കൊച്ചി :ഐഎസ്‌എല്ലിൽ കേരള ബ്ലാസ്റ്റേഴ്സിന് മിന്നും ജയം. കൊച്ചിയിൽ നടന്ന മത്സരത്തിൽ മുഹമ്മദൻസ് എഫ്സിയെ എതിരില്ലാത്ത മൂന്ന് ഗോളുകൾക്ക്‌ തോൽപ്പിച്ചു.
കളിയുടെ ആദ്യ പകുതി ഗോൾ രഹിതമായിരുന്നു. പിന്നീട് 62-ാം മിനിറ്റിൽ മുഹമ്മദൻസ് താരം ബാസ്കർ റോയുടെ സെൽഫ് ഗോൾ ബ്ലാസ്റ്റേഴ്സിന് ലീഡ് നൽകി.
പിന്നാലെ 80-ാം മിനിറ്റിലായിരുന്നു ബ്ലാസ്റ്റേഴ്സിന്‍റെ രണ്ടാം ഗോൾ പിറന്നത്. താരം നോഹ സദോയ് ആണ് ബ്ലാസ്റ്റേഴ്സിന്‍റെ ലീഡ് ഇരട്ടിയാക്കിയത്.
പിന്നാലെ 90-ാം മിനിറ്റിൽ ബ്ലാസ്റ്റേഴ്സിന്‍റെ അപ്രതീക്ഷിത ഗോൾ എത്തി. അലക്സാണ്ടർ കോയീഫ് ആണ് ബ്ലാസ്റ്റേഴ്സിന്‍റെ മൂന്നാം ഗോൾ കണ്ടെത്തിയത്.