ണ് അ​റ​സ്റ്റ്.

വ​യ​നാ​ട്ടി​ല്‍ മ​ധ്യ​പ്ര​ദേ​ശ് സ​ര്‍​ക്കാ​രി​ന് 500 ഏ​ക്ക​ര്‍ കാ​പ്പി​ത്തോ​ട്ട​മു​ണ്ട്. മ​ധ്യ​പ്ര​ദേ​ശ് സ്വ​ദേ​ശി​നി​യു​ടേ​താ​യി​രു​ന്ന ഈ ​സ്ഥ​ലം, അ​വ​ര്‍ മ​ര​ണ​പ്പെ​ട്ട​പ്പോ​ള്‍ അ​വ​കാ​ശി​ക​ള്‍ ഇ​ല്ലാ​ത്ത​തി​നാ​ല്‍ മ​ധ്യ​പ്ര​ദേ​ശ് സ​ര്‍​ക്കാ​രി​ല്‍ വ​ന്നുചേ​ര്‍​ന്ന​താ​ണ്. ഈ ​സ്ഥ​ലം ലീ​സി​ന് വാ​ങ്ങി​ക്കൊ​ടു​ക്കാ​മെ​ന്നു പ​റ​ഞ്ഞാ​ണ് രാ​ജീ​വി​ല്‍നിന്നു മോ​ന്‍​സ​ണ്‍ 1.62 കോ​ടി രൂ​പ ത​ട്ടി​യ​തെ​ന്ന് ക്രൈം​ബ്രാ​ഞ്ച് ഉ​ദ്യോ​ഗ​സ്ഥ​ര്‍ പ​റ​ഞ്ഞു.
Copyright @ 2022 , Rashtra Deepika Ltd.