തൊടുപുഴ: എൽഡിഎഫ് സ്ഥാനാർഥി ജോയ്സ് ജോർജ് കോതമംഗലം നിയോജകമണ്ഡലത്തിലെ രണ്ടാംഘട്ട പര്യടനം പൂർത്തിയാക്കി. രാവിലെ ആവോലിച്ചാലിൽ ആരംഭിച്ച പര്യടനം സിപിഐ സംസ്ഥാന സമിതി അംഗം ഇ.കെ. ശിവൻ ഉദ്ഘാടനം ചെയ്തു.
ആന്‍റണി ജോണ് എംഎൽഎ, പഞ്ചായത്ത് പ്രസിഡന്‍റ് സിബി മാത്യു, ആർ. അനിൽകുമാർ, ജോയി ഏബ്രഹാം, ഷാജി മുഹമ്മദ്, എ.എ. അൻഷാദ്, പി.ടി. ബെന്നി, അഡ്വ. പോൾ മുണ്ടയ്ക്കൽ, മനോജ് ഗോപി, തോമസ് തോന്പ്രയിൽ, ടി.പി. തന്പാൻ എന്നിവർ പ്രസംഗിച്ചു.
നേര്യമംഗലം ടൗണിലെത്തിയ ജോയ്സ് ജോർജിനെ സ്ത്രീകളും കുട്ടികളുമടക്കം നൂറുകണക്കിനാളുകൾ കാർഷികവിളകൾ, പൂക്കൾ തുടങ്ങിയവ നൽകി സ്വീകരിച്ചു. തുടർന്നു കോളനി, ചെന്പൻകുഴി, നീണ്ടപാറ, തലക്കോട് കവല, പുത്തൻ കുരിശ്, ഉൗന്നുകൽ, കവളങ്ങാട്, നെല്ലിമറ്റം, വാളാച്ചിറ എന്നിവിടങ്ങളിൽ പര്യടനം നടത്തി.
ഇന്ന് മൂവാറ്റുപുഴ മണ്ഡലത്തിൽ രണ്ടാംഘട്ട പര്യടനം നടത്തും. രാവിലെ ഞാറക്കാടുനിന്നു തുടങ്ങുന്ന പര്യടനം സിപിഎം സംസ്ഥാന കമ്മിറ്റി അംഗം എസ്. സതീഷ് ഉദ്ഘാടനം ചെയ്യും. തുടർന്നു വിവിധ സ്ഥലങ്ങളിൽ പര്യടനം നടത്തി കുളപ്പുറത്തു സമാപിയ്ക്കും. തുടർന്ന് ആയവന, മാറാടി, വാളകം, പായിപ്ര എന്നി പഞ്ചായത്തുകളിൽ പര്യടനം നടത്തി പള്ളിച്ചിറങ്ങരയിൽ സമാപിക്കും.