"ഒരു ഭാരതസര്ക്കാര് ഉത്പന്നം' എന്ന സിനിമയുടെ പേര് മാറ്റണമെന്ന് നിര്ദേശിച്ച് സെന്സര് ബോര്ഡ്. സിനിമയുടെ പേരില് "ഭാരതം' എന്ന് ഉപയോഗിക്കരുതെന്ന് കാട്ടിയാണ് നിര്ദേശം. പേര് മാറ്റിയില്ലെങ്കില് പ്രദര്ശനാനുമതി നല്കികൊണ്ടുള്ള സര്ട്ടിഫിക്കറ്റ് അനുവദിക്കില്ലെന്നും സെൻസർ ബോർഡ് വ്യക്തമാക്കിയിട്ടുണ്ട്.
അടുത്തിടെ ചിത്രത്തിന്റെ ട്രെയിലർ പുറത്തുവിട്ടിരുന്നു. സമൂഹമാധ്യമങ്ങളിൽ തരംഗമായ ട്രെയിലർ പിൻവലിക്കണമെന്നും അണിയറ പ്രവർത്തകർക്ക് നിർദ്ദേശം ലഭിച്ചിട്ടുണ്ട്. സെൻസർ ബോർഡ് നിർദ്ദേശത്തിന്റെ അടിസ്ഥാനത്തിൽ ചിത്രത്തിന്റെ പേര് മാറ്റുമെന്ന് അണിയറപ്രവർത്തകർ വ്യക്തമാക്കിയിട്ടുണ്ട്.
ഭവാനി പ്രൊഡക്ഷന്സിന്റെ ബാനറില് നിസാം റാവുത്തര് രചന നിർവഹിച്ച് ടി.വി. രഞ്ജിത്ത് സംവിധാനം ചെയ്യുന്ന ചിത്രമാണ് "ഒരു ഭാരത സര്ക്കാര് ഉത്പന്നം'. സുബീഷ് സുധിയാണ് ചിത്രത്തിലെ നായകൻ. നായിക ഷെല്ലി.
അജു വര്ഗീസ്, ജാഫര് ഇടുക്കി, വിനീത് വാസുദേവന്, ദര്ശന നായര്, ജോയ് മാത്യു, ലാല് ജോസ്, വിജയ് ബാബു, ഹരീഷ് കണാരന് തുടങ്ങിയവരും ചിത്രത്തിന്റെ താരനിരയിലുണ്ട്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.