Cinema
ഹോളിവുഡ് മികവുള്ള ജിത്തു ഫ്രെയിമുകൾ
Saturday, October 21, 2017 9:36 PM IST
കാ​ലം ചെ​ല്ലു​ന്തോ​റും പ്രേ​ക്ഷ​ക​രു​ടെ അ​ഭി​രു​ചി​ക​ൾ മാ​റി​ക്കൊ​ണ്ടി​രി​ക്കും. ഇ​തി​ന് അ​നു​സൃ​ത​മാ​യി മ​ല​യാ​ള സി​നി​മ​യ്ക്ക് പ​രി​ചി​ത​മ​ല്ലാ​ത്ത ക​ഥാ​വ​ഴി​യി​ലൂ​ടെ​യും പ​ശ്ചാ​ത്ത​ല​ത്തി​ലൂ​ടെ​യും സ​ഞ്ച​രി​ച്ച് സി​നി​മ​യൊ​രു​ക്കു​ക​യാ​ണു പു​തി​യ ത​ല​മു​റ​യി​ലെ ചെ​റു​പ്പ​ക്കാ​ർ. ജി​നു ഏ​ബ്ര​ഹാം സം​വി​ധാ​നം​ചെ​യ്ത പൃ​ഥ്വി​രാ​ജ് ചി​ത്രം ആ​ദം ജോ​ണ്‍ ഈ ​വി​ഭാ​ഗ​ത്തി​ൽ​പ്പെ​ടു​ന്ന ഒ​രു ചി​ത്ര​മാ​ണ്. സ്കോ​ട്‌ലൻ​ഡ് ക​ഥാ​പ​ശ്ചാ​ത്ത​ല​മാ​യി തെ​ര​ഞ്ഞെ​ടു​ത്ത ഈ ​ചി​ത്രം പാ​ശ്ചാ​ത്യ​സം​സ്കാ​ര​ത്തി​ന്‍റെ നേ​ർ​ക്കാ​ഴ്ച​ക​ളാ​യി പ്രേ​ക്ഷ​ക​ർ​ക്ക് അ​നു​ഭ​വ​പ്പെ​ട്ടു. ക​ഥ​യ്ക്ക​നു​യോ​ജ്യ​മാ​യ​വി​ധം സ്കോ​ട്‌ല​ൻ​ഡി​ന്‍റെ നി​ഗൂ​ഢ​സൗ​ന്ദ​ര്യം ഒ​പ്പി​യെ​ടു​ത്ത കാ​മ​റാ​മാ​ൻ ജി​ത്തു ദാ​മോ​ദ​ർ ഹോ​ളി​വു​ഡ് മി​ക​വു​ള്ള കാ​ഴ്ച​യാ​ണ് പ്രേ​ക്ഷ​ക​നു സ​മ്മാ​നി​ച്ചി​രി​ക്കു​ന്ന​ത്.




പാ​ല​ക്കാ​ട് സ്വ​ദേ​ശി​യാ​യ ജി​ത്തു​വി​ന് മ​ല​യാ​ള സി​നി​മ​യി​ൽ തി​ര​ക്കേ​റി വ​രു​ക​യാ​ണ്. പ​ഴ​മ​യും പു​തു​മ​യും ഒ​രു​പോ​ലെ സ​ന്നി​വേ​ശി​പ്പി​ച്ചു മി​ക​ച്ച ദൃ​ശ്യാ​നു​ഭ​വം സ​മ്മാ​നി​ക്കാ​ൻ ക​ഴി​വു​ള്ള ഛായാ​ഗ്രാ​ഹ​ക​നാ​ണ് ജി​ത്തു​വെ​ന്ന് അ​ദ്ദേ​ഹ​ത്തി​ന്‍റെ ചി​ത്ര​ങ്ങ​ൾ തെ​ളി​യി​ക്കു​ന്നു.
എ​സ്. കു​മാ​ർ, അ​ഴ​ക​പ്പ​ൻ തു​ട​ങ്ങി​യ പ്ര​ഗ​ത്ഭ​രാ​യ ഛായാ​ഗ്രാ​ഹ​ക​രു​ടെ​യൊ​പ്പം പ്ര​വ​ർ​ത്തി​ച്ച​തി​നു​ശേ​ഷം "വീ​ണ്ടും ക​ണ്ണൂ​ർ' എ​ന്ന പൊ​ളി​റ്റി​ക്ക​ൽ ത്രി​ല്ല​ർ ചി​ത്ര​ത്തി​ലൂ​ടെ 2012-ലാ​ണ് ജി​ത്തു ഛായാ​ഗ്രാ​ഹ​ക​നാ​യി സി​നി​മ​യി​ൽ അ​ര​ങ്ങേ​റി​യ​ത്. അ​നൂ​പ് മേ​നോ​ൻ നാ​യ​ക​നാ​യ ഈ ​ചി​ത്രം സം​വി​ധാ​നം ചെ​യ്ത​ത് കെ.​കെ. ഹ​രി​ദാ​സാ​ണ്. തു​ട​ർ​ന്നു രാ​ജീ​വ് നാ​ഥ് ചി​ത്ര​മാ​യ ഡേ​വി​ഡ് ആ​ൻ​ഡ് ഗോ​ലി​യാ​ത്ത് എ​ന്ന ജ​യ​സൂ​ര്യ​ചി​ത്ര​ത്തി​നു​വേ​ണ്ടി പ്ര​വ​ർ​ത്തി​ച്ചു. വാ​ഗ​മ​ണ്ണി​ന്‍റെ ദൃ​ശ്യ​ഭം​ഗി അ​തി​മ​നോ​ഹ​ര​മാ​യി വെ​ള്ളി​ത്തി​ര​യി​ലെ​ത്തി​ച്ച ചി​ത്ര​മാ​യി​രു​ന്നു ഇ​ത്.



