ജാർഖണ്ഡിൽ 18 ബിജെപി എംഎൽഎമാരെ സസ്പെൻഡ് ചെയ്തു
Friday, August 2, 2024 4:06 PM IST
റാഞ്ചി: ജാർഖണ്ഡിലെ 18 ബിജെപി എംഎൽഎമാരെ നിയമസഭയിൽനിന്നു സസ്പെൻഡ് ചെയ്തു. സഭയിൽനിന്നു പുറത്തുപോകാൻ വിസമ്മതിച്ചതിനെ തുടർന്ന് മാർഷലുകൾ അവരെ പുറത്താക്കുകയും ചെയ്തു.
കഴിഞ്ഞ ദിവസം പ്രതിപക്ഷ എംഎൽഎമാരെ മാർഷലുകളെ ഉപയോഗിച്ച് പുറത്താക്കിയതിലും മുഖ്യമന്ത്രി ഹേമന്ത് സോറൻ അവരുടെ ചോദ്യങ്ങൾക്ക് മറുപടി നൽകാൻ വിസമ്മതിച്ചതിലും പ്രതിഷേധിച്ചായിരുന്നു സഭയിൽ ബഹളം ഉണ്ടായത്.
തുടർന്നാണ് സ്പീക്കർ രബീന്ദ്ര നാഥ് മഹ്തോ ബിജെപി അംഗങ്ങൾക്കെതിരേ നടപടിയെടുത്തത്.