കൊച്ചി: കേരളത്തിലെയും തമിഴ്നാട്ടിലേയും സ്‌കൂളുകള്‍ക്കായി ‘വണ്ടര്‍ലാ’ ഏര്‍പ്പെടുത്തിയിട്ടുള്ള പരിസ്ഥിതി ഊര്‍ജ സംരക്ഷണ അവാര്‍ഡുകള്‍ പ്രഖ്യാപിച്ചു. എക്‌സല്‍ പബ്ലിക് സ്‌കൂള്‍ കുന്നംകുളം (തൃശൂര്‍) ഒന്നാം സ്ഥാനം കരസ്ഥമാക്കി.
പെരുന്ന എസ്എച്ച് ഹയര്‍ സെക്കൻഡറി സ്‌കൂള്‍ (കോട്ടയം), കൂനമ്മാവ് ചാവറ ദര്‍ശന്‍ സിഎംഐ പബ്ലിക് സ്‌കൂള്‍ (എറണാകുളം) എന്നീ സ്‌കൂളുകള്‍ രണ്ടാം സ്ഥാനത്തിനും മധുര എംഎന്‍യുജെഎന്‍ ഹയര്‍ സെക്കൻഡറി സ്‌കൂള്‍ (തമിഴ്നാട്), മുഹമ്മ കെ.ഇ. കാര്‍മല്‍ സെന്‍ട്രല്‍ സ്‌കൂള്‍ (ആലപ്പുഴ), പട്ടം സെന്‍റ് മേരീസ് എച്ച്എസ്എസ് (തിരുവനന്തപുരം) എന്നീ സ്‌കൂളുകള്‍ മൂന്നാം സ്ഥാനത്തിനും അര്‍ഹരായി. മികച്ച നിലവാരം പുലര്‍ത്തിയ 30 സ്‌കൂളുകള്‍ക്ക് പ്രോത്സാഹന സമ്മാനവും പ്രഖ്യാപിച്ചു. ഒന്നും, രണ്ടും, മൂന്നും സ്ഥാനം നേടിയ സ്‌കൂളുകള്‍ക്ക് യഥാക്രമം 50,000, 25,000, 15,000 രൂപയുടെ കാഷ് അവാര്‍ഡും, ട്രോഫിയും, സര്‍ട്ടിഫിക്കറ്റും നല്‍കും.
ഈ വര്‍ഷം മുതല്‍ മികച്ച സ്‌കൂളുകള്‍ക്ക് നല്‍കി വരുന്ന അവാര്‍ഡ് കൂടാതെ, സ്‌കൂളുകളില്‍ പരിസ്ഥിതി ഊര്‍ജ സംരക്ഷണ പ്രവര്‍ത്തനങ്ങള്‍ നടപ്പാക്കുന്നതില്‍ വിദ്യാര്‍ഥികള്‍ക്ക് മാര്‍ഗനിര്‍ദേശം നല്‍കുകയും, വിദ്യാര്‍ഥികളോടൊപ്പം ഈ പ്രവര്‍ത്തനങ്ങളില്‍ പങ്കാളികളാവുകയും ചെയ്യുന്ന മികച്ച അധ്യാപകര്‍ക്കും വണ്ടര്‍ലാ പ്രത്യേകം അവാര്‍ഡുകള്‍ നല്‍കുന്നുണ്ട്. സിസ്റ്റര്‍ ജിജി പി. ജെയിംസ് (സെന്‍റ് മേരീസ് ഗേള്‍സ് ഹൈസ്‌കൂള്‍, കാഞ്ഞിരപ്പിള്ളി, കോട്ടയം) ഒന്നാം സ്ഥാനം കരസ്ഥമാക്കി. എ.എം. അന്‍സാരി (കെ.വി.യു.പി.എസ്. പാങ്ങോട്, തിരുവനന്തപുരം), കെ.എം. അസ്‌കര്‍ അലി (ജവഹര്‍ നവോദയ വിദ്യാലയ, വൈത്തിരി, വയനാട്) എന്നീ അധ്യാപകര്‍ യഥാക്രമം രണ്ടും, മൂന്നും സ്ഥാനം കരസ്ഥമാക്കി. ഒന്നും, രണ്ടും, മൂന്നും സ്ഥാനം നേടിയ മികച്ച അധ്യാപകര്‍ക്ക് യഥാക്രമം 20,000, 15,000, 10,000 രൂപയുടെ കാഷ് അവാര്‍ഡും, ട്രോഫിയും, സര്‍ട്ടിഫിക്കറ്റും ലഭിക്കും.
