സ്വകാര്യ ആശുപത്രിയിൽ ജോലി ചെയ്യില്ല; കളക്ടറുടെ ഉത്തരവിനെതിരേ വിദ്യാർഥികൾ
Monday, July 17, 2017 12:13 AM IST
കണ്ണൂർ: സ്വ​കാ​ര്യ ആ​ശു​പ​ത്രി​ക​ളി​ല്‍ ഡ്യൂ​ട്ടി നോ​ക്കാ​നു​ള്ള കണ്ണൂർ ക​ള​ക്ട​റു​ടെ ഉ​ത്ത​ര​വി​ല്‍ പ്ര​തി​ഷേ​ധി​ച്ച് പ​രി​യാ​രം മെ​ഡി​ക്ക​ല്‍ കോ​ള​ജി​ലെ ന​ഴ്‌​സിം​ഗ് വി​ദ്യാ​ര്‍​ഥി​ക​ള്‍ ക്ലാ​സ് ബ​ഹി​ഷ്‌​ക​രി​ച്ചു. കളക്ടറുടെ ഉത്തരവ് പ്രകാരം സ്വകാര്യ ആശുപത്രികളിൽ ജോലിക്ക് കയറാൻ കഴിയില്ലെന്നാണ് വിദ്യാർഥികളുടെ നിലപാട്. നഴ്സുമാരുടെ സമരം നേരിടാനായിരുന്നു കളക്ടർ വിദ്യാർഥികളെ ജോലിക്ക് നിയോഗിച്ചുകൊണ്ട് ഉത്തരവിറക്കിയത്. എന്നാൽ ഈ നീക്കവും പാളയതോടെ നഴ്സുമാരുടെ സമരം കൂടുതൽ കരുത്താർജ്ജിച്ചു.

സ​മ​രം ന​ട​ക്കു​ന്ന ജി​ല്ല​യി​ലെ സ്വ​കാ​ര്യ ആ​ശു​പ​ത്രി​ക​ളി​ലേ​ക്ക് 10 വീ​തം ന​ഴ്‌​സിം​ഗ് വി​ദ്യാ​ര്‍​ഥി​ക​ളെ അ​യ​ക്കാ​നാ​ണ് ജി​ല്ലാ ക​ള​ക്ട​ര്‍ ഞായറാഴ്ച രാ​ത്രി ഉ​ത്ത​ര​വ് പു​റ​പ്പെ​ടു​വി​ച്ച​ത്. ജി​ല്ല​യി​ലെ ന​ഴ്സിം​ഗ് കോ​ള​ജു​ക​ളി​ലെ ഒ​ന്നാം ​വ​ർ​ഷ​ക്കാ​ർ ഒ​ഴി​കെ​യു​ള്ള വി​ദ്യാ​ർ​ഥി​ക​ളെ സ​മ​രം ന​ട​ക്കു​ന്ന ആ​ശു​പ​ത്രി​ക​ളി​ലെ​ത്തി​ക്കാനായിരുന്നു ജില്ലാ ഭരണകൂടത്തിന്‍റെ ശ്രമം. അ​ഞ്ച് ​ദി​വ​സ​ത്തേ​ക്കാ​ണ് ക​ള​ക്ട​റു​ടെ ഉ​ത്ത​ര​വ്. യാ​ത്രാ​ ചെ​ല​വി​നും ഭ​ക്ഷ​ണ​ത്തി​നു​മാ​യി ഒ​രു വി​ദ്യാ​ർ​ഥി​ക്ക് ദി​വ​സം 150 രൂ​പ വീ​തം ന​ൽ​ക​ണ​മെ​ന്നും ക​ള​ക്ട​ർ നി​ർ​ദേ​ശി​ച്ചി​രുന്നു. ജി​ല്ല​യി​ലെ ഒ​ൻ​പ​ത് ആ​ശു​പ​ത്രി​ക​ളി​ലാ​ണ് ന​ഴ്സിം​ഗ് വി​ദ്യാ​ർ​ഥി​ക​ളെ നി​യോ​ഗി​ച്ചിരുന്നത്.

ആ​ശു​പ​ത്രി​ക​ളി​ൽ എ​ത്തു​ന്ന വി​ദ്യാ​ർ​ഥി​ക​ളു​ടെ ജോ​ലി​ക്ക് ത​ട​സ​മു​ണ്ടാ​കാ​തി​രി​ക്കാ​ൻ ഒ​ൻ​പ​ത് സ്വ​കാ​ര്യ ആ​ശു​പ​ത്രി​ക​ളു​ടെ​യും പ​രി​സ​ര​ത്ത് നി​രോ​ധ​നാ​ജ്ഞ പ്ര​ഖ്യാ​പി​ച്ചിരുന്നു. ആ​ശു​പ​ത്രി​ക​ളു​ടെ പ​രി​സ​ര​ത്ത് പോ​ലീ​സ് സേ​ന​യെ നി​യോ​ഗി​ച്ചി​ട്ടു​ണ്ട്.

ക​ണ്ണൂ​ർ, കാ​സ​ർ​ഗോ​ഡ് ജി​ല്ല​ക​ളി​ലെ സ്വ​കാ​ര്യ ആ​ശു​പ​ത്രി​കളുടെ പ്രവർത്തനം സ്തംഭിച്ചിരിക്കുകയാണ്. ഇന്ത്യൻ നഴ്സസ് അസോസിയേഷന്‍റെ നേതൃത്വത്തിലാണ് നഴ്സുമാരുടെ സമരം തുടരുന്നത്. ന​ഴ്സു​മാ​രു​ടെ സ​മ​ര​ത്തി​ന് പി​ന്തു​ണ​യു​മാ​യി വി​വി​ധ യു​വ​ജ​ന ​സം​ഘ​ട​ന​കളും രംഗത്തുണ്ട്.
RELATED NEWS
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.