50 കോടി ക്ലബ്ബിൽ ഇടം നേടി മമ്മൂട്ടിയുടെ ഭ്രമയുഗം. ഫെബ്രുവരി 15ന് റിലീസ് ചെയ്ത ചിത്രം പത്തു ദിവസം കൊണ്ടാണ് 50 കോടി ക്ലബ്ബിൽ കയറിയത്. രാഹുല് സദാശിവനാണ് ചിത്രം സംവിധാനം ചെയ്തിരിക്കുന്നത്.
തുടര്ച്ചയായ മൂന്ന് വര്ഷം 50 കോടി കളക്ഷന് നേടിയ ആദ്യമലയാള നടന് എന്ന റിക്കാര്ഡാണ് മമ്മൂട്ടി സ്വന്തം പേരില് ചേര്ത്തത്. 2023ല് റിലീസ് ചെയ്ത കണ്ണൂര് സ്ക്വാഡും 2022ല് റിലീസ് ചെയ്ത ഭീഷ്മ പര്വവും 50 കോടി ക്ലബ്ബിലെത്തിയിരുന്നു.
ഒപ്പം ഇന്ത്യന് സിനിമയില് തന്നെ 50 കോടി നേടിയ ആദ്യ ബ്ലാക്ക് ആന്ഡ് വൈറ്റ് ചിത്രം എന്ന അപൂര്വത കൂടി ഭ്രമയുഗത്തിനുണ്ട്.
കൊടുമൺ പോറ്റിയുടെ പിന്നിലെ നിഗൂഢതയും അയാളുടെ മാന്ത്രികതയുമാണ് ഭ്രമയുഗത്തിന്റെ ഉള്ളടക്കം. പാണനായി എത്തുന്ന അർജുൻ അശോകനും കൊടുമൺ പോറ്റിയുടെ ജോലിക്കാരനായി വരുന്ന സിദ്ധാർഥ് ഭരതനും കയ്യടിപ്പിക്കുന്ന പ്രകടനം കാഴ്ച വയ്ക്കുന്നു.
അമാൽഡ ലിസ്, മണികണ്ഠൻ എന്നിവരാണ് മറ്റു താരങ്ങൾ. ഭൂതകാലം എന്ന ഹൊറർ ചിത്രത്തിലൂടെ ശ്രദ്ധേയനായ രാഹുൽ സദാശിവൻ സംവിധാനം ചെയ്യുന്ന രണ്ടാമത്തെ ചിത്രമാണ് ഭ്രമയുഗം.
വൈ നോട്ട് സ്റ്റുഡിയോസും നൈറ്റ് ഷിഫ്റ്റ് സ്റ്റുഡിയോസും ആദ്യമായി നിര്മിക്കുന്ന മലയാള ചിത്രം കൂടിയാണിത്. ഹൊറർ ത്രില്ലർ സിനിമകൾക്കു മാത്രമായി ആരംഭിച്ചിരിക്കുന്ന പ്രൊഡക്ഷൻ ഹൗസ് ആണ് നൈറ്റ് ഷിഫ്റ്റ് സ്റ്റുഡിയോസ്.
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.