മഞ്ഞുമ്മൽ ബോയ്സ് എന്ന ചിത്രത്തിന്റെ വിഎഫ്എക്സ് രംഗങ്ങൾ പുറത്തുവിട്ട് അണിയറപ്രവർത്തകർ. ഭാഷയ്ക്കപ്പുറം വലിയ വിജയം നേടിയ ചിത്രത്തിന്റെ യഥാർഥ ദൃശ്യങ്ങളും വിഷ്വൽ എഫക്ടും സംയോജിപ്പിച്ചൊരുക്കിയ ഗംഭീര അനുഭവമാണ് സിനിമയിൽ പ്രേക്ഷകർ അനുഭവിച്ചത്.
സിനിമയ്ക്കായി ഗുണ കേവ്സ് പെരുമ്പാവൂരിൽ സെറ്റിട്ടത് പ്രേക്ഷകരുടെ കയ്യടി നേടിയിരുന്നു. പ്രൊഡക്ഷൻ ഡിസൈനർ അജയൻ ചാലിശേരി ഒരുക്കിയ സെറ്റിനെ എങ്ങനെയാണ് വിഎഫ്എക്സ് ടീം യഥാർഥ കാഴ്ചകളായി ഒരുക്കിയത് എങ്ങനെയെന്നാണ് വീഡിയോയിൽ വ്യക്തമാകുന്നത്. എഗ്വൈറ്റ് വിഎഫ്എക്സാണ് ചിത്രത്തിനായി ഈ മായക്കാഴ്ചകൾ ഒരുക്കിയത്.
ഗുണ കേവ്സിനകത്തും പുറത്തുമുള്ള സീനുകൾ, മഴയിലെ രംഗങ്ങൾ എന്നിങ്ങനെ യഥാർഥത്തിൽ ഷൂട്ട് ചെയ്തതും വിഎഫ്എക്സ് വഴി പൂർണതയിലേക്കെത്തിച്ചതുമായ പ്രക്രിയ ലളിതമായി വിഎഫ്എക്സ് ബ്രേക്ക്ഡൗൺ വീഡിയോയിൽ കാണാം.
നല്ല പോലെ പണി അറിയുന്നവരാണ് ഇതു ചെയ്തതെന്നാണ് വീഡിയോയ്ക്കു വരുന്ന കമന്റുകൾ. മലയാളം പോലെ പരിമിതമായ ബജറ്റിൽ ഇത്രയും പൂർണതയോടെ വിഎഫ്എക്സ് ചെയ്ത ടീമിന് വലിയ അഭിനന്ദനങ്ങളാണ് സമൂഹമാധ്യമങ്ങളിൽ നിന്നു ലഭിക്കുന്നത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.