പാലാ : ഫാ. ജോസഫ് തുരുത്തിയിൽ
കടപ്ലാമറ്റം തുരുത്തിയിൽ പരേതരായ ജോസഫ് ചാക്കോമറിയാമ ദമ്പതികളുടെ മകനും ജബൽപുർ രൂപത വൈദികനുമായ ഫാ. ജോസഫ് തുരുത്തിയിൽ (78) അന്തരിച്ചു. സംസ്കാരശുശ്രുഷകൾ വ്യാഴാഴ്ച രാവിലെ 10ന് രൂപത മുൻ ബിഷപ് ജെറാൾഡ് അൽമെഡയുടെ മുഖ്യകർമികത്വത്തിൽ ബിഷപ്പ്സ് ഹൗസിൽ ആരംഭിക്കുകയും സെന്റ് പീറ്റർ ആൻഡ് പോൾ കത്തീഡ്രലിൽ സംസ്കാരം നടക്കുകയും ചെയ്യും.
1973 ഒക്ടോബർ 13ന് പൗരോഹിത്യം സ്വീകരിച്ച ഫാ. ജോസഫ്, ജബൽപുർ രൂപതയിലെ മണ്ടല, ഷാഡോൾ, നേപ്പിയർ ടൗൺ, കുറേല, ബിച്ചിയ എന്നിവിടങ്ങളിൽ സഹവികാരിയായും ലാലിപുർ, ചാബി, മോട്ടിനാല, ബിച്ചിയ ഫൊറോന എന്നിവിടങ്ങളിൽ വികാരിയായും കാട്നി സെന്റ് പോൾസ് സ്കൂൾ വൈസ് പ്രിൻസിപ്പൽ, ജബൽപുർ സെന്റ് തോമസ് ഹയർ സെക്കൻഡറി സ്കൂൾ വൈസ് പ്രിൻസിപ്പൽ, പ്രിൻസിപ്പൽ എന്നീ നിലകളിലും പ്രവർത്തിച്ചിട്ടുണ്ട്.
സഹോദരങ്ങൾ: പരേതയായ എലിക്കുട്ടി ദേവസ്യാ ഉറുമ്പേൽ (പൂഞ്ഞാർ), റ്റി.ജെ. ചാക്കോ തുരുത്തിയിൽ (കടപ്ലാമറ്റം), അന്നമ്മ ജോസഫ് പാലിക്കത്തറ (കുമരകം), സി. സരിത തുരുത്തിയിൽ സെന്റ്. ജോസഫ്സ് കോൺവെന്റ് (ജബൽപ്പുർ), റവ. ഫാ. അബ്രാഹം തുരുത്തിയിൽ (പാലാ രൂപത), സി. ലിസ്യു തുരുത്തിയിൽ എസ്.എച്ച്. കോൺവെന്റ് (വെള്ളിലാപ്പിള്ളി ). സഹോദരപുത്രൻ : ഫാ. സോമി ജേക്കബ് തുരുത്തിയിൽ (ജബൽപ്പൂർ രൂപത).