ന​വാ​ഗ​ത​നാ​യ അ​ൻ​വ​ർ സാ​ദി​ഖ് സം​വി​ധാ​നം ചെ​യ്ത ഓ​ർ​മ​യു​ണ്ടോ ഈ ​മു​ഖം എ​ന്ന ചി​ത്ര​ത്തി​നു​വേ​ണ്ടി​യാ​ണ് തു​ട​ർ​ന്ന് ജി​ത്തു പ്ര​വ​ർ​ത്തി​ച്ച​ത്. വി​നീ​ത് ശ്രീ​നി​വാ​സ​നും ന​മി​താ പ്ര​മോ​ദും കേ​ന്ദ്ര​ക​ഥാ​പാ​ത്ര​ങ്ങ​ളെ അ​വ​ത​രി​പ്പി​ച്ച ഈ ​സി​നി​മ​യ്ക്കു​വേ​ണ്ടി പി​ക്ച​ർ പെ​ർ​ഫെ​ക്ടാ​യ ലൊ​ക്കേ​ഷ​നു​ക​ളാ​ണ് തെ​ര​ഞ്ഞെ​ടു​ത്തി​രു​ന്ന​ത്. അ​ജി ജോ​ണ്‍ സം​വി​ധാ​നം ചെ​യ്ത ജ​യ​സൂ​ര്യ- അ​നൂ​പ് മേ​നോ​ൻ ചി​ത്രം ഹോ​ട്ട​ൽ കാ​ലി​ഫോ​ർ​ണി​യ, അ​നി​ൽ സി. ​മേ​നോ​ൻ ഒ​രു​ക്കി​യ ല​ണ്ട​ൻ ബ്രി​ഡ്ജ് എ​ന്നീ ചി​ത്ര​ങ്ങ​ളു​ടെ ദൃ​ശ്യ​ഭം​ഗി​ക്കു പി​ന്നി​ലും ഇ​ദ്ദേ​ഹം​ത​ന്നെ. ദീ​പ​ൻ സം​വി​ധാ​നം​ചെ​യ്ത ഡോ​ൾ​ഫി​ൻ​സ് എ​ന്ന അ​നൂ​പ് മേ​നോ​ൻ ചി​ത്ര​വും ജി​ത്തു കാ​മ​റ നി​യ​ന്ത്രി​ച്ച​താ​ണ്. ആ​ഡം​ബ​ര​പൂ​ർ​ണ​മാ​യ പ​ശ്ചാ​ത്ത​ല​ത്തി​ലു​ള്ള ചി​ത്രീ​ക​ര​ണ​ത്തി​ലൂ​ടെ ഈ ​ചി​ത്ര​ങ്ങ​ളൊ​ക്കെ ന​യ​നാ​ന്ദ​ക​ര​മാ​ക്കി മാ​റ്റാ​ൻ ജി​ത്തു​വി​നു സാ​ധി​ച്ചു.




