പ്ല​സ് വ​ണ്‍ പ്ര​വേ​ശ​നം : പ​ത്ത​നം​തി​ട്ട​യി​ല്‍ ഒ​ഴി​വു​ള്ള​ത് 4,776 സീ​റ്റു​ക​ള്‍
Sunday, June 23, 2024 4:19 AM IST
പ​ത്ത​നം​തി​ട്ട: പ്ല​സ് വ​ണ്‍ പ്ര​വേ​ശ​ന​ത്തി​നാ​യി മൂ​ന്ന് പ്ര​ധാ​ന അ​ലോ​ട്ട്‌​മെ​ന്‍റു​ക​ള്‍ പൂ​ര്‍​ത്തി​യാ​യി​രി​ക്കേ ജി​ല്ല​യി​ല്‍ 4776 സീ​റ്റു​ക​ള്‍ ഒ​ഴി​ഞ്ഞു കി​ട​ക്കു​ന്നു. മെ​റി​റ്റി​ല്‍ 710 സീ​റ്റു​ക​ളി​ലാ​ണ് ആ​ളെ​ത്താ​നു​ള്ള​ത്. സ്‌​പോ​ര്‍​ട്‌​സ് ക്വാ​ട്ട 226, മോ​ഡ​ല്‍ റ​സി​ഡ​ന്‍​ഷ്യ​ല്‍ സ്‌​കൂ​ളി​ല്‍ 11, ക​മ്യൂ​ണി​റ്റി ക്വാ​ട്ട 438, മാ​നേ​ജ്‌​മെ​ന്‍റ് ക്വാ​ട്ട​യി​ല്‍ 1594, അ​ണ്‍​എ​യ്ഡ​ഡ് ക്വാ​ട്ട​യി​ല്‍ 1797 എ​ന്നി​ങ്ങ​നെ​യാ​ണ് ഒ​ഴി​വു​ക​ളു​ള്ള​ത്.

13,859 അ​പേ​ക്ഷ​ക​ളാ​ണ് ഇ​ക്കു​റി പ്ല​സ് വ​ണ്‍ പ്ര​വേ​ശ​ന​ത്തി​നാ​യി ജി​ല്ല​യി​ല്‍ ല​ഭി​ച്ച​ത്. ഇ​തി​ല്‍ 3360 പേ​ര്‍ പ​ത്ത​നം​തി​ട്ട ജി​ല്ല​യ്ക്കു പു​റ​ത്തു നി​ന്നാ​യി​രു​ന്നു. ഭി​ന്ന​ശേ​ഷി​ക്കാ​രു​ടേ​തു​ള്‍​പ്പെ​ടെ 9906 മെ​റി​റ്റ് സീ​റ്റു​ക​ളി​ല്‍ 9196 എ​ണ്ണ​ത്തി​ല്‍ പ്ര​വേ​ശ​നം ന​ല്‍​കി.

മൂ​ന്നാ​മ​ത്തെ അ​ലോ​ട്ട്‌​മെ​ന്‍റി​നു​ശേ​ഷം ജ​ന​റ​ല്‍ വി​ഭാ​ഗ​ത്തി​ല്‍ 7637 സീ​റ്റു​ക​ളു​ണ്ടാ​യി​രു​ന്ന​തി​ല്‍ 6967 എ​ണ്ണ​ത്തി​ല്‍ പ്ര​വേ​ശ​നം ന​ല്‍​കി. 670 സീ​റ്റു​ക​ള്‍ ഒ​ഴി​വു​ണ്ട്. മ​റ്റ് ഒ​ഴി​വു​ക​ള്‍ സം​വ​ര​ണ വി​ഭാ​ഗ​ത്തി​ന്‍റേ​താ​ണ്. പ​ട്ടി​ക​ജാ​തി വി​ഭാ​ഗം സം​വ​ര​ണ സീ​റ്റു​ക​ളി​ല്‍ 53 എ​ണ്ണം ഒ​ഴി​ഞ്ഞു കി​ട​ക്കു​ക​യാ​ണ്.

