കൊച്ചി : ഫാ. ജോർജ് കരിന്തോളിൽ എംസിബിഎസ്
ദിവ്യകാരുണ്യമിഷനറി സന്ന്യാസ സമൂഹം (എംസിബിഎസ്) മുൻ ജനറാളും ധ്യാനഗുരുവുമായിരുന്ന ഫാ. ജോർജ് കരിന്തോളിൽ (71) അന്തരിച്ചു. സംസ്കാരം ശനിയാഴ്ച രാവിലെ 9.30ന് കാലടി താന്നിപ്പുഴയിലെ ദിവ്യകാരുണ്യ ധ്യാനകേന്ദ്രത്തിൽ (പരംപ്രസാദ് പ്രൊവിൻഷ്യാൽ ഹൗസ്). കൊടുവേലി കരിന്തോളിൽ വർക്കി ത്രേസ്യാമ്മ ദന്പതികളുടെ മകനാണ്.
1978ൽ പൗരോ ഹിത്യം സ്വീകരിച്ചു. തൃശൂർ അതിരൂപതയിലെ പുതുക്കാട് ഇടവകയിൽ അസി. വികാരി, എംസിബിഎസിന്റെ കൊല്ലാട് മൈനർ സെമിനാരി, ആലുവ സ്റ്റഡി ഹൗസ്, ഇല്ലിത്തോട് സന്നിധാന ആശ്രമം, അതിരമ്പുഴ ലിസ്യു മൈനർ സെമിനാരി, കരിമ്പാനി ദിവ്യകാരുണ്യ ആശ്രമം, താന്നിപ്പുഴ ദിവ്യകാരുണ്യ ധ്യാനകേന്ദ്രം എന്നിവിടങ്ങളിൽ സേവനം ചെയ്തു.
ധ്യാനപ്രസംഗത്തിലൂടെയും ആത്മീയ കൗൺസിലിംഗിലൂടെയും അനേകർക്ക് ആത്മീയവെളിച്ചമേകിയ വൈദികനായിരുന്നു ഫാ. കരിന്തോളിൽ. സഹോദരങ്ങൾ: ജോളി ജോർജ് എറണാകുളം, ബാബു വർഗീസ് കൊടുവേലി, ബെന്നി വർഗീസ് കോൽക്കത്ത, സിസി ജോസ് ചിറ്റിലപ്പള്ളി ഇരിഞ്ഞാലക്കുട, സാലി എമ്മാനുവേൽ വെട്ടുകല്ലുംപുറത്ത്, വാഴക്കുളം, സിൽവി ജോർജ് ഓണാട്ടുകുന്നേൽ മേരികുളം.
മൃതദേഹം വെള്ളിയാഴ്ച ഉച്ചകഴിഞ്ഞ് രണ്ടിനു ചുണങ്ങംവേലിയിലുള്ള എംസിബിഎസ് ജനറലേറ്റിലെത്തിക്കും. 3.30 വരെ ഇവിടെയും 4.45 മുതൽ താന്നിപ്പുഴയിലെ പ്രൊവിൻഷ്യാൽ ഹൗസിലും പൊതുദർശനം.