ഷി​ബു ഗം​ഗാ​ധ​ര​ൻ സം​വി​ധാ​നം ചെ​യ്ത സു​രേ​ഷ് ഗോ​പി ചി​ത്രം രു​ദ്ര​സിം​ഹാ​സ​നം പാ​ല​ക്കാ​ട്ടെ കി​ഴ​ക്ക​ൻ പ്ര​ദേ​ശ​മാ​യ കാ​വ​ശേ​രി​യി​ലെ ഒ​രു ത​റ​വാ​ട്ടി​ലാ​ണ് ചി​ത്രീ​ക​രി​ച്ച​ത്. സ്വ​ർ​ണ​വ​ർ​ണ​ത്തി​ൽ നെ​ൽ​ക്ക​തി​രു​ക​ൾ സ​മൃ​ദ്ധ​മാ​യി വി​ള​ഞ്ഞു​കി​ട​ക്കു​ന്ന വി​ശാ​ല​മാ​യ പാ​ട​ശേ​ഖ​ര​ങ്ങ​ളു​ടെ ന​ടു​വി​ലു​ള്ള കാ​വ​ശേ​രി ത​റ​വാ​ടും പ​ശ്ചാ​ത്ത​ല​വും മ​നോ​ഹാ​രി​ത ന​ഷ്ട​പ്പെ​ടാ​തെ ജി​ത്തു ത​ന്‍റെ കാ​മ​റ​യി​ൽ പ​ക​ർ​ത്തി. തു​ട​ർ​ന്ന് എം. ​മോ​ഹ​ന​ൻ സം​വി​ധാ​നം ചെ​യ്ത മൈ ​ഗോ​ഡ് എ​ന്ന ചി​ത്ര​ത്തി​നു​വേ​ണ്ടി​യും ജി​ത്തു കാ​മ​റ ച​ലി​പ്പി​ച്ചു.



ജ​യ​റാ​മി​നെ നാ​യ​ക​നാ​ക്കി ക​ണ്ണ​ൻ താ​മ​ര​ക്കു​ളം സം​വി​ധാ​നം ചെ​യ്ത ആ​ടു​പു​ലി​യാ​ട്ടം ജി​ത്തു​വി​ന്‍റെ ക​രി​യ​ർ ബെ​സ്റ്റ് ഫി​ലി​മു​ക​ളി​ലൊ​ന്നാ​ണ്. അ​റു​നൂ​റു വ​ർ​ഷ​ങ്ങ​ൾ​ക്കു​മു​ന്പ് ന​ട​ന്നു​വെ​ന്നു വി​ശ്വ​സി​ക്കു​ന്ന കാ​ൽ​പ​നി​ക ക​ഥ​യു​ടെ ചു​വ​ടു​പി​ടി​ച്ചാ​ണ് ആ​ടു​പു​ലി​യാ​ട്ടം ത​യാ​റാ​ക്കി​യ​ത്. കാ​ടി​ന്‍റെ വ​ശ്യ​മ​നോ​ഹാ​രി​ത​യി​ൽ ചി​ത്രീ​ക​രി​ച്ച ആ​ദ്യ​ഭാ​ഗ​വും ഹൊ​റ​ർ പ​ശ്ചാ​ത്ത​ല​ത്തി​ൽ ഒ​രു​ക്കി​യ ര​ണ്ടാം​ഭാ​ഗ​വും പ്രേ​ക്ഷ​ക​ർ​ക്ക് ദൃ​ശ്യ​വി​രു​ന്നാ​യി. തൊ​ടു​പു​ഴ​യി​ലും പ​ള​നി​യി​ലു​മാ​യാ​ണ് ചി​ത്ര​ത്തി​ന്‍റെ ഏ​റി​യ പ​ങ്കും ഷൂ​ട്ട് ചെ​യ്ത​ത്.

ര​ഞ്ജി​ത് ശ​ങ്ക​ർ തി​ര​ക്ക​ഥ​യെ​ഴു​തി സം​വി​ധാ​നം​ചെ​യ്തു ജ​യ​സൂ​ര്യ നാ​യ​ക​നാ​യ പ്രേ​ത​ത്തി​ന്‍റെ ഛായാ​ഗ്രാ​ഹ​ക​നും ജി​ത്തു​വാ​ണ്. ന​ർ​മ്മ​ത്തി​ൽ ചാ​ലി​ച്ച ഈ ​ഹൊ​റ​ർ ചി​ത്രം ചെ​റാ​യി ബീ​ച്ചി​ലും പ​രി​സ​ര​ങ്ങ​ളി​ലു​മാ​യാ​ണു ചി​ത്രീ​ക​രി​ച്ച​ത്.

ക​ഥ​യും ക​ഥാ​പാ​ത്ര​ങ്ങ​ളും അ​വ​യു​ടെ പ​ശ്ചാ​ത്ത​ല​വും എ​ന്തു​ത​ന്നെ​യാ​യാ​ലും അ​വ​യൊ​ക്കെ മ​നോ​ഹ​ര​ങ്ങ​ളാ​യ ദൃ​ശ്യ​ങ്ങ​ളി​ലൂ​ടെ ആ​വാ​ഹി​ച്ച്, പ്രേ​ക്ഷ​ക​രു​ടെ മ​ന​സ് ക​വ​രാ​നാ​ണ് ജി​ത്തു​വി​ന്‍റെ ശ്ര​മം.

ത​യാ​റാ​ക്കി​യ​ത്: സാ​ലു ആ​ന്‍റ​ണി
Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.