ന്യൂഡൽഹി: നിയമസഭ തെരഞ്ഞെടുപ്പിൽ ഡൽഹിയിലെ ജനങ്ങൾ ബിജെപിക്ക് അനുകൂമായി വിധിയെഴുതുമെന്ന് മഹാരാഷ്ട്ര മുഖ്യമന്ത്രി ദേവേന്ദ്ര ഫഡ്നാവിസ്. ഡൽഹിയിൽ ബിജെപി അധികാരത്തിലെത്തുമെന്ന കാര്യത്തിൽ ഒരു സംശയവും ഇല്ലെന്നും അദ്ദേഹം പറഞ്ഞു.
"ഡൽഹിയിൽ ബിജെപിയുടെ വിജയം ഉറപ്പാണ്. ആംആദ്മി പാർട്ടിയുടെ സർക്കാരിനെ ഡൽഹിയിലെ ജനങ്ങൾക്ക് മടുത്തു. അവർ മാറ്റത്തിനായി ആഗ്രഹിക്കുന്നു. ഡബിൾ എൻജിൻ സർക്കാരിന് വേണ്ടി അവർ വിധിയെഴുതും.'-ഫഡ്നാവിസ് പറഞ്ഞു.
ഫെബ്രുവരി അഞ്ചിനാണ് ഡൽഹിയിൽ വോട്ടെടുപ്പ്. എട്ടിനാണ് വോട്ടെണ്ണൽ.