എലൈറ്റ് ട്രെയിനിംഗ് സെന്‍റർ: കായിക താരങ്ങളെ തെരഞ്ഞടുക്കുന്നു : Deepika.com Kerala News |

Click here for detailed news of all items

എലൈറ്റ് ട്രെയിനിംഗ് സെന്‍റർ: കായിക താരങ്ങളെ തെരഞ്ഞടുക്കുന്നു

Tuesday, May 21, 2019 12:20 AM IST

തിരുവനന്തപുരം: കേരള സ്റ്റേറ്റ് സ്‌പോർട്‌സ് കൗൺസിലിനു കീഴിൽ എലൈറ്റ് സ്‌കീമിലേയ്ക്ക് 2019-20 വർഷത്തേക്ക് കായിക താരങ്ങളെ തെരഞ്ഞെടുക്കുന്നു. അത്‌ലറ്റിക്‌സിൽ ദേശീയ മത്സരത്തിൽ മെഡൽ നേടിയവർക്കും വോളീബോൾ മെൻ, വോളിബോൾ വിമൻ, ഫുട്‌ബോൾ മെൻ, ബാസ്‌കറ്റ്‌ബോൾ വിമെൻ എന്നീ വിഭാഗങ്ങളിൽ ദേശീയ മത്സരങ്ങളിൽ പങ്കെടുത്തവർക്കും മത്സരിക്കാം. കഴിഞ്ഞ രണ്ടു വർഷത്തെ പെർഫോമൻസ് മാത്രമേ പരിഗണിക്കുകയുള്ളൂ.

അത്‌ലറ്റിക്‌സ് (ആൺ, പെൺ) തെരഞ്ഞെടുപ്പ് ഈ മാസം 25 ന് എറണാകുളം മഹാരാജാസ് സ്റ്റേഡിയത്തിലും വോളീബോൾ വുമൺ 26ന് കോഴിക്കോട് വി.കെ.കെ. മേനോൻ ഇൻഡോർ സ്റ്റേഡിയത്തിലും നടക്കും. (മിനിമം പൊക്കം: പ്ലസ് വൺ-180 സെ.മീ, കോളജ്-185 സെ.മി) വോളീബോൾ മെൻ തെരഞ്ഞെടുപ്പ് 27 ന് തൃപ്രയാർ ഇൻഡോർ സ്റ്റേഡിയത്തിലും (മിനിമം പൊക്കം: പ്ലസ് വൺ-190 സെ.മി, കോളജ്-195 സെ.മി) ഫുട്‌ബോൾ മെൻ 27ന് എറണാകുളം മഹാരാജാസ് സ്റ്റേഡിയത്തിലും നടക്കും. ബാസ്‌ക്കറ്റ്‌ബോൾ വുമൺ 28ന് തൃശൂർ ഇൻഡോർ സ്റ്റേഡിയത്തിൽ നടക്കും. താൽപര്യമുള്ള പുരുഷ, വനിതാ കായികതാരങ്ങൾ യോഗ്യത തെളിയിക്കുന്ന സർട്ടിഫിക്കറ്റുമായി ട്രയൽസിൽ പങ്കെടുക്കണം.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.