ഫുജൈറ ദിബയിൽ കോണ്‍സുലേറ്റ് ഓപ്പണ്‍ ഹൗസ് 25 ന്
Monday, May 21, 2018 11:15 PM IST
ഫുജൈറ: കൈരളി കൾചറൽ അസോസിയേഷൻ ഹാൾ ദിബയിൽ ദുബായ് ഇന്ത്യൻ കോണ്‍സുലേറ്റ് ഓപ്പണ്‍ ഹൗസ് സംഘടിപ്പിക്കുന്നു. മേയ് 25 നു (വെള്ളി) ഉച്ചകഴിഞ്ഞു ആരംഭിക്കുന്ന ഓപ്പണ്‍ ഹൗസിൽ പൊതുജനങ്ങൾക്ക് പരാതികൾ ബോധിപ്പിക്കാൻ അവസരം ലഭിക്കുന്നതിനൊപ്പം കോണ്‍സുലർ സേവനവും ലഭ്യമാണ്.

അഫിഡവിറ്റുകൾ സാക്ഷ്യപ്പെടുത്തൽ, പവർ ഓഫ് അറ്റോർണി, പാസ്പോർട്ട് അനുബന്ധ സേവനങ്ങൾക്ക് ഈസ്റ്റ് കോസ്റ്റ് മേഖലയിലെ മുഴുവൻ പ്രവാസികളും ഈ അവസരം പ്രയോജനപ്പെടുത്തണമെന്ന് കൈരളി കൾചറൽ അസോസിയേഷൻ അഭ്യർഥിച്ചു.

വിവരങ്ങൾക്ക്: 055 5597104, 09 2446064.

Copyright @ 2022 , Rashtra Deepika Ltd.