പുതിയ ചിത്രമായ കങ്കുവായുടെ പ്രമോഷനിടെ വികാരാധീനനായി നടൻ സൂര്യ. തന്‍റെ ഒരു ചിത്രം തിയറ്റർ റിലീസ് ചെയ്തിട്ട് രണ്ടു വർഷത്തിലേറെ ആയെന്നും എന്നിട്ടും വാരണം ആയിരം റീ-റിലീസ് ചെയ്തപ്പോൾ നിങ്ങൾ ഏറ്റെടുത്തു എന്നുമാണ് സൂര്യ പറഞ്ഞത്.
""കഴിഞ്ഞ രണ്ട് വർഷത്തിലേറെയായി എനിക്കൊരു തിയറ്റർ റിലീസ് പോലും ഉണ്ടായിട്ടില്ല.. എന്നിട്ടും സൂര്യ സൺ ഓഫ് കൃഷ്ണൻ (വാരണം ആയിരം) വീണ്ടും വന്നപ്പോൾ നിങ്ങളെല്ലാവരും അത് ഒന്നടങ്കം ഏറ്റെടുത്തു. നിങ്ങളെല്ലാവരും ഒപ്പം ഉണ്ടായിരുന്നു.
നിങ്ങളുടെ ഈ സ്നേഹം കണ്ട് അക്ഷരാർത്ഥത്തിൽ എനിക്ക് കണ്ണു നിറയുന്നു. നമ്മളെല്ലാവരും തമ്മിലൊരു ബന്ധമുണ്ട്, അതെനിക്ക് വളരെ സ്പെഷ്യലാണ്. നിങ്ങളുടെ സ്നേഹത്തിന് നന്ദി''. സൂര്യ വീ‍ഡിയോയിൽ പറയുന്നു.
സംസാരത്തിനിടെ വാക്കുകളിടറി നിൽക്കുന്ന സൂര്യയെയും കാണാം. സോഷ്യൽ മീ‍ഡിയയിൽ ഇതിനോടകം തന്നെ വിഡിയോ തരംഗമായി കഴിഞ്ഞു. സിരുത്തൈ ശിവ സംവിധാനം ചെയ്യുന്ന ചിത്രമാണ് കങ്കുവ.
ദേവി ശ്രീ പ്രസാദാണ് ചിത്രത്തിന്‍റെ സംഗീതം ഒരുക്കിയിരിക്കുന്നത്. രണ്ട് ഭാഗങ്ങളായാണ് ചിത്രം തിയറ്ററുകളിൽ എത്തുക. ബോബി ഡിയോളാണ് ചിത്രത്തില്‍ വില്ലന്‍ വേഷത്തില്‍ എത്തുന്നത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.