വി​യ​ർ​ത്ത് ഹൈ​റേ​ഞ്ച്
Friday, May 3, 2024 12:05 AM IST
നെ​ടു​ങ്ക​ണ്ടം: എ​ന്നും മ​ഴ​മേ​ഘ​ങ്ങ​ള്‍; ഇ​ന്ന് പെ​യ്യും, നാ​ളെ​പ്പെ​യ്യും എ​ന്ന പ്ര​തീ​ക്ഷ​യി​ല്‍ ഹൈ​റേ​ഞ്ചി​ലെ ജ​ന​ങ്ങ​ള്‍ ക​ണ്ണും​ന​ട്ട് കാ​ത്തി​രി​ക്കാ​ന്‍ തു​ട​ങ്ങി​യി​ട്ട് ഒ​രു മാ​സം. ഇ​ട​യ്ക്കി​ടെ വി​യ​ര്‍​പ്പു​ക​ണ​ങ്ങ​ള്‍പോ​ലെ വ​ല്ല​പ്പോ​ഴു​മു​ള്ള ചാ​റ്റ​ല്‍ മാ​ത്രം. മ​നു​ഷ്യ​ന്‍ ഉ​ള്‍​പ്പ​ടെ​യു​ള്ള ജീ​വ​ജാ​ല​ങ്ങ​ളും സ​സ്യ​ങ്ങ​ളും ചൂ​ടി​ല്‍ വെ​ന്ത് നീ​റു​ക​യാ​ണ്. കാ​ര്‍​ഷി​കമേ​ഖ​ല അ​പ്പാ​ടെ ക​രി​ഞ്ഞു​ണ​ങ്ങി. നീ​ര്‍​ച്ചാ​ലു​ക​ളും പു​ഴ​ക​ളും തോ​ടു​ക​ളും ചെ​ക്കു​ഡാ​മു​ക​ളും വ​റ്റി​വ​ര​ണ്ട​തോ​ടെ ജ​നം വെ​ള്ള​ത്തി​നാ​യി നെ​ട്ടോ​ട്ട​മോ​ടു​ക​യാ​ണ്.

കൃ​ഷി ഏ​താ​ണ്ട് പൂ​ര്‍​ണ​മാ​യി ന​ശി​ച്ച​തോ​ടെ ആ​ത്മ​ഹ​ത്യ​യു​ടെ വ​ക്കി​ലാ​ണ് ക​ര്‍​ഷ​ക​ര്‍. ഉ​ടു​മ്പ​ന്‍​ചോ​ല താ​ലൂ​ക്കി​ലാ​ണ് ഇ​ത്ത​വ​ണ വേ​ന​ല്‍​ച്ചൂ​ട് രൂ​ക്ഷ​മാ​യ​ത്. എ​ല്ലാ ദി​വ​സ​വും 32 മു​ത​ല്‍ 38 ഡി​ഗ്രി വ​രെ​യാ​ണ് ചൂ​ട്. രാ​വി​ലെ ആ​റി​ന് ആ​രം​ഭി​ക്കു​ന്ന ഉ​ഷ്ണം പാ​തി​രാവ​രെ നീ​ണ്ടു​നി​ല്‍​ക്കും.

ജോ​ലി​ചെയ്യാ​നോ ഉ​റ​ങ്ങാ​നോ ക​ഴി​യാ​ത്ത സാ​ഹ​ച​ര്യ​മാ​ണ് ഹൈ​റേ​ഞ്ചി​ല്‍. കൊ​ച്ചു​കു​ട്ടി​ക​ളും പ്രാ​യ​മാ​യ​വ​രും കി​ട​പ്പു​രോ​ഗി​ക​ളു​മാ​ണ് ഇ​തു​മൂ​ലം കൂ​ടു​ത​ല്‍ വി​ഷ​മി​ക്കു​ന്ന​ത്. മി​ക്ക വീ​ടു​ക​ളി​ലെ​യും കു​ടി​വെ​ള്ള സ്രോത​സു​ക​ള്‍ പൂ​ര്‍​ണ​മാ​യും വ​റ്റി. സ​മീ​പ പ്ര​ദേ​ശ​ങ്ങ​ളി​ലെ പു​ഴ​ക​ളും വ​റ്റി​യ​തോ​ടെ കു​ളി​ക്കാ​നും വീ​ട്ടാ​വ​ശ്യ​ങ്ങ​ള്‍​ക്കു​മു​ള്ള വെ​ള്ള​ത്തി​നാ​യി പരക്കംപായുക​യാ​ണ് ജ​ന​ങ്ങ​ള്‍.

