മഹാരാഷ്ട്രയിൽ രാസവസ്തു സ്ഫോടനം; രണ്ട് പേർ മരിച്ചു
Wednesday, February 1, 2023 7:39 PM IST
മുംബൈ: മഹാരാഷ്ട്രയിലെ താനെയിൽ രാസവസ്തു സൂക്ഷിച്ചിരുന്ന പ്ലാസ്റ്റിക് വീപ്പ പൊട്ടിത്തെറിച്ച് ആക്രിക്കച്ചവടക്കാരായ രണ്ട് പേർ മരിച്ചു. ഭിവണ്ടി മേഖലയിൽ ഇന്ന് രാവിലെയാണ് അപകടം സംഭവിച്ചത്.
പഴയ വസ്തുക്കൾ വിൽപ്പനയ്ക്കായി സൂക്ഷിച്ചിരുന്ന ഗോഡൗണിലാണ് സ്ഫോടനം നടന്നത്. വ്യവസായ മേഖലയിൽ സോൾവന്റ് ആയി ഉപയോഗിക്കുന്ന ഡൈഎഥലീൻ ഗ്ലൈക്കോൾ എന്ന രാസവസ്തു സൂക്ഷിച്ചിരുന്ന വീപ്പയിൽ തൊഴിലാളികൾ ഉപേക്ഷിച്ച സിഗരറ്റ് കുറ്റിയിൽ നിന്ന് തീ പടരുകയായിരുന്നു.
സംഭവത്തിൽ വിശദമായ അന്വേഷണം ആരംഭിച്ചതായി പോലീസ് അറിയിച്ചു.