തിരുവനന്തപുരം: മുനമ്പം വഖഫ് ഭൂമിപ്രശ്നത്തിനു പരിഹാരം നിര്‍ദേശിക്കാന്‍ ജുഡീഷല്‍ കമ്മീഷനെ നിയമിച്ച് സര്‍ക്കാര്‍ വിജ്ഞാപനം ഇറങ്ങി.
റിട്ട. ജസ്റ്റീസ് സി.എന്‍. രാമചന്ദ്രന്‍ നായരാണ് ജുഡീഷല്‍ കമ്മീഷന്‍. മൂന്നുമാസത്തിനുള്ളില്‍ റിപ്പോര്‍ട്ട് സമര്‍പ്പിക്കാനാണ് നിര്‍ദേശം.
ഭൂമിയുടെ നിലവിലെ സ്ഥിതി, സ്വഭാവം, വ്യാപ്തി എന്നിവ കമ്മീഷൻ കണ്ടെത്തണം. ഭൂമിയിലെ താമസക്കാരുടെ അവകാശം സംരക്ഷിക്കാന്‍ ആവശ്യമായ ശിപാര്‍ശകള്‍ സമര്‍പ്പിക്കുക എന്നിവയാണ് പരിഗണനാവിഷയങ്ങള്‍.
ജുഡീഷല്‍ കമ്മീഷനുമായി സഹകരിക്കുമെന്ന് മുനമ്പം സംരക്ഷണസമിതി അറിയിച്ചു.