സുരേഷ് ഗോപിക്ക് ആദ്യ വിവാഹ ക്ഷണക്കത്ത് നൽകി നടി ശ്രീവിദ്യ മുല്ലച്ചേരിയും പ്രതിശ്രുത വരൻ രാഹുൽ രാമചന്ദ്രനും. തൃശൂരിലെ സുരേഷ് ഗോപിയുടെ വസതിയിലെത്തിയാണ് ഇരുവരും വിവാഹം നേരിട്ട് ക്ഷണിച്ചത്. സുരേഷ് ഗോപിയുമായി വളരെ നാളുകളായി ആത്മബന്ധം പുലർത്തുന്നവർ കൂടിയാണ് ഇവർ.
ക്ഷണക്കത്ത് ആദ്യം സുരേഷ് ഗോപിക്കു കൊടുത്ത് അനുഗ്രഹം വാങ്ങണമെന്നത് തങ്ങളുടെ വലിയ ആഗ്രഹമായിരുന്നുവെന്ന് യൂട്യൂബ് ചാനലിൽ പങ്കുവച്ച വീഡിയോയിൽ രാഹുലും ശ്രീവിദ്യയും പറഞ്ഞു.
കാൽ തൊട്ട് അനുഗ്രഹം വാങ്ങണമെന്നായിരുന്നു ആഗ്രഹം, എന്നാൽ അത് കല്യാണത്തിനു മതിയെന്ന് സുരേഷ് സാർ പറഞ്ഞതോടെ ഞാനും അത് അങ്ങനെ മതിയെന്ന് തീരുമാനിക്കുകയായിരുന്നുവെന്ന് ശ്രീവിദ്യ പറഞ്ഞു. സുരേഷ് ഗോപിക്കൊപ്പം ഭക്ഷണവും കഴിച്ച ശേഷമാണ് ശ്രീവിദ്യയും രാഹുലും മടങ്ങിയത്.
സെപ്റ്റംബര്‍ എട്ടിന് രാവിലെ 11:20 നും 11:50 നും ഇടയിലുള്ള മുഹൂര്‍ത്തത്തില്‍ എറണാകുളത്ത് വച്ചാണ് വിവാഹം.
സംവിധായകൻ, തിരക്കഥാകൃത്ത് എന്നീ നിലകളിൽ ശ്രദ്ധേയനാണ് രാഹുൽ. 2019ൽ പുറത്തിറങ്ങിയ ജീം ബൂം ബാ ആണ് ആദ്യമായി സംവിധാനം ചെയ്ത ചിത്രം. രാഹുലിന്‍റെ അടുത്ത സിനിമയിൽ സുരേഷ് ഗോപിയാണ് നായകൻ.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.