ശബരി, ജനശതാബ്ദി, കേരള എക്സ്പ്രസുകൾ ഇന്ന് ആലപ്പുഴ വഴി‌ : Deepika.com Kerala News |

Click here for detailed news of all items

ശബരി, ജനശതാബ്ദി, കേരള എക്സ്പ്രസുകൾ ഇന്ന് ആലപ്പുഴ വഴി‌

Saturday, October 20, 2018 12:55 AM IST

തിരുവനന്തപുരം: എറണാകുളം-കോട്ടയം സെക്‌ഷനിൽ ട്രാക്ക് അറ്റകുറ്റപ്പണികൾ നടക്കുന്നതിനാൽ ഇന്നു കോട്ടയം വഴിയുള്ള ട്രെയിൻ ഗതാഗതത്തിനു നിയന്ത്രണം ഏർപ്പെടുത്തിയതായി റെയിൽവേ അറിയിച്ചു. നിയന്ത്രണത്തിന്‍റെ ഭാഗമായി മൂന്നു ട്രെയിനുകൾ റദ്ദാക്കി.

കോട്ടയം വഴി പോകുന്ന എറണാകുളം-കൊല്ലം-എറണാകുളം മെമു പാസഞ്ചർ, എറണാകുളം-കായംകുളം-എറണാകുളം പാസഞ്ചർ, ആലപ്പുഴ വഴി പോകുന്ന എറണാകുളം-കായംകുളം-എറണാകുളം പാസഞ്ചർ എന്നീ ട്രെയിനുകളാണ് റദ്ദാക്കിയത്.

തിരുവനന്തപുരം-ഹൈദരാബാദ് ശബരി എക്സ്പ്രസ്, കണ്ണൂർ-തിരുവനന്തപുരം ജനശതാബ്ദി എക്സ്പ്രസ്, ന്യൂഡൽഹി-തിരുവനന്തപുരം കേരള എക്സ്പ്രസ് എന്നീ ട്രെയിനുകൾ ആലപ്പുഴ വഴി തിരിച്ചു വിടും. ഈ ട്രെയിനുകൾക്ക് ഹരിപ്പാട്, അന്പലപ്പുഴ, ചേർത്തല സ്റ്റേഷനുകളിൽ ഒരു മിനിറ്റും ആലപ്പുഴ, എറണാകുളം സ്റ്റേഷനുകളിൽ രണ്ട് മിനിറ്റും സ്റ്റോപ്പ് അനുവദിച്ചതായും റെയിൽവേ അറിയിച്ചു. ഇതിനു പുറമെ കന്യാകുമാരി-മുംബൈ ജയന്തി ജനത എക്സ്പ്രസ് കോട്ടയം സ്റ്റേഷനിൽ ഒന്നേകാൽ മണിക്കൂർ പിടിച്ചിടുമെന്നും റെയിൽവേ അറിയിച്ചു.

Follow deepika.com on Twitter , Facebook and on YouTube , and stay in the know with what's happening in the world around you – in real time.

Deepika.com shall remain free of responsibility for what is commented below. However, we kindly request you to avoid defaming words against any religion, institutions or persons in any manner.