പോ​ ലീ​സ് ജീ​പ്പു​ക​ളു​ടെ ഗ്ലാ​സ് തകർത്ത സംഭവം: പ്ര​തി പി​ടി​യി​ൽ
Sunday, June 16, 2024 11:24 PM IST
ക​ട​യ്ക്ക​ൽ : ചി​ത​റ പോ​ലീ​സ് സ്റ്റേ​ഷ​നി​ലെ ര​ണ്ടു ജീ​പ്പു​ക​ളു​ടെ ഗ്ലാ​സ് അ​ടി​ച്ചു​പൊ​ട്ടി​ച്ച പ്ര​തി പി​ടി​യി​ൽ.

ചി​ത​റ പു​തു​ശേ​രി സ്വ​ദേ​ശി ധ​ർ​മദാ​സി​നെ​യാ​ണ് പോ​ലീ​സ് അ​റ​സ്റ്റ് ചെ​യ്ത​ത്. കഴിഞ്ഞദിവസം രാ​വി​ലെ ആ​റ​ര​യോ​ടെ​യാ​യി​രു​ന്നു സം​ഭ​വം. ഭാ​ര്യ​ക്കെ​തി​രെ ധ​ർ​മദാ​സ് സാ​മ്പ​ത്തി​ക ഇ​ട​പാ​ട് സം​ബ​ന്ധി​ച്ച് പ​രാ​തി ന​ൽ​കി​യി​രു​ന്നു.

വ​സ്തു വി​റ്റ തു​ക​യി​ൽ നി​ന്നും മൂ​ന്നു​ല​ക്ഷം രൂ​പ ഭാ​ര്യ എ​ടു​ത്തു എ​ന്നാ​യി​രു​ന്നു പ​രാ​തി. കേ​സി​ൽ ഇ​രു​കൂ​ട്ട​രേ​യും പോ​ലീ​സ് സ്റ്റേ​ഷ​നി​ൽ വി​ളി​പ്പി​ക്കു​ക​യും ച​ർ​ച്ച ചെ​യ്ത് പ​രി​ഹ​രി​ക്കാ​നു​ള്ള ശ്ര​മം പോ​ലീ​സ് ന​ട​ത്തു​ക​യും ചെ​യ്തു.

തു​ക മ​ക്ക​ളു​ടെ പേ​രി​ൽ സ്ഥി​ര നി​ക്ഷേ​പ​മാ​യി ബാ​ങ്കി​ൽ അ​ട​ച്ചു എ​ന്ന് ഭാ​ര്യ മൊ​ഴി​യും ന​ൽ​കി.
എ​ന്നാ​ൽ ഭാ​ര്യ​ക്കെ​തി​രെ മോ​ഷ​ണ​ത്തി​ന് കേ​സെ​ടു​ക്ക​ണമെ​ന്നാ​വ​ശ്യ​പ്പെ​ട്ടു സ്റ്റേ​ഷ​നി​ൽ നി​ന്നും പോ​യ ധ​ർ​മദാ​സ് അ​ടു​ത്ത ദി​വ​സം രാ​വി​ലെ എ​ത്തി പോ​ലീ​സ് ജീ​പ്പു​ക​ളു​ടെ മു​ൻ വ​ശ​ത്തെ ഗ്ലാ​സ് അ​ടി​ച്ചു പൊ​ട്ടി​ക്കു​ക​യാ​യി​രു​ന്നു.

ശ​ബ്ദം കേ​ട്ടു ഓ​ടി​യെ​ത്തി​യ പോ​ലീ​സു​കാ​ർ ഇ​യാ​ളെ ഉ​ട​ൻ പി​ടി​കൂ​ടി.
പൊ​തു​മു​ത​ൽ ന​ശി​പ്പി​ക്കു​ക, പോ​ലീ​സ് സ്റ്റേ​ഷ​നി​ൽ അ​തി​ക്ര​മം കാ​ട്ടു​ക തു​ട​ങ്ങി വി​വി​ധ വ​കു​പ്പു​ക​ൾ ചു​മ​ത്തി അ​റ​സ്റ്റ് ചെ​യ്ത പ്ര​തി​യെ വൈ​ദ്യ പ​രി​ശോ​ധ​ന​ക്ക് ശേ​ഷം ക​ട​യ്ക്ക​ൽ കോ​ട​തി​യി​ൽ ഹാ​ജ​രാ​ക്കി റി​മാ​ന്‍റ്ചെ​യ്തു.

Copyright @ 2022 , Rashtra Deepika Ltd.