പൂനെയില് ഗേറ്റ് ഇടിഞ്ഞു വീണ് മൂന്ന് വയസുകാരി മരിച്ചു
Friday, August 2, 2024 1:49 AM IST
പൂനെ: കൂട്ടുകാരുടെ കൂടെ കളിക്കുന്നതിനിടെ ഗേറ്റ് ഇടിഞ്ഞു ദേഹത്തേക്ക് വീണ് മൂന്ന് വയസുകാരി മരിച്ചു. പൂനെയിലെ പിംപ്രി ചിഞ്ച്വാഡിലായിരുന്നു സംഭവം.
ഗിരിജ ഷിന്ദേ എന്ന കുട്ടിയാണ് മരിച്ചത്. ഇരുമ്പ് ഗേറ്റ് ദേഹത്തേയ്ക്ക് മറിഞ്ഞുവീണാണ് ഗിരിജ മരിച്ചത്. ഗുരുതരമായി പരിക്കേറ്റ കുട്ടി സംഭവസ്ഥലത്തു തന്നെ മരിച്ചു.
ഗിരിജയും മൂന്ന് സുഹൃത്തുകളും ഗേറ്റിന് സമീപം കളിക്കുന്നതിനിടെ അപകടമുണ്ടായത്. കൂട്ടത്തിലെ ഒരു കുട്ടി ഗേറ്റ് വലിക്കാന് ശ്രമിക്കുന്നതിനിടെയാണ് ഗേറ്റ് മറിഞ്ഞുവീണത്.