ഇ.പിക്കെതിരായ പ്രചാരണം കമ്യൂണിസ്റ്റ് വിരുദ്ധതയുടെ ഭാഗം: എം.വി.ഗോവിന്ദന്
Friday, April 26, 2024 10:13 AM IST
കണ്ണൂര്: ഇടത് മുന്നണി കണ്വീനര് ഇ.പി.ജയരാജനെതിരായ പ്രചാരണം കമ്യൂണിസ്റ്റ് വിരുദ്ധതയുടെ ഭാഗമെന്ന് സിപിഎം സംസ്ഥാന സെക്രട്ടറി എം.വി.ഗോവിന്ദന്. ഇന്ന് വരെ മാത്രം ആയുസുള്ള ആരോപണമാണിതെന്നും ഗോവിന്ദന് പ്രതികരിച്ചു.
മറ്റു നേതാക്കളെ കാണുന്നത് രാഷ്ട്രീയത്തിന്റെ ഭാഗമാണ്. രാഷ്ട്രീയ നിലപാടും വ്യക്തിപരമായ സൗഹൃദങ്ങളും വേര്തിരിച്ച് കാണണം. ദല്ലാള് നന്ദകുമാര് ഫ്രോഡാണ്.
ഇമ്മാതിരി ഫ്രോഡിനോടൊന്നും പ്രതികരിക്കേണ്ട കാര്യമില്ല. ഇ.പി ജാഗ്രത കാണിക്കണമെന്ന മുഖ്യമന്ത്രിയുടെ വാക്കുകള് മുന്നറിയിപ്പ് മാത്രമെന്നും എം.വി.ഗോവിന്ദന് പറഞ്ഞു.