ഷാജി കൈലാസ് സംവിധാനം ചെയ്യുന്ന മെഡിക്കൽ കാന്പസ് ഹൊറർ ത്രില്ലർ ഹണ്ട് പ്രദർശനത്തിനൊരുങ്ങുന്നു. ഭാവനയാണ് ചിത്രത്തിലെ പ്രധാന കഥാപാത്രത്തെ അവതരിപ്പിക്കുന്നത്.
ഹൗസ് സർജൻസി കഴിഞ്ഞ് സർവീസിൽ പ്രവേശിക്കുന്ന ഡോ. കീർത്തി എന്ന കഥാപാത്രത്തെയാണ് താരം അവതരിപ്പിക്കുന്നത്. രാഹുൽ മാധവ്, ഡെയ്ൻ ഡേവിഡ്, അജ്മൽ അമീർ, അനുമോഹൻ, ചന്തുനാഥ് എന്നിവരാണ് മറ്റു താരങ്ങൾ.
ഇവരുടെ മുന്നിലെത്തുന്ന ഒരു കൊലപാതകക്കേസാണ് ഈ ചിത്രത്തിന്റെ കഥാഗതിയെ മുന്നോട്ടു നയിക്കുന്നത്. കാമ്പസിനെ ആകെ സംഘർഷമാക്കിയ ഈ കൊലപാതകത്തിൽ മെഡിക്കൽ വിഭാഗവും പോലീസും ഒരു അന്വേഷണം നടത്തുന്നു.
അഴിക്കുന്തോറും മുറുകുന്ന കുരുക്കുകളിലൂടെ ഏറെ ദുരൂഹതകൾ സൃഷ്ടിച്ചു കൊണ്ടായിരുന്നു ഈ കേസിന്റെ അന്വേഷണം. അന്വേഷണത്തിന്റെ ക്ലൈമാക്സിലേക്കെത്തുമ്പോൾ വലിയ ദുരൂഹതകളാണ് ഈ ചിത്രത്തിലൂടെ പുറത്തുവരുന്നത്.
അതിഥി രവി, രൺജി പണിക്കർ എന്നവർ ഈ ചിത്രത്തിലെ മറ്റു രണ്ടു മുഖ്യമായ കഥാപാത്രങ്ങളെ അവതരിപ്പിക്കുന്നു. നന്ദു വിജയകുമാർ, ബിജു പപ്പൻ, കോട്ടയം നസീർ, ജി. സുരേഷ് കുമാർ, കൊല്ലം തുളസി, സുധി പാലക്കാട്, കിജൻ രാഘവൻ, ദിവ്യാ നായർ, സോനു എന്നിവരും പ്രധാന വേഷങ്ങളിലുണ്ട്.
തിരക്കഥ - നിഖിൽ ആനന്ദ്. ഗാനങ്ങൾ. - സന്തോഷ് വർമ്മ - ഹരിതാ നാരായണൻ, സംഗീതം-കൈലാസ് മേനോൻ, ഛായാഗ്രഹണം- ജാക്സൻ ജോൺസൺ, എഡിറ്റിംഗ് - എ.ആർ. അഖിൽ. കലാസംവിധാനം - ബോബൻ. കോസ്റ്റ്യും - ഡിസൈൻ - ലിജി പ്രേമൻ. ചീഫ് അസോസിയേറ്റ് ഡയറക്ടർ- മനു സുധാകർ. ഓഫീസ് നിർവഹണം - ദില്ലി ഗോപൻ.
പ്രൊഡക്ഷൻ എക്സിക്കുട്ടീവ്സ് - പ്രതാപൻ കല്ലിയൂർ, ഷെറിൻ സ്റ്റാൻലി, പ്രൊഡക്ഷൻ കൺട്രോളർ സഞ്ജു ജെ. ജയലഷ്മി ഫിലിംസിന്റെ ബാനറിൽ കെ. രാധാകൃഷ്ണൻ നിർമിക്കുന്ന ഈ ചിത്രത്തിന്റെ നിർമാണ പ്രവർത്തനങ്ങൾ പൂർത്തിയായി വരുന്നു. ഓഗസ്റ്റ് ഒൻപതിന് ചിത്രം തിയറ്ററുകളിലെത്തും. പിആർഒ- വാഴൂർ ജോസ്. ഫോട്ടോ - ഹരി തിരുമല.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.