സ്‌​പോ​ര്‍​ട്‌​സ് ക്വാ​ട്ടാ​യി​ല്‍ 226 ഒ​ഴി​വു​ക​ള്‍ അ​വ​ശേ​ഷി​ക്കു​ക​യാ​ണ്. 321 സീ​റ്റു​ക​ളു​ണ്ടാ​യി​രു​ന്ന​തി​ല്‍ 95ല്‍ ​മാ​ത്ര​മേ കു​ട്ടി​ക​ള്‍ എ​ത്തി​യി​ട്ടു​ള്ളൂ. ക​മ്യൂ​ണി​റ്റി ക്വാ​ട്ടാ​യി​ല്‍ 858 സീ​റ്റു​ക​ള്‍ എ​യ്ഡ​ഡ് സ്‌​കൂ​ളു​ക​ളി​ലാ​യി ഉ​ണ്ടാ​യി​രു​ന്നു. ഇ​തി​ല്‍ 420 കു​ട്ടി​ക​ള്‍ മാ​ത്ര​മേ പ്ര​വേ​ശ​നം നേ​ടി​യി​ട്ടു​ള്ളൂ. വ​ട​ശേ​രി​ക്ക​ര മോ​ഡ​ല്‍ റ​സി​ഡ​ന്‍​ഷ്യ​ല്‍ സ്‌​കൂ​ളി​ലെ 50 സീ​റ്റു​ക​ളി​ല്‍ 39 കു​ട്ടി​ക​ളെ​ത്തി. 36 അ​പേ​ക്ഷ​ക​ളാ​യി​രു​ന്നു ആ​ദ്യം സ്‌​കൂ​ളി​ലേ​ക്കു ല​ഭി​ച്ച​ത്. പി​ന്നീ​ട് മൂ​ന്ന് കു​ട്ടി​ക​ള്‍ കൂ​ടി എ​ത്തി.

ജി​ല്ല​യി​ലെ സ്‌​കൂ​ളു​ക​ളി​ല്‍ മാ​നേ​ജ്‌​മെ​ന്‍റ് ക്വാ​ട്ട​യി​ല്‍ 1750 സീ​റ്റു​ക​ളു​ണ്ടാ​യി​രു​ന്ന​തി​ല്‍ 156 സീ​റ്റു​ക​ളി​ല്‍ മാ​ത്ര​മേ കു​ട്ടി​ക​ളെ​ത്തി​യി​ട്ടു​ള്ളൂ. അ​ണ്‍​എ​യ്ഡ​ഡ് വി​ഭാ​ഗ​ത്തി​ലെ 1852 സീ​റ്റു​ക​ളി​ല്‍ 55 കു​ട്ടി​ക​ളെ മാ​ത്ര​മേ ഇ​തേ​വ​രെ പ്ര​വേ​ശി​പ്പി​ക്കാ​നാ​യി​ട്ടു​ള്ളൂ.

കു​ട്ടി​ക​ളു​ടെ കു​റ​വ് ഏ​റെ​യും ഗ്രാ​മീ​ണ മേ​ഖ​ല​ക​ളി​ല്‍

ഹ​യ​ര്‍ സെ​ക്ക​ന്‍​ഡ​റി സ്‌​കൂ​ളു​ക​ളി​ല്‍ ഒ​ന്നാം​വ​ര്‍​ഷ പ്ര​വേ​ശ​ന​ത്തി​ന് കു​ട്ടി​ക​ളു​ടെ എ​ണ്ണ​ത്തി​ല്‍ കു​റ​വു​ണ്ടാ​യ​ത് ഗ്രാ​മീ​ണ മേ​ഖ​ല​യി​ലെ വി​ദ്യാ​ല​യ​ങ്ങ​ളി​ലാ​ണ്. സ​ര്‍​ക്കാ​ര്‍, എ​യ്ഡ​ഡ് വി​ദ്യാ​ല​യ​ങ്ങ​ളി​ലെ പ​ല ബാ​ച്ചു​ക​ളി​ലേ​ക്കും മ​തി​യാ​യ കു​ട്ടി​ക​ളെ ല​ഭി​ച്ചി​ട്ടി​ല്ല.

