തലോർ: ഭക്ഷ്യ ഉൽപാദനരംഗത്ത് സ്വയംപര്യാപ്തത എന്ന ലക്ഷ്യത്തോടെ നടപ്പാക്കുന്ന പൊലിമ പുതുക്കാട് പദ്ധതിക്കു തുടക്കമായി. മണ്ഡലത്തിലെ രണ്ടായിരത്തിലധികം വരുന്ന കുടുംബശ്രീ യൂണിറ്റുകൾ വഴി നാൽപ്പതിനായിരം സ്ത്രീകളെ കൃഷിയിലേയ്ക്കു കൊണ്ടുവരാനാണ് പദ്ധതി. തദ്ദേശസ്വയംഭരണ സ്ഥാപനങ്ങൾ, സഹകരണ ബാങ്കുകൾ, കുടുംബശ്രീ, കാർഷിക വികസന - കാർഷിക ക്ഷേമ വകുപ്പ്, തൊഴിലുറപ്പ് എന്നിവയുടെ സഹകരണത്തോടെ വിഷരഹിത ഭക്ഷ്യോൽപന്നങ്ങൾ കൃഷി ചെയ്യുന്നതാണു പദ്ധതി. പൊലിമ പുതുക്കാടിന്റെ കാർഷിക വിജ്ഞാന ശില്പശാല കെ.കെ. രാമചന്ദ്രൻ എംഎൽഎ ഉദ്ഘാടനം ചെയ്തു. ജില്ലാ മണ്ണ് പരിശോധന കേന്ദ്രം കൃഷി ഓഫീസറായ എസ്. സുജിത് പദ്ധതി വിശദീകരണം നടത്തി. കൊടകര ബ്ലോക്ക് പഞ്ചായത്ത് പ്രസിഡന്റ് എം.ആർ. രഞ്ജിത്ത് അധ്യക്ഷത വഹിച്ചു.
ഗ്രാമപഞ്ചായത്ത് പ്രസിഡന്റുമാരായ ഇ.കെ. അനൂപ്, ടി.എസ്. ബൈജു, കെ.എം. ബാബുരാജ്, അജിത സുധാകരൻ, എൻ. മനോജ്, അശ്വതി വിബി, സൈമണ് നന്പാടൻ, ജില്ലാ പഞ്ചായത്ത് അംഗങ്ങളായ വി.എസ്. പ്രിൻസ്, സരിത രാജേഷ്, കൃഷി അസിസ്റ്റന്റ് ഡയറക്ടർ ഡോ. എസ്. സ്വപ്ന, കുടുംബശ്രീ മിഷൻ ജില്ലാ കോ-ഒാർഡിനേറ്റർ ഐ.സി. നിർമൽ കുമാർ, കൊടകര ബ്ലോക്ക് പഞ്ചായത്ത് ബിഡിഒ പി.ആർ. അജയ്ഘോഷ് തുടങ്ങിയവർ പങ്കെടുത്തു.