ഉരുൾപൊട്ടൽ ; തിരിച്ചറിയാത്ത മൃതദേഹങ്ങൾ പൊതുശ്മശാനങ്ങളില് സംസ്കരിക്കും
Friday, August 2, 2024 4:47 PM IST
കൽപ്പറ്റ : ചൂരൽമലയിലും മേപ്പാടിയിലും ഉരുൾപൊട്ടലിൽ മരിച്ചവരില് തിരിച്ചറിയാത്തവരുടെ മൃതദേഹങ്ങൾ പൊതുശ്മശാനങ്ങളില് സംസ്കരിക്കും. തിരിച്ചറിയാന് കഴിയാത്ത 74 മൃതദേഹങ്ങളാണ് മേപ്പാടി പഞ്ചായത്തിലെ വിവിധ ആശുപത്രികളിൽ സൂക്ഷിച്ചിരിക്കുന്നത്.
കല്പ്പറ്റ നഗരസഭ, വൈത്തിരി, മുട്ടില്, കണിയാമ്പറ്റ, പടിഞ്ഞാറത്തറ, തൊണ്ടര്നാട്, എടവക, മുള്ളന്കൊല്ലി പഞ്ചായത്തുകളിലാണ് സംസ്കാരത്തിനുള്ള സൗകര്യം ഒരുക്കിയത്. മൃതദേഹങ്ങള് ബന്ധപ്പെട്ട തദ്ദേശസ്ഥാപന സെക്രട്ടറിമാര്ക്ക് കൈമാറി നടപടികള് പൂര്ത്തിയാക്കും.
മൃതശരീരങ്ങളുടെ സൂക്ഷിപ്പ്, കൈമാറ്റം, സംസ്കാരം എന്നിവക്ക് രജിസ്ട്രേഷന് വകുപ്പ് ഐജി ശ്രീധന്യ സുരേഷിനെ നോഡല് ഓഫീസറായി ചുമതലപ്പെടുത്തിയിട്ടുണ്ട്. ഉരുൾപൊട്ടലിൽ കാണാതായവർക്കായി സൈന്യത്തിന്റെയും രക്ഷാപ്രവർത്തരുടെയും നേതൃത്വത്തിൽ തിരച്ചിൽ തുടരുകയാണ്.