ഇവിടെ വിവിപാറ്റ് രണ്ടു കാര്യങ്ങള്‍ നിയന്ത്രിക്കുന്നു. ഒന്നാമതായി വോട്ടര്‍മാര്‍ എന്തു കാണുന്നുവെന്നതും രണ്ടാമതായി യഥാര്‍ഥത്തില്‍ ഏതു വോട്ടു രേഖപ്പെടുത്തണമെന്നതും.
ഇന്ത്യയില്‍ ഉപയോഗിച്ചു പോന്നിരുന്ന ഇവിഎമ്മുകളില്‍ വിവിപാറ്റ് സ്ലോട്ട് ഉണ്ടായിരുന്നില്ല. അതുകൊണ്ട് ഈ ന്യൂനത മറികടക്കുന്നതിനായി വിവിപാറ്റ് പ്രത്യേകമായി ഡിസൈന്‍ ചെയ്യുകയായിരുന്നു. ഇത് വലിയ പോരായ്മയാണെന്നും കണ്ണന്‍ ഗോപിനാഥന്‍ ചൂണ്ടിക്കാട്ടുന്നു.
വിവിപാറ്റ് മെഷീനില്‍ തിരിമറി നടത്താനാകുമോയെന്നതാണ് ഇവിടെ പ്രസക്തമായ ചോദ്യം. സാധിക്കുമെന്നാണ് ഉത്തരമെങ്കില്‍ അത് മനസിലാക്കാന്‍ മറ്റെന്തെങ്കിലും സംവിധാനമുണ്ടോ എന്നും കണ്ണന്‍ ഗോപിനാഥന്‍ ചോദിക്കുന്നു.
കാഷ്മീരിനു പ്രത്യേക പരിഗണന നല്‍കിവന്നിരുന്ന വകുപ്പുകള്‍ റദ്ദാക്കിയതുമായി ബന്ധപ്പെട്ടാണ് കണ്ണന്‍ ഐഎഎസ് രാജിവെച്ചത്. കാഷ്മീരിലെ ലക്ഷക്കണക്കിനു ജനങ്ങള്‍ക്കു അടിസ്ഥാന സൗകര്യം നിഷേധിക്കുന്നത് സഹിക്കാനാവില്ലെന്നു കണ്ണന്‍ ചൂണ്ടിക്കാട്ടിയിരുന്നു.
സര്‍ക്കാര്‍ തീരുമാനങ്ങള്‍ക്കെതിരെ പ്രതികരിക്കാനുള്ള അവകാശം ജനങ്ങള്‍ക്കുണ്ടെന്നും ഇതു നിഷേധിക്കുന്നത് ഒരു തരത്തിലും അംഗീകരിക്കാനാവില്ലെന്നും കണ്ണന്‍ പറഞ്ഞിരുന്നു.