ചങ്ങനാശേരി: സെന്റ് ജോസഫ് കോളജ് ഓഫ് കമ്യൂണിക്കേഷന് വിശ്വസാഹോദര്യം എന്ന പ്രമേയവുമായി നടത്തുന്ന മീഡിയ ഫെസ്റ്റ് മെലാഞ്ച് 2022ന് തിരിതെളിഞ്ഞു. സിനിമ സംവിധായകനും നടനും അവതാരകനുമായ രമേഷ് പിഷാരടി ഉദ്ഘാടനം നിര്വഹിച്ചു.
മീഡിയ വില്ലേജ് എക്സിക്യൂട്ടീവ് ഡയറക്ടര് ഫാ.ആന്റണി എത്തക്കാട് അധ്യക്ഷത വഹിച്ചു. പ്രിന്സിപ്പല് റവ.ഡോ. ജോസഫ് പാറയ്ക്കല് ആമുഖപ്രസംഗം നടത്തി. 2004 മുതല് കോളജില്നിന്ന് പഠിച്ചിറങ്ങി മീഡിയരംഗത്ത് വ്യക്തിമുദ്ര പതിപ്പിച്ച പത്തു പൂര്വവിദ്യാര്ഥികളെ ചടങ്ങില് ആദരിച്ചു. മുനിസിപ്പല് ചെയര്പേഴ്സണ് സന്ധ്യ മനോജ്, കോളജ് ബര്സാര് ഫാ. ജോഫി പുതുപ്പറമ്പ്, വൈസ് പ്രിന്സിപ്പല് തോമസ് ജോസഫ്, മെലാഞ്ച് ചീഫ് കോ-ഓർഡിനേറ്റര് സജി ലൂക്കോസ്, സ്റ്റുഡന്റ് കോ-ഓര്ഡിനേറ്റര് ഗോകുല്, പിടിഎ പ്രസിഡന്റ് ജിലേഷ് കുര്യന്, പൂര്വ വിദ്യാര്ഥി പ്രതിനിധി ഫാ. റോണി കരക്കാട്ട് കപ്പൂച്ചിന് തുടങ്ങിയവര് പ്രസംഗിച്ചു.
മാധ്യമങ്ങളുടെയും ആശയവിനിമയ വ്യവസായത്തിന്റെയും ഭൂത, വര്ത്തമാന, ഭാവികാലങ്ങളാണ് എക്സിബിഷനുകളിലൂടെയും ഇന്സ്റ്റലേഷനുകളിലൂടെയും ക്രിയാത്മകമായി അവതരിപ്പിച്ചിരിക്കുന്നത്. ആര്ജെ, വിജെ ഹണ്ട്, ഡിബേറ്റ്, ലോഗോ ഡിസൈനിംഗ്, മോഷന് ഗ്രാഫിക്സ്, അനിമേഷന് ഷോര്ട്ട് ഫിലിം തുടങ്ങിയ മത്സര ഇനങ്ങളാണ് ആദ്യദിവസം നടന്നത്. വൈകുന്നേരം കോളജ് വിദ്യാര്ഥികള് നാടകവും ഡാന്സും അവതരിപ്പിച്ചു.
ഫേസ് പെയിന്റിംഗ്, ഓണ്ലൈന് ഗെയിംസ്, ട്രഷര് ഹണ്ട്, റീല് മേക്കിംഗ്്, സ്പോട്ട് ഡബിംഗ്, ഫോട്ടോഗ്രഫി, സ്പോട്ട് കൊറിയോഗ്രഫി, കോസ്പ്ലേ എന്നീ മത്സര ഇനങ്ങളാണ് രണ്ടാം ദിവസമായ ഇന്ന് നടക്കുന്നത്. വൈകുന്നേരം വിദ്യാര്ഥികള് അവതരിപ്പിക്കുന്ന ഫാഷന് ഷോയും മ്യൂസിക് ബാന്ഡും അരങ്ങേറും.