പകൽ ലോട്ടറി വില്പന, മാന്യൻ! രാത്രിയിൽ നാട്ടുകാർക്കുള്ള പണി
Thursday, December 30, 2021 5:32 PM IST
കു​മ​ര​കം: മാ​വേ​ലി​ക്ക​ര പോ​ലീ​സ് ഇ​ന്ന​ലെ പി​ടി​കൂ​ടി​യ നി​ര​വ​ധി മോ​ഷ​ണക്കേ​സുകളിലെ പ്ര​തിയായ കു​മ​ര​ക​ത്തെ ലോ​ട്ട​റി വി​ല്പ​ന​ക്കാരൻ പ​ക​ൽ മാ​ന്യ​ൻ. വ​ർ​ഷ​ങ്ങ​ളാ​യി കു​മ​ര​ക​ത്ത് വാ​ട​ക​യ്ക്കു താ​മ​സി​ക്കു​ന്ന ഇ​യാ​ൾ പെ​രും ക​ള്ള​നാ​ണെ​ന്നു നാ​ട്ടു​കാ​ർ അ​റി​ഞ്ഞ​ത് ഇ​ന്ന​ലെ​.

ച​ക്രംപ​ടി​യി​ലെ വി​വി​ധ വീ​ടു​ക​ളി​ൽ വാ​ട​ക​യ്ക്കു താ​മ​സി​ക്കു​ക​യും പ്ര​ദേ​ശ​ത്തു ലോ​ട്ട​റി വി​ല്പ​ന​യും ത​ടി ക​ച്ച​വ​ട​വും ചെ​യ്തു​വ​ന്ന ആ​ല​പ്പു​ഴ സ്വ​ദേ​ശി ലാ​ലി​ച്ച (60)നെ ​മാ​വേ​ലി​ക്ക​ര പോ​ലീ​സ് അ​റ​സ്റ്റ് ചെ​യ്ത​തോ​ടെ​യാ​ണ് കു​മ​ര​കം നി​വാ​സി​ക​ൾ ഞെട്ടിയത്. ‌20ൽ​പ​രം മോ​ഷ​ണ കേ​സു​ക​ളാ​ണ് ഇ​യാ​ളു​ടെ പേ​രി​ലു​ള്ള​തെന്നു പോ​ലീ​സ് പ​റ​യു​ന്നു.

2019ൽ ​കൊ​റ്റാ​ർ​കാ​വി​ൽനി​ന്നു 23 പ​വ​ൻ മോ​ഷ്ടി​ച്ച​തും താ​നാ​ണെന്നു പ്ര​തി സ​മ്മ​തി​ച്ചി​ട്ടു​ണ്ട്. ക​ഴി​ഞ്ഞ ദി​വ​സം മാ​വേ​ലി​ക്ക​ര ക്ഷേ​ത്ര​ത്തിനു സ​മീ​പം മു​ര​ളി കൃ​ഷ്ണ​ന്‍റെ വീ​ട്ടി​ൽ മോ​ഷ​ണം ന​ട​ത്തു​ന്ന​തു സി​സി​ടി​വി​യി​ൽ പ​തി​ഞ്ഞ​തോ​ടെ​യാ​ണ് പ്ര​തി​യെ​ക്കു​റി​ച്ചു സൂ​ച​ന ല​ഭി​ച്ച​ത്.

കു​മ​ര​ക​ത്തുനി​ന്നു മാ​വേ​ലി​ക്ക​ര​യി​ലെ​ത്തി​യാ​യി​രു​ന്നു പ​ല​പ്പോ​ഴും മോ​ഷ​ണം. മോ​ഷ​ണ​ത്തി​നു​ശേ​ഷം തി​രി​ച്ചു കു​മ​ര​ക​ത്ത് എ​ത്തി ലോ​ട്ട​റി വി​ല്പ​ന പോ​ലു​ള്ള ജോ​ലി​ക​ൾ ചെ​യ്തു വ​രി​ക​യാ​യി​രു​ന്നു. കു​മ​ര​ക​ത്ത് ആ​ർ​ക്കും ഒ​രു സം​ശ​യ​ത്തി​നി​ട ന​ൽ​കി​യി​രു​ന്നി​ല്ല.

സാ​ന്പ​ത്തി​ക​മാ​യി ഞെ​രു​ക്കം ഉ​ണ്ടാ​കു​ന്ന സ​ന്ദ​ർ​ഭ​ങ്ങ​ളി​ലാ​ണ് മോ​ഷ​ണ​ത്തി​നി​റ​ങ്ങി​യി​രു​ന്ന​ത്. വെ​ള്ള ഉ​ടു​പ്പും മു​ണ്ടും ധ​രി​ച്ചു കൈയിൽ ഒ​രു പ​ത്ര​വു​മാ​യി മാ​ന്യ​മാ​യി വ​സ്ത്ര​ധാ​ര​ണം ചെ​യ്തു ട്രെ​യി​നി​ൽ കയറും. മാവേലിക്കരയിൽ എത്തി പ​ക​ൽ ന​ഗ​ര​ത്തി​ലൂ​ടെ ന​ടന്നു പൂ​ട്ടി കി​ട​ക്കു​ന്ന വീ​ടു​ക​ൾ നോ​ക്കി​വ​യ്ക്കും. തു​ട​ർ​ന്ന് ബാ​റി​ൽ ക​യ​റി മ​ദ്യ​പി​ക്കും.

സി​നി​മാ തീ​യ​റ്റ​റി​ൽ സെ​ക്ക​ൻ​ഡ് ഷോ കാണും. ഇതിനു ശേഷം മോഷണത്തിന് ഇറങ്ങുന്ന താണ് ഇയാളുടെ പതിവ് രീതി. മോ​ഷ​ണം ന​ട​ത്താ​ൻ ക​ണ്ടു വ​ച്ച വീ​ടി​നു സ​മീ​പം നി​ർ​മാ​ണ പ്ര​വ​ർ​ത്ത​ന​ങ്ങ​ൾ ന​ട​ക്കു​ന്ന സ്ഥ​ല​ങ്ങ​ളി​ൽനി​ന്നാ​ണ് ഭ​വ​ന​ ഭേ​ദ​ന​ത്തി​നു​ള്ള ക​ന്പി​യും മ​റ്റും എ​ടു​ക്കു​ന്ന​ത്.

അ​വി​വാ​ഹി​ത​നാ​യ ഇ​യാ​ൾ മോ​ഷ്ടി​ച്ചു കി​ട്ടു​ന്ന പ​ണം മ​ദ്യ​പി​ച്ചും ധൂ​ർ​ത്ത​ടി​ച്ചും ചെ​ല​വാ​ക്കു​ക​യാ​യി​രു​ന്നു പതിവ്. മാ​വേ​ലി​ക്ക​ര പോ​ലീ​സ് ഇ​ൻ​സ്പെ​ക്ട​ർ സി. ​ശ്രീ​ജി​ത്തി​ന്‍റെ നേ​തൃ​ത്വ​ത്തി​ലാ​ണ് പ്ര​തി​യെ പി​ടി​കൂ​ടി​യ​ത്. കോ​ട​തി​യി​ൽ ഹാ​ജ​രാ​ക്കി​ റി​മാ​ൻ​ഡ് ചെ​യ്തു.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.
Copyright @ 2022 , Rashtra Deepika Ltd.