പ്ര​ധാ​ന വ​രു​മാ​ന മാ​ര്‍​ഗ​മാ​യ ഏ​ല​ച്ചെ​ടി​ക​ള്‍ ഇ​പ്പോ​ള്‍​ത്ത​ന്നെ 70 ശ​ത​മാ​ന​ത്തോ​ളം ക​രി​ഞ്ഞു​ണ​ങ്ങി. മ​റ്റ് കൃ​ഷി​ക​ളാ​യ കു​രു​മു​ള​ക്, കാ​പ്പി, പ​ച്ച​ക്ക​റി​ക​ള്‍, വാ​ഴ തു​ട​ങ്ങി​യ​വ​യെ​യെ​ല്ലാം വേ​ന​ല്‍ പ്ര​തി​കൂ​ല​മാ​യി ബാ​ധി​ച്ചു. ഉ​ടു​മ്പ​ന്‍​ചോ​ല​യി​ല്‍ മാ​ത്രം ഹെ​ക്ട​ര്‍ ക​ണ​ക്കി​ന് കൃ​ഷി​യാ​ണ് ന​ശി​ച്ചി​ട്ടു​ള്ള​ത്. ഇ​തി​നോ​ടൊ​പ്പം വൈ​ദ്യു​തി പ്ര​തി​സ​ന്ധി​യും ജ​ന​ജീ​വി​ത​ത്തെ ദു​ഃസ​ഹ​മാ​ക്കു​ന്നു​. അ​ടു​ത്ത സീ​സ​ണി​ല്‍ കൃ​ഷി പു​ന​രു​ജ്ജീ​വി​പ്പി​ച്ചി​ല്ലെ​ങ്കി​ല്‍ ആ​ത്മ​ഹ​ത്യ​യ​ല്ലാ​തെ മ​റ്റു മാ​ര്‍​ഗ​മില്ലെ​ന്നാ​ണ് ക​ര്‍​ഷ​ക​ര്‍ പ​റ​യു​ന്ന​ത്. ഇ​തി​നോ​ടൊ​പ്പം മേ​ഖ​ല​യി​ലെ മൊ​ട്ട​ക്കു​ന്നു​ക​ള്‍​ക്കും പു​ല്‍​മേ​ടു​ക​ള്‍​ക്കും തീ​പി​ടി​ച്ച​തോ​ടെ വ​ന്യ​മൃ​ഗ​ങ്ങ​ളും കൃ​ഷി​യി​ട​ങ്ങ​ളി​ലേ​ക്ക് ഇ​റ​ങ്ങി നാ​ശം വി​ത​യ്ക്കു​ക​യാ​ണ്.

കാ​ലി​വ​ള​ര്‍​ത്ത​ല്‍ ഉ​പ​ജീ​വ​ന​മാ​ര്‍​ഗ​മാ​ക്കി​യി​ട്ടു​ള്ള ക​ര്‍​ഷ​ക​ര്‍​ക്ക് പു​ല്ല് ല​ഭ്യ​മ​ല്ലാ​ത്ത​ത് വ​ന്‍ തി​രി​ച്ച​ടി​യാ​ണ് സൃ​ഷ്ടി​ക്കു​ന്ന​ത്. മു​മ്പ് മ​ഴ​നി​ഴ​ല്‍ പ്ര​ദേ​ശ​മാ​യി ക​ണ്ടെ​ത്തി​യി​രു​ന്ന മേ​ഖ​ല​ക​ളി​ല്‍ ഇ​പ്പോ​ള്‍ കൊ​ടും വ​ര​ള്‍​ച്ച​യ്ക്ക് സ​മാ​ന​മാ​യ സാ​ഹ​ച​ര്യ​മാ​ണ് നി​ല​നി​ല്‍​ക്കു​ന്ന​ത്.

Copyright @ 2022 , Rashtra Deepika Ltd.