ഒ​രു ബാ​ച്ചി​ന് ആ​വ​ശ്യ​മാ​യ കു​ട്ടി​ക​ളു​ടെ എ​ണ്ണം അ​മ്പ​താ​ണ്. ബാ​ച്ച് മു​ന്നോ​ട്ടു കൊ​ണ്ടു​പോ​കാ​ന്‍ നി​ല​വി​ല്‍ ആ​വ​ശ്യ​മു​ള്ള​ത് 25 കു​ട്ടി​ക​ളാ​ണ്. ര​ണ്ടാ​മ​തൊ​രു ബാ​ച്ച് തു​ട​ങ്ങ​ണ​മെ​ങ്കി​ല്‍ 75 കു​ട്ടി​ക​ള്‍ വേ​ണം. 25 കു​ട്ടി​ക​ളു​ടെ പി​ന്‍​ബ​ല​ത്തി​ലാ​ണ് ജി​ല്ല​യി​ലെ പ​ല സ്‌​കൂ​ളു​ക​ളി​ലും ബാ​ച്ചു​ക​ള്‍ നി​ല​നി​ല്‍​ക്കാ​ന്‍ ത​ന്നെ കാ​ര​ണം.

ക​ഴി​ഞ്ഞ വ​ര്‍​ഷ​വും കു​ട്ടി​ക​ളു​ടെ എ​ണ്ണ​ത്തി​ല്‍ വ​ന്‍ കു​റ​വാ​ണ് ജി​ല്ല​യി​ലെ സ്‌​കൂ​ളു​ക​ളി​ലു​ണ്ടാ​യി​രു​ന്ന​ത്. ഇ​ത്ത​വ​ണ സ്ഥി​തി അ​തി​ലും മോ​ശ​മാ​ണെ​ന്ന് അ​ധ്യാ​പ​ക​ര്‍ പ​റ​യു​ന്നു. പ​ല ബാ​ച്ചു​ക​ളും ക​ഴി​ഞ്ഞ വ​ര്‍​ഷം ത​ന്നെ ന​ഷ്ട​മാ​കു​ന്ന സാ​ഹ​ച​ര്യ​മു​ണ്ടാ​യി​രു​ന്നു. തു​ട​ര്‍​ച്ച​യാ​യ മൂ​ന്നു വ​ര്‍​ഷം കു​ട്ടി​ക​ള്‍ കു​റ​യു​ന്ന സാ​ഹ​ച​ര്യ​ത്തി​ല്‍ ബാ​ച്ചു​ക​ള്‍ ന​ഷ്ട​മാ​കും.

കു​ട്ടി​ക​ളു​ടെ കു​റ​വു കാ​ര​ണം നേ​ര​ത്തെ ത​ന്നെ ബാ​ച്ചു​ക​ള്‍ ന​ഷ്ട​മാ​കു​ക​യും ഹ​യ​ര്‍ സെ​ക്ക​ന്‍​ഡ​റി ത​ന്നെ വേ​ണ്ടെ​ന്നു​വ​യ്ക്കു​ക​യും ചെ​യ്ത വി​ദ്യാ​ല​യ​ങ്ങ​ള്‍ പ​ത്ത​നം​തി​ട്ട ജി​ല്ല​യി​ലു​ണ്ട്. സ​ര്‍​ക്കാ​ര്‍ ക​ണ​ക്കി​ല്‍ ഇ​പ്പോ​ഴും 95 സ്‌​കൂ​ളു​ക​ളി​ല്‍ ഹ​യ​ര്‍ സെ​ക്ക​ന്‍​ഡ​റി അ​നു​വ​ദി​ച്ചി​ട്ടു​ണ്ടെ​ങ്കി​ലും 80 സ്‌​കൂ​ളു​ക​ളി​ല്‍ മാ​ത്ര​മാ​ണ് പ്ര​വേ​ശ​ന ന​ട​പ​ടി​ക​ള്‍ ന​ട​ന്ന​ത്. അ​ണ്‍​എ​യ്ഡ​ഡ് ബാ​ച്ചു​ക​ളാ​രം​ഭി​ച്ച സ്‌​കൂ​ളു​ക​ള്‍ പ​ല​തു​മാ​ണ് നി​ന്നു​പോ​യ​ത്.

