വൈക്കം: ഭരണഘടന കാത്തുസംരക്ഷിക്കണമെങ്കിൽ ബിജെപിയെ അധികാരത്തിനു പുറത്താക്കണമെന്ന് മന്ത്രി പി. പ്രസാദ്. ഇടതുപക്ഷ സ്ഥാനാർഥി തോമസ് ചാഴികാടന്‍റെ തെരഞ്ഞെടുപ്പ് പ്രചാരണത്തിന്‍റെ ഭാഗമായി വൈക്കം ടൗൺ കമ്മിറ്റിയുടെ നേതൃത്വത്തിൽ സംഘടിപ്പിച്ച സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ഇലക്ഷന് കമ്മിറ്റി പ്രസിഡന്‍റ് ഡി. രഞ്ജിത് കുമാര്‍ അധ്യക്ഷത വഹിച്ചു.
എല്‍ഡിഎഫ് നിയോജകമണ്ഡലം കണ്‍വീനര്‍ പി. സുഗതന്‍, കെ. അജിത്ത്, ഇ.എന്‍. ദാസപ്പന്‍, എം.ഡി. ബാബുരാജ്, സി.കെ. ആശ എംഎല്‍എ, ഏബ്രഹാം പഴയകടവന്‍, പി. പ്രദീപ്, പി. ശശിധരന്‍, എന്‍. അനില്‍ ബിശ്വാസ്, സി.പി. ജയരാജ്, എം. സുജിന്‍ എന്നിവര്‍ പ്രസംഗിച്ചു.
വലിയകവലയില്‍ നിന്നാരംഭിച്ച പ്രകടനത്തിന് പി. ഹരിദാസ്, രാഗിണി മോഹനന്‍, അഡ്വ.കെ. പ്രസന്നന്‍, കെ.വി. ജീവരാജന്‍, സി.എന്‍. പ്രദീപ് കുമാര്‍, മില്‍ട്ടണ്‍ ഇടശേരി, അഡ്വ. ചന്ദ്രബാബുഎടാടന്‍, കെ.വി.അജയഘോഷ് എന്നിവര്‍ നേതൃത്വം നല്‍കി.