ഗുരുവായൂരന്പലനടയിൽ സിനിമയിലെ ഗുരുവായൂർ ക്ഷേത്രവും പരിസരവും എങ്ങനെയാണ് ഷൂട്ട് ചെയ്തതെന്ന സംശയമായിരുന്നു ചിത്രം കണ്ടിറങ്ങിയ പ്രേക്ഷകർക്ക് തോന്നിയത്. ചിത്രത്തിനൊപ്പം തന്നെ കൈയടി നേടുകയാണ് ചിത്രത്തിനായി സെറ്റിട്ടു നിർമിച്ചെടുത്ത ഗുരുവായൂർ അന്പലത്തിന്റെ മാതൃകയിലുള്ള ഈ അന്പലനടയും.
പൃഥ്വിരാജ്-ബേസിൽ ജോസഫ് കോംബോയിൽ പുറത്തിറങ്ങിയ ചിത്രത്തിന്റെ പ്രധാന ലൊക്കേഷനുകളിലൊന്ന് ഗുരുവായൂർ അന്പലമായിരുന്നു. ഇപ്പോഴിതാ ഗുരുവായൂർ സെറ്റ് നിർമാണത്തിന്റെ മേക്കിംഗ് വീഡിയോ പുറത്തുവിട്ടിരിക്കുകയാണ് പൃഥ്വിരാജ്.
കണ്ടാൽ തൊഴുതു പോകുന്ന സെറ്റിന് പിന്നിലെ സെറ്റപ്പ് ഇതാണ് എന്ന തലക്കെട്ടോടെയാണ് സെറ്റ് നിർമാണ വീഡിയോ പങ്കുവച്ചിരിക്കുന്നത്. വെറും 45 ദിവസം കൊണ്ട് ഒറിജിനലിനോട് കിട പിടിക്കുന്ന സെറ്റ് ഒരുക്കിയതിന്റെ ക്രെഡിറ്റ് കലാസംവിധായകനായ സുനിൽ കുമാരനാണ്.
നാലു കോടിയോളം മുടക്കിയാണ് ഗുരുവായൂര് അമ്പലത്തിന്റെ സെറ്റ് തീര്ത്തത്. വിപിന് ദാസ് സംവിധാനം ചെയ്ത ചിത്രം പൃഥ്വിരാജ് പ്രൊഡക്ഷന്സിന്റെ ബാനറില് സുപ്രിയ മേനോനും ഇ4 എന്റര്ടൈന്മെന്റിന്റെ ബാനറില് മുകേഷ് ആര്. മേത്ത, സി.വി. സാരഥി എന്നിവര് ചേര്ന്നാണ് നിര്മിച്ചിരിക്കുന്നത്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.