ഒ​ഴി​വ് ഏ​റെ​യും ഹ്യു​മാ​നി​റ്റീ​സ് ബാ​ച്ചു​ക​ളി​ല്‍

ന​ഗ​ര മേ​ഖ​ല​ക​ളി​ല​ട​ക്കം ഒ​ഴി​വു​ക​ളേ​റെ​യു​ള്ള​ത് ഹ്യു​മാ​നി​റ്റീ​സ് ബാ​ച്ചു​ക​ളി​ലാ​ണ്. സ​യ​ന്‍​സ് ബാ​ച്ചു​ക​ളി​ല്‍ ഗ്രാ​മീ​ണ​മേ​ഖ​ല​ക​ളി​ല്‍ സീ​റ്റു​ക​ള്‍ ബാ​ക്കി​യാ​ണ്. ഇ​വി​ട​ങ്ങ​ളി​ല്‍ ഹ്യു​മാ​നി​റ്റീ​സി​നും ഒ​ഴി​വു​ക​ളു​ണ്ട്. കൊ​മേ​ഴ്‌​സ് ബാ​ച്ചു​ക​ളി​ലേ​ക്ക് ഒ​ട്ടു​മി​ക്ക സ്‌​കൂ​ളു​ക​ള്‍​ക്കും മ​തി​യാ​യ കു​ട്ടി​ക​ളെ ല​ഭി​ച്ചി​ട്ടു​ണ്ട്. 2300 സീ​റ്റു​ക​ളാ​ണ് ഹ്യു​മാ​നി​റ്റീ​സി​ലു​ണ്ടാ​യി​രു​ന്ന​ത്. സ​യ​ന്‍​സി​ല്‍ 7350 സീ​റ്റു​ക​ളും കൊ​മേ​ഴ്‌​സി​ല്‍ 3550 സീ​റ്റു​ക​ളു​മാ​ണു​ള്ള​ത്.

വി​എ​ച്ച്എ​സ്ഇ സ്‌​കൂ​ളു​ക​ളെ​യും ബാ​ധി​ച്ചു

വൊ​ക്കേ​ഷ​ണ​ല്‍ ഹ​യ​ര്‍ സെ​ക്ക​ന്‍​ഡ​റി ബാ​ച്ചു​ക​ളി​ലും കു​ട്ടി​ക​ളു​ടെ കു​റ​വ് അ​നു​ഭ​വ​പ്പെ​ടു​ന്നു​ണ്ട്. ജി​ല്ല​യി​ല്‍ പ​ത്താം​ക്ലാ​സ് പാ​സാ​യ കു​ട്ടി​ക​ളു​ടെ എ​ണ്ണ​ത്തേ​ക്കാ​ള്‍ അ​ധി​ക​മാ​ണ് ഹ​യ​ര്‍ സെ​ക്ക​ന്‍​ഡ​റി പ​ഠ​ന​ത്തി​നു​ള്ള സീ​റ്റു​ക​ളു​ടെ എ​ണ്ണം.

ഐ​ടി​ഐ, പോ​ളി​ടെ​ക്‌​നി​ക് കോ​ഴ്‌​സു​ക​ളി​ലും പ​ത്താം ക്ലാ​സു​കാ​ര്‍​ക്കാ​യി ബാ​ച്ചു​ക​ളു​ണ്ട്. ഇ​വി​ട​ങ്ങ​ളി​ലും കു​ട്ടി​ക​ളെ ല​ഭി​ക്കാ​ന്‍ ബു​ദ്ധി​മു​ട്ടു​ക​ളു​ണ്ട്. കു​ട്ടി​ക​ളു​ടെ കു​റ​വ് പ​ല സാ​ങ്കേ​തി​ക വി​ദ്യാ​ഭ്യാ​സ സ്ഥാ​പ​ന​ങ്ങ​ളു​ടെ​യും നി​ല​നി​ല്പി​നെ ത​ന്നെ ബാ​ധി​ച്ചി​ട്ടു​ണ്ട്.

Copyright @ 2022 , Rashtra Deepika Ltd.