പുനലൂർ: വാളക്കോട് റെയിൽവേ മേൽപ്പാലവുമായി ബന്ധപ്പെട്ട് പുനലൂർ സാംസ്കാരിക സമിതി നിയമ പോരാട്ടത്തിനും വിദ്യാർഥി പ്രക്ഷോഭത്തിനും ഒരുങ്ങുന്നു.
നൂറ്റാണ്ടിന്‍റെ പഴക്കമുള്ള മൃതപ്രായമായ വാളക്കോട് റെയിൽവേ മേൽപ്പാലം പൊളിച്ചു മാറ്റുവാനും ദേശീയപാതയ്ക്ക് അനുയോജ്യമായ പുതിയ പാലം നിർമിക്കുവാനും പുനലൂർ സാംസ്കാരിക സമിതി നടത്തിയ ഭിക്ഷാടന മാർച്ചിന്‍റെ ഉദ്ഘാടനം സാംസ്കാരിക പ്രവർത്തകൻ ഹരി പത്തനാപുരം ജാഥാ ക്യാപ്റ്റൻ എ. കെ. നസീറിന് ഭിക്ഷാപാത്രം കൈമാറി നിർവഹിച്ചു.
കലയനാട് ജംഗ്ഷനിൽ ചേർന്ന പ്രതിഷേധ സംഗമത്തിൽ കെ.കെ.ബാബു അദ്ധ്യക്ഷത വഹിച്ചു. പൊരിവെയിലിൽ നടത്തിയ ഭിക്ഷാടന ജാഥ കലയനാട്, വാളക്കോട്, ടി. ബി. ജംഗ്ഷൻ, കെ എസ്ആർടി സി, പോസ്റ്റ് ഓഫീസ് , ചെമ്മന്തൂർ പ്രൈവറ്റ് ബസ് സ്റ്റാന്‍റ് മൈതാനിയിൽ സമാപിച്ചു.
സമാപന സമ്മേളനം സി. ബി. വിജയകുമാർ ഉദ്ഘാടനം ചെയ്തു.
ആരംപുന്ന മുരളി, ശ്യാം ഏനാത്ത്, രാജേഷ് തൊടുപുഴ,ചന്ദ്രൻ വാളക്കോട്, ആൽബിൻ പുനലൂർ ,അനീഷ്.വി.ശിവദാസ്, ഷാജി വാളക്കോട്, വാളക്കോട് ചന്ദ്രൻ തുടങ്ങിയവർ ഭിക്ഷാടന ജാഥക്ക് നേതൃത്വം നൽകി. ബാബുതോമസ് സി. ആർ. ഗിരിഷ് ,രജിരാജ്, ബദരി എന്നിവർ വിവിധ സ്ഥലങ്ങളിൽ ചേർന്ന സമ്മേളനങ്ങളിൽ പ്രസംഗിച്ചു.