പുഴയിൽ തെരച്ചിലിന് മുങ്ങൽ വിദഗ്ധരുടെ സഹായം തേടി പോലീസ്
Friday, August 2, 2024 2:34 PM IST
കോഴിക്കോട്: ഇരവഴിഞ്ഞി പുഴയിലും ചാലിയാർ പുഴയിലും വയനാട് ദുരന്തത്തിൽപ്പെട്ടവരുടെ മൃതദേഹങ്ങൾ അവശേഷിക്കുന്നുണ്ടോയെന്ന് കണ്ടെത്താൻ രണ്ടുദിവസം മുക്കം, കോടഞ്ചേരി, തിരുവന്പാടി പോലീസ് സ്റ്റേഷൻ പരിധിയിൽ പുഴയിൽ തെരച്ചിൽ നടത്താൻ പോലീസ്.
ഇതിനായി മുങ്ങൽ വിദഗ്ധരുടെ സഹായം പോലീസ് തേടുന്നു. തയാറുള്ളവർ മേൽപ്പറഞ്ഞ പോലീസ് സ്റ്റേഷനുകളിൽ റിപ്പോർട്ടു ചെയ്യുകയോ താമരശേരി ഡിവൈഎസ്പി പി. പ്രമോദുമായി ഫോണിൽ ബന്ധപ്പെടുകയോ ചെയ്യണം. ഫോണ്: 9497990122.