പരിസ്ഥിതി ഊര്‍ജ സംരക്ഷണത്തിനായി സ്‌കൂളുകളില്‍ ഏര്‍പ്പെടുത്തിയ പദ്ധതികളും, അവ നടപ്പാലാക്കുന്നതില്‍ അധ്യാപകരുടെയും വിദ്യാര്‍ഥികളുടെയും പങ്കാളിത്തവും വിലയിരുത്തിയാണ് അവാര്‍ഡ് ജേതാക്കളെ തെരഞ്ഞെടുത്തത്. തുടര്‍ച്ചയായി 12-ാമത്തെ തവണയാണ് വണ്ടര്‍ലാ സ്‌കൂളുകള്‍ക്കായി ഈ അവാര്‍ഡ് വിതരണം ചെയ്യുന്നത്. മികച്ച പരിസ്ഥിതി ഊര്‍ജ സംരക്ഷണ പരിപാടികളാണ് പല സ്‌കൂളുകളും നടപ്പാക്കുന്നതെന്ന് വണ്ടര്‍ലാ മാനേജ്‌മെന്‍റ് അറിയിച്ചു. വണ്ടര്‍ലാ കൊച്ചിയില്‍ ഫെബ്രുവരിയില്‍ നടക്കുന്ന ചടങ്ങില്‍ അവാര്‍ഡുകള്‍ സമ്മാനിക്കും.
പ്രോത്സാഹന സമ്മാനത്തിന് അര്‍ഹരായ 30 സ്‌കൂളുകള്‍: കെ.വി.യു.പി.എസ്, പാങ്ങോട്, തിരുവനന്തപുരം, ശാന്തിഗിരി വിദ്യാഭവന്‍ സീനിയര്‍ സെക്കൻഡറി സ്‌കൂള്‍, തിരുവനന്തപുരം, മുളമൂട്ടില്‍ സെന്‍ട്രല്‍ സ്‌കൂള്‍, കോഴഞ്ചേരി, പത്തനംതിട്ട, ബാലികാമഠം എച്ച്എസ്എസ്, തിരുവല്ല, ഗവ. യു.പി. സ്‌കൂള്‍, പൂഴിക്കാട്, പത്തനംതിട്ട, ഐശ്വര്യ പബ്ലിക് സ്‌കൂള്‍, കാലക്കോട്, കൊല്ലം, ഗവ. എച്ച്എസ്എസ്, ആയപറമ്പ്, ആലപ്പുഴ, മേരി റാണി പബ്ലിക് സ്‌കൂള്‍, ചങ്ങനാശേരി, കോട്ടയം, സെന്‍റ് മേരീസ് ഗേള്‍സ് ഹൈസ്‌കൂള്‍, കാഞ്ഞിരപ്പള്ളി, കോട്ടയം, ഹോളി ക്യൂന്‍സ് യുപി സ്‌കൂള്‍, രാജകുമാരി, ഇടുക്കി, വിമല പബ്ലിക് സ്‌കൂള്‍, തൊടുപുഴ ഈസ്റ്റ്, ഇടുക്കി, കാര്‍മല്‍ ജ്യോതി സ്‌പെഷല്‍ സ്‌കൂള്‍, അടിമാലി, ഇടുക്കി, ഹോളി ക്രോസ് കോണ്‍വന്‍റ് സ്‌കൂള്‍, കങ്ങരപ്പടി, എറണാകുളം, ഭവന്‍സ് വിദ്യാമന്ദിര്‍, എളമക്കര, എറണാകുളം, ബേത്‌ലെഹേം ദയറാ ഹൈസ്‌കൂള്‍, ഞാറള്ളൂര്‍, എറണാകുളം, ഫാ. മാത്യു അളകളം പബ്ലിക് സ്‌കൂള്‍, മേച്ചിറ, തൃശൂര്‍, സെന്‍റ്. പോള്‍സ് പബ്ലിക് സ്‌കൂള്‍, കുരിയച്ചിറ, തൃശൂര്‍, ഗവ. എച്ച്എസ്, ബെമ്മണ്ണൂര്‍, പാലക്കാട്, ബെഞ്ച് മാര്‍ക്ക് ഇന്‍റര്‍നാഷണല്‍ സ്‌കൂള്‍, തിരൂര്‍, മലപ്പുറം, കെഎച്ച്എംഎച്ച്എസ്എസ്, വാളക്കുളം, മലപ്പുറം, സെന്‍റ് സെബാസ്റ്റ്യന്‍ എച്ച്എസ്എസ്, കൂടരങ്ങി, കോഴിക്കോട്, വന്‍മുഖം എളമ്പിലാട് എംഎല്‍പി സ്‌കൂള്‍, ചിങ്ങപുരം, കോഴിക്കോട്, ജവഹര്‍ നവോദയ വിദ്യാലയ, വൈത്തിരി, വയനാട്, ഉറൂസുലിന്‍ ഇംഗ്ലീഷ് മീഡീയം സ്‌കൂള്‍, വിളയന്‍കോട്, കണ്ണൂര്‍, ഗവ. എച്ച് എസ്, കൊട്ടില, കണ്ണൂര്‍, എംപിഎസ്ജിവിഎച്ച്എസ്എസ്, ബെല്ലിക്കോത്ത്, കാസര്‍ഗോഡ്, ഇസ്ലാമിയ മെട്രിക്കുലേഷന്‍ ഹയര്‍ സെക്കൻഡറി സ്‌കൂള്‍, കോയമ്പത്തൂര്‍, എസ്‌വിജിവി മെട്രിക്കുലേഷന്‍ ഹയര്‍ സെക്കൻഡറി സ്‌കൂള്‍, കോയമ്പത്തൂര്‍, കമല സുബ്രമണ്യം മെട്രിക്കുലേഷന്‍ ഹയര്‍ സെക്കൻഡറി സ്‌കൂള്‍, തഞ്ചാവൂര്‍.